FILIPI 4:7 - WUKE SUSI WATTI'U AL᷊AL᷊USASSA

⁷ Ne paddarame wuassu Ruata apan tawe asunnannu taumata, sarun mallu'adda naungngu wuṛṛu ṛingiṛṛannu apan suete naaukka ringanni Kristus Yesus.

FILIPI 4:7 Iomraidhean Croise

NEHEMIA 8:10

Orassa indi apul᷊ete; ante wuṛṛu pa'inumpe ringannu lullala'a. Onggol᷊a'e sambageanganna wuassu anna wuṛṛu anggorenu si mangitou apan awussa. Allo indi allo apan niṛṛae su Mawu kite, nariaddi arie paasusa. Al᷊al᷊uassa apan nionggollu Mawu si yamiu sarun manohassa si yamiu.”

AYUB 22:21

Ne, Ayub, paddameten Mawu, tadea'u i'o maasomba atatammudda. Amungkangngu udde olaannu, i'o sarun maasomba auntunganna.

AYUB 34:29

Napawe Ruata makkawessa mangke mal᷊annabba, taweddu saran sangkatou apan waṛṛani mapasal᷊a-Ne. Amungkangngu i Tou namunin hati-Ne, tawe saran sangkatou apan maasangkalla si Tou.

DARALO 29:11

Antimanna Mawu mangonggolu atatohassa su walahan-Ne, wuṛṛu ma'ola'a si mangitou su lal᷊umanna'a.

DARALO 85:8

Pal᷊iatta'e manungku I'o sidutu marangngu si yami, oh Mawu, i yami onggol᷊eten al᷊amatta wuas-Si'o.

AMSAL 2:11

Pasasunna wuṛṛu apandenu sarun mallu'adda si'o,

AMSAL 4:6

Arega'e asingkatta udde, ne asingkatta sarun mallu'adda si'o; pandangngute si tou ne i tou sarun mandiaga si'o tadea'u sidutu mal᷊angnganna.

AMSAL 6:22

Manga al᷊aṛṛa'i mangitou sarun mangehetta si'o sulal᷊ummu amatanna, mallu'adda si'o sutempo ṛabbi, wuṛṛu mangonggollu tatantiro si'o sutempo i'o mabbangunna.

YESAYA 26:12

Mawu, I'o sarun ma'ola'a si yami su lal᷊umanna'a; sarangkanambone apan mammanaranni yami, ete I'o apan mangngaṛṛa'u udde si yami.

YESAYA 26:3

Mawu, I'o nangonggollu paddarame wuṛṛu lal᷊umanna'a su taumata apan naungnge matammudda, ana waugu i tou mangngimanna Si'o.

YESAYA 45:7

Ete i Ya'u apan nandiaddi asasemakka wuṛṛu ararandumma, i Ya'u mandatan al᷊amatta wuṛṛu asasilaka. Ete i Ya'u Mawu apan na'ola'a sarangkanambone udde.

YESAYA 48:18

Unnuwisara i'o maddaringikka manga parenta-U, ne lal᷊umannangu naal᷊ihidda sal᷊ukka apan tawe mamara, wuṛṛu auntungannu ere lua'a su tahal᷊oangnga apan tawe illol᷊one.

YESAYA 48:22

Tawe asasal᷊amatta su taumata lal᷊eo,” etearoddi wisara Mawu.

YEREMIA 32:16

Napawe manga surattu pamamalli udde ta'u nionggolla si Barukh, i ya'u niumal᷊iomanna,

YEREMIA 33:6

Arawe sutempo addantane i Ya'u sarun mapawelengngu ola'u soa indi wuṛṛu tumanangnge; i mangitou sarun matohassa apia. I Ya'u sarun mangonggolla si mangitou lal᷊umanna'a wuṛṛu atatahul᷊andimma apan nangillembo.

REENGANNA 6:26

Antimanna Mawu mandangngu si yamiu wuṛṛu mangonggolu paddarame si yamiu.

LUKAS 1:79

aroddiwe lai Tou nangonggolu semak-Ke su anambon taumata apan mabbiakka sulal᷊ummu ararandumma wuṛṛu su atata'utta. I Tou mangngehetta si ite su lal᷊anna apan matudda m paddarame.”

LUKAS 2:14

“Daralo su Ruata su langitta apan atanggaṛṛanne! Wuṛṛu su wowon dunia, paddarame su taumata apan ma'al᷊uassa naungngu Mawu!”

YOHANES 14:27

Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta.

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

ROMA 1:7

Ana waugu udde i ya'u namoṛṛettu suratta indi si yamiu. Antimanna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu al᷊al᷊uassa si yamiu.

ROMA 14:17

Ana waugu amungkangngu Ruata mangatokku pabbawiakku sangkatou, apa apan wotongnge annananni tou ara'e inumanne, tawe tumanin mahuna. Ahunanne eteudde manungku taumata udde tuttuṛṛutta apulun Ruata, maapendamma al᷊al᷊uassu naungnga wuṛṛu mannengkamma al᷊al᷊uassa apan nionggolu Ghaṛṛahon Ruata.

ROMA 15:13

Ete Ruata apan pangngantimanni yamiu. Sal᷊andeanna i Tou malloṛṛo naungngu ringannu al᷊al᷊uassa wuṛṛu paddarame ana waugu i yamiu mangngimanna, tadea'u ringannu taṛṛinon Ghaṛṛahon Duata i yamiu lembo mangngantimma Ruata.

ROMA 5:1

Orassa indi i ite naaukka apia ringannu Ruata, ana waugu i ite mangngimanna. Wuṛṛu ana waugu udde i ite mabbiakka sulal᷊ummu paddarame ringannu Ruata sulal᷊ummu Mawun kite Yesus Kristus.

ROMA 8:6

Amungkangngu ṛingirannu paparentannu pallal᷊agun taumata, ne sombangnge udde papate. Arawe amungkangngu ṛingirannu paparentannu Ghaṛṛahon Duata, ne sombangnge eteudde mabbiakka su paddarame ringannu Ruata.

2 KORINTUS 10:5

wuṛṛu manggohakku tanda'u atatanggakka apan niola'a ipanompolla asingkattu Ruata. I yami nanametta ṛingiṛṛannu manga taumata wuṛṛu na'ola'a si mangitou massuṛṛubawa si Kristus.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

EFESUS 3:19

apan ringannu ṛingiṛṛannu taumata tawe iasunna saran kadio'a. Doronganna i yamiu maaillal᷊a darangngun Kristus udde, na'oman sara i yamiu mapenen apulun Duata apan nasuungnga.

FILIPI 1:1

Manga tuṛṛangnga al᷊aṛṛana'u Ruata sarangkanambone apan uatana'a su Filipi, wuṛṛu apan uaaukke ringanni Kristus Yesus. Wuṛṛu manga tuṛṛangnga piaṛṛangnge see lai matatul᷊ungngu jamaatta! I ya'u, Paulus, suadio'a ringanni Timotius, manga allangngi Kristus Yesus,

FILIPI 1:2

mangantimma doronganna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu paddarame si yamiu.

FILIPI 4:19

Ruata apan sassubbangku, apan napenen paa'ala sulal᷊ummi Kristus Yesus, sarun manuungngu hausannu.

FILIPI 4:21

Wal᷊oa'a tabea'u su anambon al᷊aṛṛana'u Ruata apan ua'aukka ringanni Kristus Yesus. Wuṛṛu sengkamma lai tabea wuassu manga tuṛṛanga apan suaddio'a ringangku isindi.

FILIPI 4:9

Ola'e apa apan a'urumanna wuṛṛu asengkamani yamiu wuassi ya'u: mawae wuassu manga wisara ara'e lai wuassu manga inolaangku. Ruata punnu paddarame, sarun mangal᷊amatta si yamiu.

KOLOSE 3:15

Ṛinone manga pangudusannu hatto udde insueannu paddarame apan nionggoli Kristus sulal᷊ummu naungngu. Ana waugu Ruata namaggo si yamiu maola'a sambau waddanga, tadea'u i yamiu mabbiakka sulal᷊ummu paddarame wuassi Kristus udde. Ṛinone i yamiu maadiangkamanna.

2 TESALONIKA 3:16

Eteudde Mawu punnu paddaramen kite. Doronganna i Tou siddutu mangonggolu paddarame si yamiu su al᷊awo'u inolaanna. Doronganna Mawu makkundinganna tuṛṛanga sarangkanambone.

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

SONDAPPA 1:4

Manga tuṛṛanga apan uatana'a su pitu jamaatta su leta'u Asia! I ya'u Yohanes, mangngantimma i yamiu onggol᷊annu al᷊amatta wuṛṛu al᷊al᷊uassa wuassu Ruata – eteudde i Tou apan nirumanta, apan nirumantate wuṛṛu apan nirumanta sarangkal᷊o'engnge – wuṛṛu lai wuassu pitu ghaṛṛaho apan uatana'a su saruannu adderan araratuannu Ruata,

SONDAPPA 2:17

Isai-sai apan maaringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna manna apan uawuni, wuṛṛu sambau-sambau sarun manengkama wuassia'u sambau watu mawira. Su watu udde uawoṛṛetta sambau aranna wakku, apan awagananni sai-sai, tumba'u taumata apan nanengkamma.”