FILIPI 4:6 - WUKE SUSI WATTI'U AL᷊AL᷊USASSA

⁶ Arie paasinggawanga su ola'u manga apa. Sulal᷊ummu al᷊awo'u inolaanna, aal᷊iomante wuṛṛu paddorongke su Ruata. Apa apan ipaapulun kamiu, wal᷊oa'e udde sidutu su Ruata ringannu wisara aadiangkamanna.

FILIPI 4:6 Iomraidhean Croise

1 MARARATU 8:28

Oh Mawu, Ruata'u, i ya'u allangng-U! Daringiṛṛewe aal᷊iomangku, wuṛṛu! Arawe daringiṛṛewe aal᷊iomangku, wuṛṛu onggol᷊a'awe darorongku allo indi.

2 TAWARIKH 32:20

Ne niumal᷊iomante i Ratu Hizkia wuṛṛu Nabi Yesaya ana'i Amos. Itarua sussal᷊ande maddorongnga aontolla wuassu Ruata.

DARALO 51:15

Ne i ya'u sarun mangaṛa'u parenta-Nu su taumata marosa, tadea'u i mangitou mabelengnga ringan-Nu.

DARALO 55:17

Arawe i ya'u sumal᷊ande su Ruata, Mawu sarun manal᷊amatta si ya'u.

DARALO 55:22

Manga wisarane al᷊ussa massal᷊o'a, arawe sulal᷊ummu naungnge pia ararantinna. Wisarane masaṛṛionto'a, arawe mangngusu'a naal᷊ihidda hal᷊ele maṛṛoro.

DARALO 62:8

Ete i Tou Ruata apan nangonggolu asasal᷊amatta wuṛṛu aaddata si ya'u, ete i Tou pattillumangku wuṛṛu mananahe'u apan matohassa.

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

AMSAL 16:3

Pangimana'e su Mawu anambon hol᷊agu, ne i'o sarun wotongnge maaola'a.

ANTARI MAWANTUGA 2:14

O merpati'u su manga wallattu watu su pa'imbuniannu wawal᷊anne pia rampissa, wala'e i ya'u ma'ellega hatinu, wuṛṛu maddaringikka tingikku, ana waugu hatinu maṛṛamaga, tingikku matelengnga.

YEREMIA 32:16

Napawe manga surattu pamamalli udde ta'u nionggolla si Barukh, i ya'u niumal᷊iomanna,

YEREMIA 33:3

“Sal᷊andete si Ya'u, ne i Ya'u sarun sumimbakka; sarun Ta'u iapasingkatta si yamiu manga inolaanna apan maṛṛamaga wuṛṛu maatiangnga apan ta'e awaganannu.

DANIEL 3:16

Sadrakh, Mesakh wuṛṛu Abednego sinumimbakka, “Tuangnga apan mawantuga, i yami tawe maannamma manahekku watanganni yami.

DANIEL 6:10

Ne Ratu Darius nabartandate suratta parenta udde.

MATIUS 10:19

Arawe amungkangngu i yamiu iapidda parikisanna, arie suminggawangnga su ola'u apa apan isimbakki yamiu, ara'e ereapa i yamiu sarun mabbatti'a. Ana waugu apa apan sarun iwisarang kamiu udde, sarun iwal᷊o si yamiu su temponete.

MATIUS 13:22

Wualanna apan nanawo su tangngan ahuranganna ṛoaanna, isassumandingnga su taumata apan uararingikka watti'a udde, arawe sussinggawangnga su ola'u wiakki mangitou wuṛṛu maapulu mabbiakka su al᷊al᷊uassa. Ana waugu udde watti'a wuassu Ruata nawul᷊i wuassu naungngi mangitou na'oman sara tawe buane.

MATIUS 6:34

Ana waugu udde arie suminggawangnga su ola'u allo tiṛṛabbi. Ana waugu tiṛṛabbi lai pia asasinggawangnge sassane. Allo indi natipusse asasusane, walasa'e tambanna apia.”

MATIUS 6:8

Imbaṛṛangnga ere i mangitou udde. Iamangngu masingkatte apa apan ipaapulung kamiu, salaiwe i yamiu taambe naddorongnga.

LUKAS 10:41

“Marta, Marta!” sasimbakku Mawu Yesus. “I'o sussinggawangnga wuṛṛu maṛṛingiddu manara indi wuṛṛu manara udde;

LUKAS 12:22

See Mawu Yesus nabbisara su manga mallal᷊aṛṛenggen-Ne, “Ana waugu udde i Ya'u mabbisara, ‘Arie pa'asinggawangnga su ola'u wiakki yamiu, eteudde apa apan sarun annananni yamiu, ara'e apa sarun iluṛṛeng kamiu.’

LUKAS 12:29

Nariaddi, arie pa'asinggawangnga wuṛṛu umal᷊iwu su ola'u apa apan sarun annananna wuṛṛu inumanni yamiu.

LUKAS 18:1

Wua'udde Mawu Yesus nabbati'u sambau sasumandingnga ipangaṛṛa'a manga mallal᷊aṛṛenggen-Ne tadea'u i mangitou sidutu u'al᷊iomanna wuṛṛu tawe ma'adio'a naungnge.

LUKAS 18:7

Ne, apa Ruata tawe manamba'a hatton al᷊aṛṛanang-Nge sassane apan sussal᷊ande si Tou allo ṛabbi? Apa i Tou sarun manoṛṛuttu tempone mantul᷊ungngi mangitou!

1 KORINTUS 7:21

Amungkangngu su tempo i'o waggoanna, i'o udde sangkatou allangnga, ariewe i'o masusa maṛṛingiddu olangnge udde. Arawe amungkangngu su paassa i'o maasomba tempone mal᷊iu wuassu al᷊awo'u manara, paata'e tempo udde.

1 KORINTUS 7:32

I ya'u maapulu tadea'u tuṛṛangnga mal᷊iu wuassu asasusa. Taumata apan tawe awingnge sarun manidutun ṛingiṛṛanne su inolaannu Mawu, ana waugu i tou maapulu malluassa Mawu.

2 KORINTUS 1:11

I yami mangngimanna manungku ringannu manga aal᷊iomannu hunan kami, Ruata sarun manal᷊amatta si yami lai wuassu papate. Ruata mangonggolu al᷊amatta si yami maola'a sambau sasimbakku anambon aal᷊iomanni yamiu si yami wuṛṛu ana waugu udde, manambo taumata maadiangkamanna su Ruata.

EFESUS 5:20

Sidutu wuṛṛu su al᷊awo'u manara, ṛinone i yamiu maadiangkamanna su Ruata Iamangnga, sulal᷊ummu aranni Yesus Kristus Mawun kite.

EFESUS 6:18

Ola'e sarangkanambone udde, lapiddu u'al᷊iomanna maddorongnga tul᷊ungannu Duata. Su al᷊o'engngu tempo, aal᷊iomante su ereapa Ghaṛṛahon Duata ua'ehetta si yamiu. Ṛinone i yamiu sidutu uatehamma wuṛṛu arie i yamiu mangillol᷊o. Aal᷊iomante sidutu hunan anambon al᷊aṛṛana'u Ruata.

KOLOSE 3:15

Ṛinone manga pangudusannu hatto udde insueannu paddarame apan nionggoli Kristus sulal᷊ummu naungngu. Ana waugu Ruata namaggo si yamiu maola'a sambau waddanga, tadea'u i yamiu mabbiakka sulal᷊ummu paddarame wuassi Kristus udde. Ṛinone i yamiu maadiangkamanna.

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.

KOLOSE 4:2

Ṛinone i yamiu umal᷊iomanna ringannu ma'uddupa wuṛṛu maantaga, lapiddu maadiangkamanna su Ruata.

1 TIMOTIUS 2:1

Paarorone, i ya'u sumal᷊ande tadea'u sasal᷊ande, aal᷊iomanna, wuṛṛu aal᷊iomannu awadaalla, see adiangkamanna iwal᷊o su Ruata hunan anambon taumata;

1 TIMOTIUS 5:5

Wawine wal᷊u apan atonna-tonna sassane, wuṛṛu tawe isai-sai apan wotongnge mammadul᷊i si tou, tumba'u uaantimma Ruata. Allo ṛabbi i tou sidutu u'al᷊iomanna su Ruata maddorongnga tul᷊ungan-Ne.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

1 PETRUS 5:7

Tantila'e anambon asasinggawangngu su Ruata, ana waugu i Tou uapaddul᷊i si yamiu.

1 SAMUEL 1:15

Arawe i Hana sinumimbakka, “I ya'u wal᷊ine wu'anna, Papa, ya'u tawe na'inumma anggore! I ya'u niasueante ṛingidda, ne u'al᷊iomanna mabbatti'u anambon asasusa'u su Mawu.

1 SAMUEL 30:6

Tantaran Daud lembon nasusa ana waugu niawul᷊ianten ana'a wuṛṛu awingngi mangitou. Ana waugu udde i mangitou nanuntungngu watu si Daud. Nariaddi i Daud sulal᷊umme asasusa apan bahewalla, arawe naungnge nitohassu Mawu Ruatane.

1 SAMUEL 7:12

Wua'udde i Samuel napararisikku sambau watu, su passarannu Mizpa wuṛṛu Sen. I tou nabbisara, “Mawu buatte nantul᷊ungngi ite sarangakanambone.” – ana see watu udde nissagone “Watun Tatul᷊ungnga.”