FILIPI 4:19 - WUKE SUSI WATTI'U AL᷊AL᷊USASSA

¹⁹ Ruata apan sassubbangku, apan napenen paa'ala sulal᷊ummi Kristus Yesus, sarun manuungngu hausannu.

FILIPI 4:19 Iomraidhean Croise

PANDARIADDI 48:15

Wua'udde i tou nangal᷊amatta si Yusuf, wisarane, “Ruata, ete i Tou Mawu, sassubbanni Abraham wuṛṛu i Ishak, ete i Tou apan ua'ehetta si ya'u naddatingngu orassa indi;

2 SAMUEL 22:7

Sulal᷊ummu asasusa'u i ya'u sussal᷊ande Si'o Mawu, i ya'u mangngintul᷊i su Ruata'u maddorongnga aontolla. Wuassu Wal᷊en-Ne i Tou naaringikka tingi'u wuṛṛu naddaringikka sasal᷊ande'u.

2 TAWARIKH 18:13

Arawe i Mikha sinumimbakka, “Ringannu arannu Mawu apan wiakka, i ya'u tumba'u mamasingkatta apa apan niapasingkattu Mawu si ya'u!”

2 TAWARIKH 31:8

Naasilo aonggola apan manambo udde, i Ratu Hizkia wuṛṛu mamanara araratuanne mammatuga Mawu, wuṛṛu naddalo tumana'u Israel, al᷊aṛanang-Nge.

NEHEMIA 5:19

I ya'u sumal᷊ande oh Ruata, naungete sarangkanambone apan buatte ta'u niola'a su walahanna indi wuṛṛu al᷊amatewe i ya'u.

NEHEMIA 9:15

Sutempo i mangitou mal᷊unussa wuṛṛu niasueannu anna, roti wuassu langitta I'o nanossokka. Wuṛṛu wuassu watu napene, matohassa wuṛṛu maattikka ua'e aul᷊e rou niapa'elek-Ku ringannu masassagga I'o nandolokki mangitou mamanua su leta'a apan nipa'ire-Nu si tou ringannu sasalu.

DARALO 104:24

Aroddi anambone lanna'u manara-Nu, Mawu, sarangkanambone niolang-Ngu ringannu apande; runia napenen lanna'u lima-Nu.

DARALO 130:7

Pangantimpe Mawu, ei al᷊aṛṛanang-Nge, ana waugu i Tou sidutu marangngu, wuṛṛu sidutu uasaddiate manal᷊amatta.

DARALO 36:8

Tumaniten maarega darangngu-Nu, oh Ruata, taumata uasirungnga sulal᷊ummu al᷊ungngu papaiddu Mawu.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

DANIEL 6:22

Ana see niaringiṛṛante tingikki Daniel apan sinumimbakka, “Wiakke Tuangku saran mal᷊annu-l᷊annu!

MIKHA 7:7

Arawe i ite mangngantimma Mawu; ringannu napenen pangangimanna i ite tuttuṛṛutta Ruatan kite. I Tou sarun maddaringikka aal᷊iomanni ite wuṛṛu manal᷊amatta si ite.

MALEAKHI 3:10

Apira'e sepeṛṛe mapul᷊onu sarangkanambone watukku Wal᷊e-U tadea'u pia anna manambo poiaroddi. Panal᷊u'ate si Ya'u, ne i yamiu sarun maasilo manungku i Ya'u namu'a manga ngaran surga wuṛṛu nangonggolla si yamiu al᷊awo'a apan mapia.

MATIUS 6:32

Sarangkanambone udde sidutu raddeaannu taumata apan tawe maaillal᷊a Ruata. Arawe Iamangngu su surga, masingkatta manungku i yamiu maapulun sarangkanambone udde.

YOHANES 20:17

“Arie pamita si Ya'u” wisara Mawu Yesus si tou, “ana waugu i Ya'u taambe nasengkengnga ringannu Iamangnga. Arawe roote ringannu manga tuṛṛang-Ku, wuṛṛu pasingkata'e si mangitou manungku orassa indi Ya'u ireete ringannu Iamang-Ku wuṛṛu Iamangngu, Ruata-U wuṛṛu Ruatanu.”

YOHANES 20:27

Wua'udde Mawu Yesus nabbisara si Tomas, “Pa'ellege lima-U, wuṛṛu addoa'e tal᷊imadonu isindi. Ul᷊uṛṛa'e limanu wuṛṛu addoa'e su sandiṛṛang-Ku. Arie mapapadua lai ewe'e pangimante!”

ROMA 1:8

Paarorone sulal᷊ummi Yesus Kristus, i ya'u maadiangkamanna su Ruata ana waugu manga tuṛṛangnga sarangkanambone; ana waugu ahewallu runia naaringikke manungku i yamiu mangngimanna atonna su Mawu Yesus Kristus.

ROMA 11:33

Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

ROMA 2:4

Ara'e i yamiu mangngadio'a darangngu Duata wuṛṛu ahewallu naung-Nge see asasabare-Ne apan aroddi ahewalle? I yamiu masingkatta manungku Ruata mapaal᷊iatta'u apapia naung-Nge ana waugu i Tou maapulu tadea'u i yamiu mawal᷊u wuassu manga rosanu.

ROMA 8:18

Anambon asasusa apan aapendamanni ite orassa indi, tumuṛṛuttu addapa'u, tawe iasul᷊ungnga saran kadio'a ringannu awawantuga apan sarun iapaal᷊iatta'a si ite.

ROMA 9:23

Ruata lai maapulu mapaal᷊iatta'a si ite al᷊al᷊uassa apan nasuungnga apan nionggola si ite taumata arangnguan-Ne. I ite buatte nisaddianni Tou manengkamma al᷊al᷊uassa udde.

2 KORINTUS 12:21

I ya'u mata'utta amungkangngu su tempo i ya'u rumanta Ruata sarun mapaawawo'u su saruanni yamiu wuṛṛu i ya'u sarun lumuai ana waugu manambo su wallatti yamiu dorone marosa, tawe mawal᷊u, wuṛṛu tawe mangillol᷊o ma'ola'a manga inolaanni mangitou apan sussandaga, nagal᷊imutanna wuṛṛu tawe su ṛinone.

2 KORINTUS 4:17

Wuṛṛu asasusa apan tawe tumaniten mawakkata indi, apan tumba'u papendamanni yami tal᷊an kadio'a, sarun mangonggolu hessine si yami sambau al᷊al᷊uassa apan wahewalla wuṛṛu tawe pangudusanne. Al᷊al᷊uassa udde maggewal᷊anna marau amungkangngu isul᷊ungngu asasusa udde sassane.

EFESUS 1:18

I ya'u sumal᷊ande tadea'u Ruata mamu'a ṛingiṛṛannu ma'oman sara maola'a masemakka; tadea'u i yamiu maasunna apa apan aantimanni yamiu wuassu Ruata apan namago si yamiu. Wuṛṛu lai tadea'u i yamiu maasingkata aroddi anambone al᷊amatta apan maṛṛamaga apan suete nissaddia Ruata su al᷊aṛṛanang-Nge;

EFESUS 1:7

Ana waugu wuassu papaten Kristus, i ite nipallosu Ruata, atappasanne manungku i Tou buatte nangampunga si ite wuassu manga rosan kite.

EFESUS 2:7

Ruata na'ola'a udde tadea'u su tempo apan addantane, taumata wotongnge maasilo aroddi ahewalle darangngun Ruata. Darangngu udde niapaasilon Duata sulal᷊ummu apapia naung-Nge si ite sulal᷊ummi Kristus Yesus.

EFESUS 3:16

I ya'u u'al᷊iomanna doronganna Ruata apan mawantuga maapulu manohassa naungngu ringannu Ghaṛṛaho-Ne.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

FILIPI 4:7

Ne paddarame wuassu Ruata apan tawe asunnannu taumata, sarun mallu'adda naungngu wuṛṛu ṛingiṛṛannu apan suete naaukka ringanni Kristus Yesus.

KOLOSE 1:27

Su al᷊aṛṛanang-Nge udde Ruata maapulu mapaal᷊iatta'a aroddi apiane wuṛṛu awantuge addapinge udde su anambon walahannu taumata. Addapinge eteudde: Kristus udde sulal᷊ummu wadangu, atappasanne i yamiu lai sarun maapendamma awawantugu Ruata.

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

1 TESALONIKA 2:12

I yami mannantiro si yamiu, i yami mangngonggolu sasasa si yamiu wuṛṛu i yami mammata'a tadea'u i yamiu mabbiakka aroddi olangnge ma'oman sara maal᷊uassa naungngu Ruata. Ana waugu Ruata suete namaggo si yamiu maola'a lal᷊oṛṛon Dunia Wakkun Duata wuṛṛu mamendamma awawantu-Ge.

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

FILEMON 1:4

Suapan i ya'u umal᷊iomanna, i ya'u mannaggon arannu tuṛṛanga wuṛṛu maadiangkamanna su Ruata.

1 PETRUS 5:1

I ya'u maddorongnga aellegu manga piaṛṛa'u jamaannu. I ya'u namoṛṛeta indi, ere sangkatou tuṛṛangnga piaṛṛangnge wuṛṛu ere taumata apan suete naasilo sassane asasusan Kristus, wuṛṛu sarun wantuhanna lai suaddio'a, napawe awawantugi Kristus niapaasilote su taumata. I ya'u sumal᷊ande

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.