FILIPI 4:1 - WUKE SUSI WATTI'U AL᷊AL᷊USASSA

¹ Ana waugu udde, manga tuṛṛangku apan arangnguanna, aroddite ṛinone i yamiu mabbiakka ringannu atonna-tonna mangngimanna Mawu. Naungku maapulu maisasomban kamiu! Ete i yamiu ipaapulu'u apan maal᷊uassa naungku.

FILIPI 4:1 Iomraidhean Croise

AYUB 31:36

ne ringannu lullala'a sarun iandangnga su wambangku, wuṛṛu maola'a mahkota iaddo su pua'u.

DARALO 125:1

Aantarin patatembo. Taumata apan mangngimanna Mawu, uddewe naal᷊ihidda Wuiddu Sion apan matohassa tawe umio'a, wuṛṛu mattaṛṛangnga saran mal᷊annu-l᷊annu.

DARALO 27:14

Pangantimpe sidutu su Mawu, tohasse wuṛṛu patammura'e naungku; ore, pangantimpe Mawu!

MATIUS 10:22

I yamiu sarun ia'arantinnu anambon taumata ana waugu i yamiu mallal᷊aṛṛenggeng-Ku. Arawe taumata apan matataṛṛangnga ma'oman sara panginsueanne sarun iapaaralukka.

YOHANES 8:31

Wua'udde Mawu Yesus nabbisara su manga taumatan Yahudi apan nangimante si Tou, “Amungkangngu i yamiu mabbiakka tuttuṛṛutta al᷊aṛṛa-U, i yamiu atonna-tonna mallal᷊aṛṛenggeng-Ku,

WATTI'U MANGA RASUL 11:23

Wuṛṛu napawe i Barnabas na'omate su Antiokhia, wuṛṛu naasilo ereapa Ruata nangal᷊amatta manga taumata udde, i tou lembon lulluassa. See i tou nadorongnga tadea'u i mangitou atonna-tonna tumuṛṛutta Ruata ringannu ahewallu naungnge.

WATTI'U MANGA RASUL 14:22

Su manga soa udde i mangitou mannohassa naungngu mallal᷊aṛṛenggennu Mawu Yesus wuṛṛu mannantiro mallal᷊aṛṛenggenna udde tadea'u sidutu mangngimanna Mawu Yesus. “I ite ṛinone matataṛṛangnga rorone, wakkute udde i ite wotongnge mamendamma al᷊al᷊uassa su Runian Wakku Ruata,” aroddi manga rasul udde mangngaṛṛa'a manga mallal᷊aṛṛenggennu Mawu Yesus su soa udde.

WATTI'U MANGA RASUL 2:42

Ringannu maṛṛimada i mangitou sidutu mangngurumma al᷊aṛṛa'a wuassu manga rasul wuṛṛu sidutu uaammulla suadio'a. I mangitou u'anna su sambau wuṛṛu u'al᷊iomanna su sampunna.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

1 KORINTUS 16:13

Ṛinone i yamiu paatehamma wuṛṛu matohassa sulal᷊ummu pabbiaṛṛannu ere taumatan Saṛṛani. Pammanarate ringannu waṛṛani wuṛṛu paatohassa.

GALATIA 5:1

I ite orassa indi nal᷊iute, ana waugu Kristus buatte namallosi ite! Ana waugu udde paa'agassa apapallosa udde, wuṛṛu ariete pattingka allangnga apia.

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

FILIPI 1:8

Ruata masingkatta manungku i ya'u atonna-tonna luṛṛintulun kamiu ringannu apendamu darangngu wuassi Kristus Yesus sassane.

FILIPI 2:26

I tou maapulu atonna maisasomban kamiu sarangkanambone, wuṛṛu i tou u'ambul᷊isadda ana waugu i yamiu suete naaringikka watti'a manungku i tou marada'a.

KOLOSE 4:12

Tabea wuassi Epafras. I tou lai wuassu walahannu. I tou allangngi Kristus Yesus, apan sidutu u'al᷊iomanni yamiu ringannu maṛṛimadda. I tou sussal᷊ande Ruata tadea'u pangangimannu mabal᷊i matohassa wuṛṛu i yamiu atonna-tonna natimmaddete, tadea'u i yamiu lai nasuungnga tuttuṛṛuta apulun Duata.

1 TESALONIKA 3:13

Ringannu aroddi Mawu sarun manohassa naungngu, na'oman sara i yamiu ma'ukkasa wuṛṛu tawe sal᷊ane su saruannu Ruata Iamangngi ite, su tempo Mawun kite Yesus rumanta suadio'a ringannu anambon taumata apan naola'a pussa'a-Ne.

2 TESALONIKA 2:15

Ana waugu udde, Manga tuṛṛangnga, darisikke paatohassa wuṛṛu pangagasse sidutu su manga al᷊aṛṛa'a apan suete nionggoli yami si yamiu, mawae udde uahahati ara'e lai su suratta.

2 TIMOTIUS 2:1

Timotius, ana'u! Ṛinone i'o mabbal᷊i matohassa ana waugu al᷊amatta apan nionggolla si ite, ana waugu i ite uaaukka ringanni Kristus Yesus.

IBRANI 10:23

Ṛinone i ite uaagasa atonna su antima apan pangimananni ite, ana waugu Ruata wotongnge apangimananna wuṛṛu i Tou sarun manuungngu pa'aire-Ne.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

IBRANI 4:14

Ana waugu udde i ite ṛinone uaaggasa matohassa su panga'uannu pangangimanni ite. Ana waugu i ite uatahuanna Imam Bahewa lembon mawantuga, apan suete sinumutta na'oma su saruannu Ruata – eteudde Yesus Kristus Ana'u Ruata.

2 PETRUS 3:17

Arawe i yamiu manga tuṛṛangku apan arangnguanna, maasingkatte olangnge udde. Ana waugu udde, paatehamma, arie i yamiu iawol᷊engnga sulal᷊ummu ararandumu manga taumata lal᷊eo, ma'oman sara i yamiu manawo wuassu tampa dararisiṛṛanu apan matohassa.