FILIPI 3:8 - WUKE SUSI WATTI'U AL᷊AL᷊USASSA

⁸ Wal᷊ine tumba'u manga inolaanna udde; arawe lai al᷊awo'u inolaanna apan sassunnangku ere manga inolaanna tumba'u maaruggi. Apan tatahuanangku orassa udde lembon maaregganne; eteudde maaillal᷊a si Kristus Yesus Mawu'u. Ana waugu Kristus, ne i ya'u suete namallosu manga al᷊awo'a. Aellehangku sarangkanambone udde ere sapadda, tadea'u i ya'u wotongnge maasomba si Kristus,

FILIPI 3:8 Iomraidhean Croise

1 MARARATU 14:10

Ana waugu udde i Ya'u sarun mandantan asasilaka su amonannu. Anambon papapulunnu esakka, salaiwe apa manarane, sarun pateanna. I Ya'u sarun mamul᷊in amonannu, ere lai taumata apan mannapu sapadda na'oman sara nawaresi.

2 MARARATU 9:37

wuṛṛu manga lamben binal᷊unanne udde uasal᷊iawukka ere tain binatangnga, na'oman sara tawe saran sangkatou apan wotongnge maaillal᷊a tanne winal᷊unanni sai udde.’ ”

AYUB 20:7

arawe i tou sarun mawul᷊i saran mal᷊annu-l᷊annu, mawul᷊i wuassu runia ringannu lal᷊anne apan nilobbossa. Manga taumata apan buatte masingkatti tou, sarun maiwal᷊o, “Ei, watukkennapa i tou?”

DARALO 126:6

Taumata inaite nangasi'u wualanna su wawail᷊anne, lapiddu tutturo allon matane. I Tou napul᷊e ringannu mangngantari lulluassa uaapiddu manga ro'en pangitinganne.

DARALO 73:25

Isai apan tatahuanangku su surga tumba'u I'o? Wal᷊ine wuassu Mawu taweddu ta'u ipaapulu su runia.

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

MALEAKHI 2:3

Manga anangngu sarun Ta'u iṛṛuumanna, wuṛṛu hatinu Ta'u wuṛṛannu tain binatangnga apan niola'i yamiu sasamba, wuṛṛu i yamiu sarun wol᷊enganna su ombon sapadda.

REENGANNA 14:30

Suliuddi Kaleb wuṛṛu i Yosua, tawe saran sangkatou su wallatti yamiu apan uukke ruan pul᷊o ire'e sarun maasutta su wanua apan Ta'u pina'ire si yamiu udde.

LUKAS 1:43

Isai ya'u na'oman sara inangngu Mawu nirumanta ringangku?

LUKAS 11:20

Arawe i Ya'u mallimbuakka ghaṛṛaho lal᷊eo ringannu taṛṛinon Ruata, wuṛṛu udde atappasanne manungku Ruata mannattakke mammarenta su pattangnganni yamiu.

YOHANES 14:20

Napawe nia'omante allo udde, i yamiu sarun maasingkatta manungku i Ya'u uaaukka ringannu Iamangnga, wuṛṛu i yamiu uaaukka ringang-Ku, wuṛṛu i Ya'u uaaukka ringanni yamiu.

YOHANES 14:7

Unnu wisara i yamiu maaillal᷊a si Ya'u, i yamiu lai maaillal᷊a Iamang-Ku. Orassa indi yamiu naaillal᷊ate si Tou, wuṛṛu suete naasilo si Tou.”

YOHANES 16:3

I mangitou ma'ola'a udde si yamiu ana waugu i mangitou taambe naaillal᷊a Iamangnga aroddi lai si Ya'u.

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

YOHANES 17:8

Suete Ta'u niapaasingkatta si mangitou wisaran Iamangnga apan nionggolu Iamangnga si Ya'u; wuṛṛu suete nisengkammi mangitou. I mangitou masingkatta manungku i Ya'u atonna-tonna nirumanta wuassu Iamangnga wuṛṛu i mangitou lai mangngimanna manungku ete Iamangnga apan nandolo-U.

YOHANES 20:13

Manga mala'ekatta udde naiwal᷊o, “Inangnga, anio lulluai?” I Maria sinumimbakka, “Mawu'u suete nianu, wuṛṛu i ya'u wagga i Tou niaddo suapa.”

YOHANES 20:28

I Tomas nabbisara Mawu Yesus, “Mawu'u wuṛṛu Ruata'u!”

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

ROMA 8:18

Anambon asasusa apan aapendamanni ite orassa indi, tumuṛṛuttu addapa'u, tawe iasul᷊ungnga saran kadio'a ringannu awawantuga apan sarun iapaal᷊iatta'a si ite.

ROMA 8:39

mawae ete manga inolaanna su langitta, ara'e su wowon runia ara'e saranapa lai waine, sarangkanambone udde tawe wotongnge maasingaddu aakkannu Ruata si ite, ere buatte niapaasingkati Tou su pabbiaṛṛani Kristus Yesus Mawun kite.

1 KORINTUS 2:2

Ana waugu i ya'u buatte naddiandi, manungku su al᷊o'engngu allo i ya'u ta'e ringanni yamiu, i ya'u tawe bisarane apa-apa, tumba'u su ola'i Yesus Kristus; ahewal᷊anne manungku i Tou buatte nate su alu arussa.

1 KORINTUS 9:10

Ara'e udde pandumanne si ite? Atonna udde niwoṛṛetta si ite. Ana waugu taumata apan mammanara waille wuṛṛu taumata apan mammaresi ammene, su ṛinone mammanara ringannu mangngantimma maasengkama sangkawageanganna wuassu hessin manarane.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

GALATIA 1:16

Ruata nanualagu Anang-Nge si ya'u tadea'u Watti'u Al᷊al᷊uassa su ola'u Anang-Nge wotongnge iwatti'u su manga taumata wal᷊ine Yahudi. Su tempo udde i ya'u tawe inai ringannu sangkatou madorongnga al᷊aṛṛa'a.

EFESUS 4:13

Ringannu aroddi i ite sarangkanambone naola'a sambau ana waugu pangangimanna apan uasul᷊ungnga wuṛṛu pasasunna apan uasul᷊ungnga su ola'u Ana'u Ruata. Wuṛṛu i ite naola'a manga taumata timmade apan mallannu aatambanna asasuungnge ere Kristus.

FILIPI 1:1

Manga tuṛṛangnga al᷊aṛṛana'u Ruata sarangkanambone apan uatana'a su Filipi, wuṛṛu apan uaaukke ringanni Kristus Yesus. Wuṛṛu manga tuṛṛangnga piaṛṛangnge see lai matatul᷊ungngu jamaatta! I ya'u, Paulus, suadio'a ringanni Timotius, manga allangngi Kristus Yesus,

FILIPI 3:10

Tumba'u sambau apan ipaapulu'u eteudde tadea'u i ya'u maaillal᷊a si Kristus, wuṛṛu maapendamma taṛṛino apan napaawiakki Tou wuassu papate. I ya'u maapulu matataṛṛanga suaddio'a ringanni Tou wuṛṛu maola'a uasul᷊ungnga ere i Tou su ola'u papate-Ne.

FILIPI 3:12

I ya'u tawe mabbisara manungku i ya'u naasombate auntunganna, ara'e nasuungke. Arawe i ya'u sidutu maddea'a maapangaṛṛo aonggola apan suete nissaddian Kristus Yesus. Ana waugu udde i Tou suete nangaṛṛo si ya'u, wuṛṛu niola'a pussa'a-Ne.

FILIPI 3:7

Arawe ana waugu Kristus, ne sarangkanambone apan dorone sassunnangku sambau auntunganna, orassa indi naola'a sambau apan maarugi.

2 TIMOTIUS 4:6

Su ola'u riri'u, nia'omante tempone i ya'u sarun mate maola'a sambau sasamba su Ruata. Tate mal᷊annu lai ya'u sarun manantangngu runia indi.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

1 PETRUS 2:7

Watu udde lembon maarega si yamiu apan mangngimanna. Arawe su taumata apan tawe mangngimanna, matipusse manga araddoanne su Wuke Susi ereindi, “Watu apan tawe ipaattu manga ma'aola'a wal᷊e udde wutte'e naola'a watu apianne.”

2 PETRUS 1:2

Doronganna Ruata mangonggolu al᷊amatta wuṛṛu paddarame si yamiu ringannu manambo-nambo, ana waugu i yamiu maaillal᷊a Ruata, wuṛṛu Yesus, Mawun kite.

2 PETRUS 1:3

Ruata suete nappaattu taṛṛino-Ne sassane wuṛṛu nangonggolu al᷊awo'u sarannapa si ite apan ipappaatta su patataṛṛamawuanna. Inolaanni Tou indi wuassu apa apan niasingkatanni ite su ola'u Mawu Yesus Kristus, apan suete namaggo si ite mamendamma awawantu-Ge wuṛṛu apapia-Ne.

2 PETRUS 1:8

Sarangkanambone eteudde manga pallal᷊agu apan pappandumanni yamiu. Amungkangu manga pallal᷊agu udde pia si yamiu ringannu manambo-nambo, i yamiu mabbal᷊i maṛṛimada wuṛṛu pia buane, wuṛṛu maaillal᷊a Yesus Kristus Mawun kite ringannu lembon mapia lai.

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus

1 YOHANES 1:3

Apa apan suete niasiloanna wuṛṛu niaringiṛṛani yami, eteudde lai apan iappasingkati ami si yamiu, tadea'u i yamiu suadio'a ringanni ami wotongnge maapendamma wiakka uaaukka ringannu Iamangnga wuṛṛu ringannu Anang-Nge Yesus Kristus.

1 YOHANES 2:19

Manga seetti Kristus eteudde manga taumata apan suete nanantangi ite, ana waugu i mangitou su ṛinone wal᷊ine taumata su sambau ringanni ite. Amungkangu i mangitou taumata su sambau ringanni ite, i mangitou mangke uaammulla ringanni ite. Arawe i mangitou nanantangi ite, tadea'u matualage manungku tawe saran sangkatou wuassi mangitou apan atonna-tonna nasutta su reenganni ite.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.