FILIPI 3:2 - WUKE SUSI WATTI'U AL᷊AL᷊USASSA

² Paatehamma su saruannu manga taumata apan ma'ola'a inolaanna lal᷊eo, manga taumata apan wotongnge isaggo ‘asu’. I mangitou mammata'a tadea'u manga taumata udde iapa sunatta.

FILIPI 3:2 Iomraidhean Croise

DARALO 119:115

Ei taumata lal᷊eo, paaraute wua dingangku! I ya'u tuttuṛṛutta parentan Duata'u.

DARALO 22:16

Tonggol᷊angku namara ere pilessa, lila'u naddeetta su saṛṛangaddu moṛṛongku. Mawu, I'o nanantangku su wowon awu naal᷊ihidda taumata natete.

DARALO 22:20

Arawe I'o, ariewe pangindau, oh Mawu, paal᷊ihakke rumanta pangontolla si ya'u, ana waugu ete I'o atatoha'u.

AMSAL 26:11

Naal᷊ihidda asu nabelengnga nangalluppa mutane, aroddi lai taumata woddo apan nanul᷊en awawoddone.

MATIUS 24:10

Su tempo udde manambo taumata sarun massinaadu Mawu, wuṛṛu mandal᷊eo see masaseetta sangkatou ringannu sangkatou.

MATIUS 7:15

“Paatehamma su manga nabi awusu. I mangitou nirumanta ringanni yamiu, lihide ere domba, arawe i mangitou ṛinone ere serigala apan mal᷊aṛṛaga.

MATIUS 7:6

Arie mangonggolu sarannapa na'ukkassa su asu, tadea'u asu udde tawe mangawal᷊i'a mamangalo si'o. Wuṛṛu arie mangonggolu mutiara su wawi, tadea'u wawi udde tawe maṛṛinda mutiara udde.”

ROMA 2:28

Ana waugu taumatan Yahudi tutune wal᷊inewe taumata tumba'u aranne taumatan Yahudi; wuṛṛu taumata apan atonna-tonna nissunatta, wal᷊inewe taumata apan nissunatta tumba'u su wadangnga.

2 KORINTUS 11:13

Manga taumata ere udde, uddewe rasul awusu. I mangitou mammamanara mangngawusu taumata wuṛṛu mattingkaola'a naal᷊ihida ere manga rasul wuassi Kristus.

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

GALATIA 5:15

Arawe amungkangu i yamiu mangke uaaṛṛautta, paatemhamma, panginsueanne i yamiu maṛṛimunsa'a suaddio'a.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

FILIPI 3:19

Wiakku manga taumata ereudde panginsueanne papate, ana waugu mawu mangitou eteudde apulun wadangngi mangitou sassane. Manga inolaanna apan maasili, eteudde ipammunga mangitou; ana waugu i mangitou tumba'u maṛṛingiddu manga inolaanna apan ipaapulun dunia indi.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

1 TIMOTIUS 1:19

Pammanarate ringannu pangangimanna apan atonna wuṛṛu ringannu lal᷊ummu naungnga apan waresi. Pia manga taumata apan tawe maddaringikka tingikku lal᷊ummu naungnge, na'oman sara naṛṛimunsa'e pangangimanni mangitou.

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.

2 PETRUS 2:22

Apa apan a'olaanni mangitou napal᷊iatta'u sasanato'a indi, “Asu sarun umanna apia anna apan buatte nimutane,” wuṛṛu “Wawi apan buatte nireno, sarun mabelengnga apia tumal᷊inggi su tona.”

YUDAS 1:4

Ana waugu ringannu niawagananni ite, pia manga taumata waine apan sinumutta nail᷊al᷊o'a su pattangnganni ite. I mangitou manga taumata lal᷊eo, apan mammal᷊elongngu watti'a su ola'u darangngun Duatan kite, tadea'u i mangitou pia tempo mapaasabangngu apulun naungngi mangitou lal᷊eo. Wuṛṛu i mangitou mannol᷊a'u Mawu Yesus Kristus, eteudde sangkatou Tembonanne wuṛṛu Mawun kite. Roen al᷊amonane ṛuumanni mangitou suete niapaasingkata sulal᷊ummu Wuke Susi.

SONDAPPA 2:9

I Ya'u masingkatu manga asasusanu; i Ya'u masingkata i yamiu asiangnga arawe wutte'e yamiu ala! I Ya'u masingkatu manga aal᷊uandaga apan ipangal᷊uandaga si yamiu wuassu manga taumata apan mangnga'u ririne Yahudi, wutte'e wal᷊ine; ete i mangitou udde walahannu Setanna!

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

SONDAPPA 3:9

Naungete indi: Manga taumata apan naola'a walahannu Setanna udde, manga taṛṛa awusu apan mangnga'u watanganne Yahudi wutte'e wal᷊ine, sarun Ta'u olaanna ma'oman sara i mangitou rumanta umal᷊intudda su saruannu. Wuṛṛu i mangitou sarun maasingkata manungku i Ya'u marangngu si yamiu.