FILIPI 3:19 - WUKE SUSI WATTI'U AL᷊AL᷊USASSA

¹⁹ Wiakku manga taumata ereudde panginsueanne papate, ana waugu mawu mangitou eteudde apulun wadangngi mangitou sassane. Manga inolaanna apan maasili, eteudde ipammunga mangitou; ana waugu i mangitou tumba'u maṛṛingiddu manga inolaanna apan ipaapulun dunia indi.

FILIPI 3:19 Iomraidhean Croise

DARALO 17:14

Liuaawe i ya'u wuassu manga taumata apan mangngundu'u darotongngu runia. Ṛuumana'ewe i mangitou ringannu asasilaka apan buatte nissadia-Nu si mangitou. Wala'ewe ana'a papapulunni mangitou iṛṛuumanna lai.

DARALO 52:1

Su piaṛṛa'u mangangantari. Aantari al᷊aṛṛa'i Daud,

YEREMIA 44:17

Al᷊awo'a apan buatte pina'ireng kami, sarun olaanni yami lai. I yami sidutu sarun mangngonggollu sasamba su Ratun Surga, wuṛṛu mallal᷊innu anggore maola'a sasamba si tou ere inanaramanne apan ilallagu su manga soan Yehuda wuṛṛu su manga lal᷊annu Yerusalem apan a'olaannu al᷊amonan kami, manga ratu wuṛṛu manga tembonannu araratuanni yami see lai i yami sassane. Sutempo udde i yami uatahuanna manambo anna, i yami su lal᷊umanna'a, wuṛṛu tawe asasusa apa-apa.

YEHEZKIEL 13:19

I yamiu buatte nangaddio'a si Ya'u su saruannu uma-U tumba'u ana waugu see maasomba pirang kangkumma jelai wuṛṛu piran paddi roti. Manga taumata apan tawe sal᷊ane, nipateng kamiu arawe manga taumata apan ṛinone mate niwalang kamiu wiakka. Ana see i yamiu namahia uma-U wuṛṛu i mangitou nangimanna si yamiu.’ ”

YEHEZKIEL 34:3

Susune niinummi yamiu, wambul᷊une niola'i yamiu laubba, wuṛṛu domba apan atawanne nipototti yamiu wuṛṛu niinassa. I yamiu tawe saran paassa namadul᷊i manga dombanu.

HOSEA 4:7

Mallannu i yamiu aatambanna anambone, lembon marosa lai i yamiu si Ya'u, ei manga imam! Ana waugu udde olangnge sarun Tau wal᷊uanna: I yamiu sarun tate lai addatanna, ewe'e lallobbosanna.

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

MIKHA 3:5

Walahangku niwahiannu manga nabi apan manni'attu apapia su taumata apan tawe mongonggolla. Su manga nabi aroddi, Mawu nabbisara,

MALEAKHI 1:12

Arawe i yamiu mallobbossa si Ya'u ana waugu massunna mezbah-U tawe ereggane, wuṛṛu mangngongngollu sasamba isudde anna apan nitol᷊a'i yamiu!

MATIUS 16:23

Mawu Yesus nanaile see nabbisara si Petrus, “Roote passal᷊iu wua isindi, Mamamono'a! I'o mannal᷊are si Ya'u. Ṛingiddu udde ṛingiṛṛannu taumata; wal᷊ine ṛingiṛṛannu Ruata!”

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

LUKAS 12:19

Wua'udde sarun iwisara su riri'u sassane: I'o naauntungnga! Al᷊awo'u apa apan mapia naola'e pussaanu wuṛṛu tawe masue sulal᷊ummu pira tonna al᷊annune. Pangillol᷊ote orassa indi! Ante wuṛṛu pa'inumpe, wuṛṛu pamendammpe lal᷊umanna'u wiakku!’

LUKAS 16:19

“Pia sangkatou ala. Peddenne mangkasagada aregane wuṛṛu wiakke mannampal᷊iu apiane su miallo-miallo.

LUKAS 18:4

Manga pira tempo al᷊annune mallaṛṛuungnga udde maddiri mantul᷊ungngu wawine wal᷊u udde. Arawe panginsueanne mallaṛṛuungnga udde naṛṛingida, ‘Salaiwe ya'u tawe matta'uttu Ruata wuṛṛu tawe mappandumma sisai-sai,

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

ROMA 6:21

Su tempo udde auntunganna apa apan nisengkammi yamiu wuassu manga inolaanna apan orassa indi maasili si yamiu amungkangngu olaanna? Manga inolaanna udde tumba'u mangapidda su papate!

1 KORINTUS 3:3

ana waugu i yamiu ta'e mabbiakka tumuṛṛuttu pallal᷊agun taumata. Ana waugu amungkangngu i yamiu ta'e uasasihikka wuṛṛu uawawul᷊o sangkatou ringannu waine, wal᷊inewe udde mapaal᷊iatta'a manungku i yamiu ta'e pia pallal᷊agu manga taumata apan tawe maaillal᷊a Ruata?

1 KORINTUS 5:2

Salaiwe aroddi, i'o ta'e matanggakka. Arawe ṛinone i yamiu masusa wuṛṛu mapaasabangngu taumata ma'ola'a inolaanna ereudde wua dinganni yamiu.

1 KORINTUS 5:6

Tawe su ṛinone i yamiu mamunga. Asinungka i yamiu naasingkate sasanato'a indi, “Ragi apan adio'a ma'aola'a aompengu taponna tumuwo!”

2 KORINTUS 11:12

Apa apan a'olaangku orassa indi sidutu mammanarangku tadea'u “manga rasul” apan waine udde tawe pangiananne mapamarabungan watanganne wuṛṛu mabbisara manungku i mangitou mammanara ere lai yami.

2 KORINTUS 11:15

Nariaddi tawe iaherangnga lai amungkangngu mammamanaran Setanna mattingkaola'a naal᷊ihida ere mangangimbe apan tuttuṛṛutta apulun Duata. Panginsueanne i mangitou lai sarun manengkamma wawal᷊inne apan uasul᷊ungngu inolaanni mangitou.

GALATIA 6:13

Manga taumata apan tuttuṛṛuta atorannu sunatta lai tawe tumuṛṛutta titan agama. Arawe i mangitou maapulu i yamiu sunatanna, tadea'u i mangitou wotongnge lumuassa manungku i yamiu tinumuṛṛuta atoranna udde.

FILIPI 2:21

Sarangkanambone apan waine tumba'u maṛṛingiddu watanganne sassane, wal᷊ine hunan Yesus Kristus.

KOLOSE 3:2

Timmona'a ṛingiṛṛannu su inolaanna isudde, arie su manga inolaanna su runia.

2 TESALONIKA 1:9

Manga taumata udde sarun manengkamma ṛuumanna papate sarangkal᷊o'engnge, iramme su liudde wuassu ammul᷊annu taumata Mawu wuṛṛu wuassu taṛṛino-Ne apan mawantuga;

2 TESALONIKA 2:12

Sombange, anambon taumata apan maapulun dosa wuṛṛu tawe mangngimanna apa apan su ṛinone udde sarun iṛṛuumanna.

2 TESALONIKA 2:8

wakkute udde asiloante Taumata Lal᷊eo udde. Napawe Mawu Yesus rumantate, i Tou sarun mamate Taumata Lal᷊eo udde ringannu singangu wuassu moṛṛo-Nge, wuṛṛu mamate si tou ringannu asasemakku daranta-Ne.

1 TIMOTIUS 6:5

wuṛṛu pasase'etta apan tawe masue. Lal᷊annu ṛingiddu manga taumata udde nial᷊iwunete wuṛṛu nassal᷊ate. I mangitou massunna manungku wotongnge maala wuassu agama.

2 TIMOTIUS 3:4

I mangitou apulune mandal᷊eo taumata, mawunga wuṛṛu tawe maṛṛingidda mal᷊o'e. I mangitou apulune tuttuṛṛuta lal᷊umanna'u runia wuassu tumuṛṛutta al᷊aṛṛa'u Ruata.

YAKOBUS 4:16

Arawe orassa indi yamiu namarabunga wuṛṛu matal᷊imoṛṛonganna. Anambon wisaranu udde nassal᷊a.

2 PETRUS 2:1

Su tempo apan nal᷊iu su wallatu walahannu Ruata suete nirumanta manga nabi awusu. Aroddi lai su wallatti yamiu sarun rumanta lai manga huru awusu. I mangitou sarun mangaṛṛa'u manga al᷊aṛṛa'a nassal᷊a, apan maapate taumata. Wuṛṛu i mangitou sarun maddandilu Tembonanne apan suete namallosi mangitou. Ringannu aroddi mangitou nandantan papate su watanganni mangitou sassane, apan sarun maṛṛia'a si mangitou ringannu mal᷊ihakka.

2 PETRUS 2:13

Maola'a wawal᷊issu asasusa apan suete niola'i mangitou, i mangitou sarun matataṛṛanga susa. Inolaanna apan maal᷊uassa naungngi mangitou eteudde ma'ola'a al᷊awo'u inolaanna su allo allattune maddea'a mapaawusan apulun wadangi mangitou. Amungkangu i mangitou uaianna su sambau ringanni yamiu sulal᷊ummu andeangngu anna, pallal᷊agu mangitou maarantinna ana waugu i mangitou niwu'annu apulu naungngi mangitou.

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.

YUDAS 1:10

Arawe ringannu manga aal᷊uandagga, manga taumata udde namangalo al᷊awo'u apa apan tawe asunnanni mangitou. I mangitou nasul᷊unga ere manga winatangnga apan tawe ṛingidde, apan maasingkattu inolaanne wuassu nianaramanne. Arawe ete inolaanna udde naal᷊al᷊eo si mangitou.

YUDAS 1:16

Manga taumata udde siddutu sussungkuta wuṛṛu mapaasal᷊an taumata waine. I mangitou mabbiakka tuttuṛṛutta manga apulun naungngi mangitou apan marosa. I mangitou taṛṛa watti'u watanganni mangitou sassane, wuṛṛu massal᷊o'u taumata ana see maasomba auntunganna.”

YUDAS 1:4

Ana waugu ringannu niawagananni ite, pia manga taumata waine apan sinumutta nail᷊al᷊o'a su pattangnganni ite. I mangitou manga taumata lal᷊eo, apan mammal᷊elongngu watti'a su ola'u darangngun Duatan kite, tadea'u i mangitou pia tempo mapaasabangngu apulun naungngi mangitou lal᷊eo. Wuṛṛu i mangitou mannol᷊a'u Mawu Yesus Kristus, eteudde sangkatou Tembonanne wuṛṛu Mawun kite. Roen al᷊amonane ṛuumanni mangitou suete niapaasingkata sulal᷊ummu Wuke Susi.

SONDAPPA 18:7

Onggol᷊a'a si tou papaṛṛanga wuṛṛu asasusa apan anambone uasul᷊ungngu awawantuga wuṛṛu pa'a'ala apan nionggole su wadange sassane. Ana waugu i tou sidutu mabbisara su watanganne, ‘I ya'u indi ratu apan mammarenta: I ya'u wal᷊ine wawine wal᷊u; i ya'u sarun tawe mamendama asasusa!’

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

1 SAMUEL 2:29

Nariaddi, anio i'o ta'e wal᷊iu maasilo manga sasamba apan buatte Ta'u niparenta, nionggollu pabbawala-U si Ya'u? Anio i'o Eli, lembon mangngaddatta al᷊aṛṛanangngu wuassu mangaddatta si Ya'u, wuṛṛu namalan mangitou malliu ṛoron batanganne ringannu wageangnge apan apianne wuassu anambon aonggollu pabbawala-U si Ya'u?