FILIPI 3:12 - WUKE SUSI WATTI'U AL᷊AL᷊USASSA

¹² I ya'u tawe mabbisara manungku i ya'u naasombate auntunganna, ara'e nasuungke. Arawe i ya'u sidutu maddea'a maapangaṛṛo aonggola apan suete nissaddian Kristus Yesus. Ana waugu udde i Tou suete nangaṛṛo si ya'u, wuṛṛu niola'a pussa'a-Ne.

FILIPI 3:12 Iomraidhean Croise

AYUB 17:9

Taumata mapia wuṛṛu tawe sal᷊ane, mangke mangngimanna ola'u wiakka apan ipaapulun Duata.

DARALO 119:5

Antimanna i ya'u ringannu matohassa tuttuṛṛutta manga parenta-Nu.

DARALO 138:8

I'o sarun manipussa paaire-Nu si ya'u; ariewe mangillol᷊o mangaṛa'a al᷊aṛṛanang-Ngu.

DARALO 42:1

Su piaṛṛa'u mangangantari. Antari al᷊aṛṛa'u ṛuanganni Korah.

DARALO 63:8

ana waugu ete I'o niumontolla si ya'u; sual᷊ungngu papaiddu Mawu i ya'u mangngantarin al᷊al᷊uassa.

DARALO 84:2

Tumaniten maal᷊uassa tampa atatanaan-Nu, oh Ruata Apan Lembontaṛṛino!

DARALO 94:15

Ne tita sarun iapaamatta apia su pallaṛṛuungnga, anambon taumata matul᷊idda sarun maapulun tita udde.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

YESAYA 51:1

Mawu nabbisara, “Paddaringikke si Ya'u, ei i yamiu apan mappulu iapasal᷊amatta wuṛṛu rantate ringang-Ku paddorongnga aontolla. Naungete wowone watu wuassuapa i yamiu nipaangnga, wuṛṛu ma'al᷊i watu wuassuapa i yamiu nial᷊i.

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

MATIUS 5:48

Iamangngu su surga mandangngu al᷊awo'u taumata ringannu nasuungnge. I yamiu sarun pa'ola'a lai aroddi.”

WATTI'U MANGA RASUL 9:15

Arawe Mawu nabbisara si Ananias, “Roote! Ana waugu i Ya'u suete namile si tou mangimbe si Ya'u, tadea'u i tou mamasingkatta su ola'u riri-U su manga walahanna waine apan agamane wal᷊ine Yahudi wuṛṛu su manga ratu wuṛṛu lai su walahannu Israel.

ROMA 8:39

mawae ete manga inolaanna su langitta, ara'e su wowon runia ara'e saranapa lai waine, sarangkanambone udde tawe wotongnge maasingaddu aakkannu Ruata si ite, ere buatte niapaasingkati Tou su pabbiaṛṛani Kristus Yesus Mawun kite.

1 KORINTUS 13:10

Sal᷊immurine sarun a'omanna tempone Ruata ma'ola'a sarangkanambone nasuungnga, wuṛṛu apan tawe nasuungnga udde sarun mawul᷊i.

1 KORINTUS 13:12

Apa apan aasiloanni ite orassa indi eteudde nassul᷊ungngu lintau mal᷊abukka su saṛṛuminanna. Arawe i ite sarun maasilo ringannu matilangnga. Orassa indi ya'u ta'e waggan sarangkanambone, arawe sal᷊immurine i ya'u sarun maasingkata sarangkanambone ere lai Ruata namasingkatu sarangkanambone su ola'u riri'u.

1 KORINTUS 9:24

Tuṛṛangnga lai masingkatta manungku sulal᷊ummu tandinganna anambon matatalumma tuttal᷊angnga, arawe tumba'u sangkatou manengkamma lal᷊antake. Ana waugu udde tal᷊angke aroddi apiane, ma'oman sara i'o maasengkamma lal᷊antake.

2 KORINTUS 13:9

I yami lulluassa amungkangngu i yami lome wuṛṛu i yamiu matohassa. I yami u'al᷊iomanna lai tadea'u i yamiu maola'a masuungnga.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

GALATIA 5:17

Ana waugu apulun taumata uatataaen apulun Ghaṛṛahon Ruata, wuṛṛu apulun Ghaṛṛahon Ruata uatataaen apulun taumata. Itarua mangke tawe massomba, na'oman sara i yamiu tawe maaola'a apa apan ipaapulun kamiu.

EFESUS 1:4

Tantal᷊anna runia indi taambe nariaddi, Ruata buatte namile si ite sulal᷊ummi Yesus Kristus ringannu pandumanna tadea'u i ite maola'a pussa'a-Ne sassane wuṛṛu tawe sal᷊ane su saruan-Ne. Ana waugu darangngun Duata,

EFESUS 4:12

Indi niolang-Nge tadea'u al᷊aṛṛana'u Ruata masuungnga wuṛṛu wotongnge mangimbe Mawu wuṛṛu mapararisikku wadangngi Kristus.

FILIPI 1:1

Manga tuṛṛangnga al᷊aṛṛana'u Ruata sarangkanambone apan uatana'a su Filipi, wuṛṛu apan uaaukke ringanni Kristus Yesus. Wuṛṛu manga tuṛṛangnga piaṛṛangnge see lai matatul᷊ungngu jamaatta! I ya'u, Paulus, suadio'a ringanni Timotius, manga allangngi Kristus Yesus,

FILIPI 3:16

Arawe olangnge udde ṛinone inunuannu: I ite ṛinone uatana'a mabbiakka tumuṛṛutta atoranna apan suete niola'i ite na'oman sara orassa indi.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

FILIPI 3:8

Wal᷊ine tumba'u manga inolaanna udde; arawe lai al᷊awo'u inolaanna apan sassunnangku ere manga inolaanna tumba'u maaruggi. Apan tatahuanangku orassa udde lembon maaregganne; eteudde maaillal᷊a si Kristus Yesus Mawu'u. Ana waugu Kristus, ne i ya'u suete namallosu manga al᷊awo'a. Aellehangku sarangkanambone udde ere sapadda, tadea'u i ya'u wotongnge maasomba si Kristus,

1 TESALONIKA 5:15

Paariagai tadea'u arie pia taumata apan mabal᷊issu al᷊al᷊eo ringannu al᷊al᷊eo. Paddea'e sidutu ringannu ma'ola'a apapia, sangkatou ringannu waine wuṛṛu su anambon taumata.

2 TESALONIKA 2:13

Manga tuṛṛangnga apan arangnguannu Mawu! Ṛinone i yamiu sidutu maadiangkamanna su Ruata su ola'i yamiu, ana waugu ro'en paarorone Ruata suete namile si yamiu iapaasal᷊amatta. Olangnge udde mariaddi wuassu apa apan nimmanara Ghaṛṛahon Duata si yamiu tadea'u i yamiu maola'a al᷊aṛṛana'u Ruata apan susi wuṛṛu ana waugu i yamiu mangngimanna watti'u Ruata.

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

1 TIMOTIUS 6:19

Ringannu aroddi i mangitou mangngammulu paa'ala apan maola'a sambau roitta uaraddo apan mapia su tempo addantane. Wuṛṛu ringannu udde i mangitou sarun maasomba wiakka ma'oman sara mal᷊annu-l᷊annu, eteudde wiakka apan tutune.

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

IBRANI 12:23

I yamiu nassemodda su ammulanna apan maal᷊uassa – ammul᷊annu al᷊aṛṛana'a pahul᷊un Ruata, apan manga aranne uawoṛṛetta sulal᷊ummu surga. I yamiu nirumanta sumaruanna Ruata, Mallaṛṛuungngu walahannu taumata. I yamiu sumaruanna manga ghaṛṛaho manga taumata mapia, apan suete niola'a nasuungnga.

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

YAKOBUS 3:2

I ite sarangkanambone masokka ma'ola'a pasasal᷊a. Arawe taumata apan taambe na'ola'a pasasal᷊a ringannu manga wisarane, i tou taumata nasuungnga, apan wotongnge maa'ul᷊inna ahewallu ririne.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus