FILIPI 3:10 - WUKE SUSI WATTI'U AL᷊AL᷊USASSA

¹⁰ Tumba'u sambau apan ipaapulu'u eteudde tadea'u i ya'u maaillal᷊a si Kristus, wuṛṛu maapendamma taṛṛino apan napaawiakki Tou wuassu papate. I ya'u maapulu matataṛṛanga suaddio'a ringanni Tou wuṛṛu maola'a uasul᷊ungnga ere i Tou su ola'u papate-Ne.

FILIPI 3:10 Iomraidhean Croise

YEREMIA 9:23

Mawu nabbisara, “Taumata pande imbaṛṛangnga lumuassa ana waugu apapandene, taumata matohassa ana waugu atatohanne, wuṛṛu taumata ala ana waugu pa'aalane.

MATIUS 20:23

Mawu Yesus nabbisara, “Atonna i yamiu sarun ma'inumma lai wuassu mangko-U udde. Arawe su ola'u isai apan sarun uma'ianna su aiṛṛi wuṛṛu su uanang-Ku udde tawe i Ya'u manantunna. Manga tampa udde, tampa manga taumata apan suete tinantunnu Iamangku.”

YOHANES 10:18

Tawe saran sangkatou wotongnge mangaṛṛo wuassia-U. I Ya'u manantilla wuassu apulu-U sassane. I Ya'u uataṛṛino manantilla, wuṛṛu uataṛṛino mangul᷊e apia. Eteudde manara apan Ta'u sinengkakama wuassu Iamang-Ku.”

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

ROMA 8:17

Ne, amungkangngu ete i ite al᷊aṛṛana'u Ruata, ne i ite lai mananahuanna wurru sarun manengkamma manga al᷊amatta apan buatte nissaddian Duata su manga al᷊aṛṛanang-Nge. I ite sarun manengkamma suadio'a ringanni Kristus apa apan buatte nissaddian Duata si Tou; ana waugu amungkangngu i ite uatataṛṛanga su sambau ringanni Kristus, i ite sarun wantuhanna lai su sambau ringanni Kristus.

ROMA 8:29

I mangitou lai suete nipilen Duata, wuṛṛu buatte nitantuna lai wuassu paarorone maola'a massul᷊ungngu Anang-Nge, eteudde Yesus Kristus. Ringannu aroddi Anang-Nge naola'a paarorone su wallattu anambon manga tuṛṛangnga.

ROMA 8:36

Sulal᷊ummu Wuke Susi uawoṛṛetta arendi, “Su al᷊o'engngu allo i yami mabbiakka uasaruanna papate ana waugu I'o Mawu. I yami niola'a naal᷊ihida ere domba apan ṛatante.”

2 KORINTUS 1:10

Ete i Tou apan suete nanal᷊amatta si yami wuassu silaka wuṛṛu papate apan wahewa udde. Wuṛṛu ete i Tou sarun manal᷊amatta si yamiu su allo sal᷊immurine, ana waugu ete si Tou i yami mangngantimma.

2 KORINTUS 1:5

Manga asasusa apan niapendamanni Kristus manambote lai aapendamanni yami. Wuṛṛu lai sulal᷊ummi Kristus naungngi yami lembon natohassa.

2 KORINTUS 13:4

Atonna su tempo i Tou niarussa, i Tou lome, arawe orassa indi i Tou mabbiakka ringannu taṛṛino Ruata. I yami lai lome sulal᷊ummu wiakki yami apan uaaukka ringanni Kristus, arawe napawe sumaruanna si yamiu, i yami lai matohassa su sambau ringanni Kristus ana waugu taṛṛinon Duata.

GALATIA 2:20

Orassa indi wal᷊inewe i ya'u mabbiakka, arawe ete Kristus apan mabbiakka sulal᷊ummu wadangku. Wiakka apan iraṛṛingi'u orassa indi eteudde mabbiakka ipangngimanna Ana'u Ruata apan marangngu si ya'u wuṛṛu buatte nanantillu watangan-Ne ana waugu i ya'u.

GALATIA 6:17

Wua'udde, arie pia sangkatou lai mapaasusa'u lai, ana waugu su wadangku pia manga tatiala manungku i ya'u mallal᷊aṛṛenggennu Mawu Yesus.

EFESUS 4:13

Ringannu aroddi i ite sarangkanambone naola'a sambau ana waugu pangangimanna apan uasul᷊ungnga wuṛṛu pasasunna apan uasul᷊ungnga su ola'u Ana'u Ruata. Wuṛṛu i ite naola'a manga taumata timmade apan mallannu aatambanna asasuungnge ere Kristus.

FILIPI 3:8

Wal᷊ine tumba'u manga inolaanna udde; arawe lai al᷊awo'u inolaanna apan sassunnangku ere manga inolaanna tumba'u maaruggi. Apan tatahuanangku orassa udde lembon maaregganne; eteudde maaillal᷊a si Kristus Yesus Mawu'u. Ana waugu Kristus, ne i ya'u suete namallosu manga al᷊awo'a. Aellehangku sarangkanambone udde ere sapadda, tadea'u i ya'u wotongnge maasomba si Kristus,

KOLOSE 1:24

Orassa indi ya'u mal᷊uassa matataṛṛanga hunan kamiu. Ana waugu ringannu asasusan wadangku, i ya'u manuungngu apa apan ta'e ṛinone niapendamanni Kristus su jamaan-Ne, eteudde wadang-Nge.

KOLOSE 2:13

Dorone, i yamiu natete su pangangimanna ana waugu i yamiu marosa, wuṛṛu ana waugu i yamiu tawe nisunatta ere sangkatou taumata. Arawe orassa indi Ruata napaawiakki yamiu su sambau ringanni Kristus. Ruata suete nangampunga alawo'u rosan kite,

KOLOSE 3:1

I yamiu suete niapaawiakka apia su sambau ringanni Kristus. Ana waugu udde ṛinone i yamiu mammanara tadea'u maasomba apapia wuassu surga, suapa Kristus uaparenta ringannu Ruata.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

2 PETRUS 1:13

Tantal᷊anna i ya'u ta'e wiakka, i ya'u mangke mapaanaungngi yamiu su olangnge udde.

1 YOHANES 2:3

Amungkangu i ite matuṛṛutta su manga parentan Duata, udde tatialane manungku i ite maaillal᷊a Ruata.

1 YOHANES 2:5

Arawe taumata apan matuṛṛutta wisaran Duata, taumata udde marangngu Ruata ringannu nasuungnga. Udde tatialane manungku i ite mabbiakka uaaukka ringannu Ruata.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.