FILIPI 2:7 - WUKE SUSI WATTI'U AL᷊AL᷊USASSA

⁷ Arawe, i Tou namallosu sarangkanambone see naola'a ere sangkatou allangnga. I Tou naola'a ere taumata, wuṛṛu aasiloanna mabbiakka ere taumata.

FILIPI 2:7 Iomraidhean Croise

DARALO 22:6

I mangitou sussal᷊ande Si'o wuṛṛu niapaal᷊iu; i mangitou mangngantimma wuṛṛu tawe niapadio'a naungnge.

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

YESAYA 49:3

Wisara-Ne si ya'u, “Ete i'o allang-Ku; i Ya'u sarun wantuhanna ana waugu i'o.”

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

DANIEL 9:26

Su panginsueannu tempo udde piaṛṛa'a nipilen Duata udde sarun pateanna, sumbal᷊i i tou tawe sal᷊ane. Ne nirumantate tantaran sangkatou ratu apan matohassa, ana see nakkimunsa'e soa Yerusalem see lai Wal᷊en Mawu. Panguddusannu tempo udde sarun rumanta manawangnga apan mangapiddu pangalo wuṛṛu araṛṛimunsa'a, ere buatte nitantunnu Ruata.

ZAKARIA 3:8

Paddaringikke ei Imam Bahewa Yosua, wuṛṛu lai i yamiu manga imam apan naola'a ringanne, i yamiu sarangkanambone uddewe waneṛṛa tempo addantane apan mapia. Sutempo udde i Ya'u sarun mandolokku allang-Ku apan isassago ‘Sambau Solla’.

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

MATIUS 12:18

“Ete indi ralol᷊oṛṛang-Ku apan Ta'u pinile taumata apan arangnguang-Ku wuṛṛu natataṛṛino su naung-Ku. Ghaṛṛaho-U sarun ionggolla si Tou, atatul᷊i-U sarun iapasingkattati si Tou su manga walahanna.

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

MARKUS 9:12

Mawu Yesus sinumimbakka, “I Elia atonna nirumanta paarorone ana waugu manuungngu sarangkanambone. Arawe ereapa olangnge ringannu Ana'u Taumata? Anio sulal᷊ummu Wuke Susi uawoṛṛetta manungku i Tou sarun matataṛṛangngu anambon asasusa wuṛṛu aal᷊uandahannu taumata?

LUKAS 22:27

Isai magewal᷊anne: taumata apan ua'ianna u'anna su medda, ara'e taumata apan mangngimbe si tou? Natantunna taumata apan ua'ianna udde. Arawe i Ya'u isindi ringanni yamiu naola'a ere sangkatou mangangimbe.

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

ROMA 1:3

Watti'u Al᷊al᷊uassa udde mabbatti'u Ana'u Ruata, eteudde Mawun kite Yesus Kristus. Su ola'u saṛṛene ere taumata, i Tou walahanni Daud,

ROMA 15:3

Ana waugu Kristus lai tawe maṛṛingiddu al᷊al᷊uassu riri-Ne sassane. Sulal᷊ummu Wuke Susi uawoṛṛetta arendi, “Al᷊awo'u al᷊uandaga apan nipangal᷊uandaga si'o, naṛṛia'e si ya'u.”

ROMA 15:8

Ana waugu, paanaunge, manungku Kristus suete nangimbe taumatan Yahudi tadea'u mapaal᷊iatta'a manungku Ruata atonna mannuungngu paaire-Ne su iupungngu al᷊amonan kite.

ROMA 8:3

Apa apan tawe ia'ola'u titan agama, ana waugu i ite taumata lome, udde buatte niola'u Ruata. Ruata napaaraun rosa wuassu pallal᷊agun taumata ringannu nandolokku anang-Nge sassane, apan nirumanta ere sangkatou taumata apan marosa, ana waugu manubussa rosa.

2 KORINTUS 13:4

Atonna su tempo i Tou niarussa, i Tou lome, arawe orassa indi i Tou mabbiakka ringannu taṛṛino Ruata. I yami lai lome sulal᷊ummu wiakki yami apan uaaukka ringanni Kristus, arawe napawe sumaruanna si yamiu, i yami lai matohassa su sambau ringanni Kristus ana waugu taṛṛinon Duata.

2 KORINTUS 8:9

Ana waugu i yamiu masingkata atonna manungku i ite lembon arangnguanni Yesus Kristus Mawun kite. I Tou ala, arawe i Tou nattingkaola'a asiangnga ana waugu i ite, tadea'u ringannu paa'asiangnge udde i yamiu maola'a ala.

GALATIA 4:4

Arawe napawe su temponete, Ruata mandolokku Anang-Nge su Runia. Anang-Nge udde niasungkanga wuassu sangkatou wawine wuṛṛu mabbiakka su al᷊ungngu parentan titan agama.

FILIPI 2:6

Su pinangiananne i Tou nassul᷊ungngu Ruata, arawe i Tou tawe mamendamma manungku olang-Nge ere Mawu udde ṛinone matatana'a aroddi si Tou.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

IBRANI 13:3

Naunge'o manga taumata sulal᷊ummu tuttupanna, paṛṛimau napa i yamiu lai isudde sulal᷊ummu tuttupanna su sambau ringanni mangitou. Wuṛṛu manga taumata apan a'olaanna walate apulu naungnga, ṛinone i yamiu mannaungnga si mangitou paṛṛimau napa i yamiu lai a'olaanna aroddi.

IBRANI 4:15

Imam Bahewalli ite udde wal᷊inewe imam apan tawe maapendama manga al᷊allomeng kite. Arawe i Tou suete niwono'anna sulal᷊ummu al᷊awo'u inolaanna, ere i ite lai sassane; tumba'u i Tou tawe na'ola'a rosa!