FILIPI 2:3 - WUKE SUSI WATTI'U AL᷊AL᷊USASSA

³ Arie ma'ola'a sambau inolaanna hunane su watangannu sassane, ara'e ipamarabunga. Arawe ṛinone i yamiu sangkatou-sangkatou ringannu masaṛṛionto'a ma'ellega taumata waine mappianne wuassu watangannu sassane.

FILIPI 2:3 Iomraidhean Croise

AMSAL 13:10

Atatanggakka tumba'u mandantan pabbawawul᷊o; taumata pande mappulu manengkamma al᷊aṛṛa'a.

LUKAS 18:14

“Pangimante,” unnu Mawu Yesus, “su tempo napul᷊ete su wal᷊e, ete madarorongnga wose udde tinarimmattu Ruata, wal᷊ine taumatan Farisi udde. Ana waugu taumata apan mannanggakku watanganne sarun iapaawawo, wuṛṛu taumata apan sussallungu watanganne sarun iapaatanggakka.”

ROMA 12:10

Ṛinone manga tuṛṛangnga uararangngu sangkatou ringannu waine wuṛṛu uaa'akkanna ere manga taumata apan uasangkatuṛṛangnga sulal᷊ummu amonanna sambau, wuṛṛu ṛinone i yamiu ual᷊al᷊iu ṛoro mangonggolu addatta.

ROMA 13:13

I ite ṛinone ma'ola'a inolaanna apan aaddatanna ere su inanaramanne a'olaannu taumata su tempo allo; imbaṛṛangnga maddamea tumaniten manampal᷊iu, ara'e mabbu'anna. Imbaṛṛangnga sumandaga, ara'e pia pallal᷊agu tawe addane. Imbaṛṛangnga mabbawul᷊o, ara'e mangune.

ROMA 2:8

Arawe manga taumata apan tumba'u maṛṛingiddu ririne sassane wuṛṛu maddiri tumuṛṛutta Ruata, ewe'e tuttuṛṛutta al᷊al᷊eo, manga taumata udde lembon aasa'uannu Ruata.

1 KORINTUS 15:9

Eteudde i ya'u rasullu Mawu apan awawoanne. I ya'u tawe su tampane isaggo rasul, ana waugu ete i ya'u apan suete nanansara jamaattu Ruata.

1 KORINTUS 3:3

ana waugu i yamiu ta'e mabbiakka tumuṛṛuttu pallal᷊agun taumata. Ana waugu amungkangngu i yamiu ta'e uasasihikka wuṛṛu uawawul᷊o sangkatou ringannu waine, wal᷊inewe udde mapaal᷊iatta'a manungku i yamiu ta'e pia pallal᷊agu manga taumata apan tawe maaillal᷊a Ruata?

2 KORINTUS 12:20

I ya'u sussinggawangnga manungku su tempo i ya'u mattembo si yamiu, i ya'u naaratingnga tawe ere apa apan aantimangku. Aṛṛengenne aratinganna piaddu uawawul᷊o, naungnge lal᷊eo, naungnge mal᷊oso, tumba'u madea'a hausannu watanganne, uaaumbilangnga, mappawawul᷊o, mawunga wuṛṛu ma'ola'a patatatiakka.

GALATIA 5:15

Arawe amungkangu i yamiu mangke uaaṛṛautta, paatemhamma, panginsueanne i yamiu maṛṛimunsa'a suaddio'a.

GALATIA 5:26

I ite tawe wotongnge mattingkawunga, wuṛṛu maddal᷊al᷊eo naungnga, wuṛṛu uaa'une sangkatou ringannu waine.

EFESUS 4:2

Ṛinone naungngi yamiu sidutu mawawo, masaṛṛionto'a, wuṛṛu masabare. Paasiloa'a darangngunu ringannu uatatul᷊ungnga sangkatou ringannu waine.

EFESUS 5:21

Tadea'u ipangadatta si Kristus, ṛinone i yamiu uatatal᷊antupa sangkatou ringannu waine.

FILIPI 2:14

Manarate al᷊awo'u manara ringannu tawe sumungkuta ara'e matatiakka.

KOLOSE 3:12

Eteudde tuṛṛanga sarangkanambone al᷊aṛṛana'u Ruata. Ruata marangngu si yamiu wuṛṛu namile si yamiu maola'a pussa'a-Ne sassane. Ana waugu udde i yamiu ṛinone mapaal᷊iatta'u apapia, i yamiu ṛinone uasasangkapia, masaṛṛionto'a, masaṛṛiologa wuṛṛu mataṛṛanga su asasusa.

KOLOSE 3:8

Arawe orassa indi ṛinone i yamiu mandammem manga inolaanna lal᷊eo wuassu ririnu; ariete masa'u, ara'e mandona ara'e pia naungnga maddintinu taumata waine. Arie saran paassa sumabangnga wuassu moṛṛongu manga wisara lal᷊ela ara'e wisara apan lal᷊eo.

1 TIMOTIUS 6:4

ete i tou taumata mawunga wuṛṛu waggan apa-apa! Radange eteudde apulune uasasimbaka wuṛṛu uatatiakka su ola'u manga wisara na'oman sara sumappute naungnga lal᷊eo, patatal᷊ei, al᷊uandaga, wuṛṛu pasasunna apan lal᷊eo,

1 PETRUS 3:8

Panginsueanne eteudde: Ṛinone manga tuṛṛangnga uasampinunutanna wuṛṛu su apendama sambau. Ṛinone i yamiu uararangngu ere sangkatuṛṛanganna. Wuṛṛu ṛinone i yamiu uaa'akkana, wuṛṛu uasasaṛṛionto'a.

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”