FILIPI 2:29 - WUKE SUSI WATTI'U AL᷊AL᷊USASSA

²⁹ Nariaddi, sal᷊ohoite i tou ringannu ahewallu al᷊al᷊uassu naungnga ere sangkatou tuṛṛanga sulal᷊ummu pangangimanna sambau. Addate anambon taumata ere i tou.

FILIPI 2:29 Iomraidhean Croise

YESAYA 52:7

Al᷊uassawe eteapa maasilo darantan daroloṛṛanna; i tou u'amatta malliu panenteanna wuṛṛu uaapiddu watti'a mapia, watti'u al᷊al᷊uassa, watti'u asasal᷊amatta su Sion; wisarane, “Ruatanu Ratu!”

LUKAS 9:5

Wuṛṛu su tampa i yamiu tawe itarimmatta, su tempo i yamiu manantangngu soa udde, tontonga'a awu wuassu pal᷊adu leddanu, maola'a sambau pannanaunganna si mangitou.”

YOHANES 13:20

Mangke atonna wisara-U indi: Isai manarimmattu taumata Ta'u nirolokka, mannarimma-U lai. Wuṛṛu isai mannarimma-U, i tou lai manarimmatti Tou apan nandolo-U.”

WATTI'U MANGA RASUL 2:46

Miallo-miallo i mangitou sidutu uaammulla su Wal᷊e Mawu; lapiddu u'anna suadio'a, ringannu lulluassa wuṛṛu masaṛṛionto'a su manga wal᷊e mangitou.

WATTI'U MANGA RASUL 28:10

Manambo aonggolli mangitou si yami, wuṛṛu napawe i yami inaite nassenggotta apia, i mangitou nanguntudu wal᷊unni yami su apalla.

WATTI'U MANGA RASUL 8:8

Ne manga taumata su soan Samaria udde mangke lulluassa.

ROMA 10:15

Wuṛṛu ereapa taumata wotongnge mangapiddu watti'a udde amungkangngu i mangitou tawe nirolokka? Sulal᷊ummu Wuke Susi uawoṛṛetta arendi, “Apiawe eteapa daranta manga taumata apan uaapiddu Watti'u Al᷊al᷊uassa wuassu Ruata!”

ROMA 16:2

Tarimmata'e i tou ere sangkatou wuassu jamaattu Mawu. Ne aroddite manga taumata apan mangngimanna Ruata ṛinone uatatarimmata sangkatou ringannu sangkatou. Tul᷊ungaawe i tou, amungkangngu i tou mappandumma sasumbala wuassi yamiu, ana waugu i tou sassane suete nangonggolu sumbala su taumata nambo – nareengnga lai ya'u.

1 KORINTUS 16:10

Amungkangngu Timotius rumanta, sal᷊ohoi i tou ringannu mapia tadea'u i tou maapendama mal᷊uassa matana'a ringanni yamiu ana waugu i tou ere lai ya'u mammanara manara Mawu.

1 KORINTUS 16:18

I mangitou buatte nalluassa naungku, ere i mangitou nalluassa naungngu. Manga taumata ere udde ṛinone aaddatanna.

2 KORINTUS 10:18

Ana waugu taumata apan raddaloanna eteudde taumata apan raddaloannu Mawu, wal᷊ine taumata maddalo watanganne sassane.

2 KORINTUS 7:2

Sal᷊ohoite i yami sulal᷊ummu naungngu. I yami tawe nassal᷊a su sangkatou taumata, tawe taumata apan niwodoanni yami. I yami tawe saran paassa mangngal᷊iwun darotongngu sangkatou taumata lai.

FILIPI 2:28

Ana waugu udde maggewal᷊anna apulu'u mandolokki tou mabelengnga apia ringanni yamiu, tadea'u i yamiu lumuassa apia amungkangu massombate apia ringanni tou, wuṛṛu naungku lai mabbal᷊i matammuda.

KOLOSE 4:10

Aristarkus, apan sulal᷊ummu tuttupanna suadio'a ringangku, nandohon tabea si yamiu. Aroddi lai Markus, tuṛṛangi Barnabas. (I yamiu suete nirohoannu watti'a ipanansomakka si tou amungkangu i tou rumanta ringanni yamiu.)

1 TESALONIKA 5:12

Manga tuṛṛangnga, i yami sumal᷊ande tadea'u i yamiu mangaddata taumata apan mammanara su pattangngani yamiu; eteudde i mangitou apan suete nipilen Mawu mamiaṛṛa'a wuṛṛu manantiro si yamiu.

1 TIMOTIUS 5:17

Piaṛṛa'u jamaatta apan ma'ola'a manarane ringannu mapia, ṛinone onggol᷊annu aaddata paarua anambone, nangillembo wuassi mangitou apan maṛṛimadda mannase wuṛṛu mangaṛṛa'a.

IBRANI 13:17

Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.

3 YOHANES 1:10

Napawe i ya'u rumanta, i ya'u sarun mamasingkattu al᷊awo'u inolaanne, eteudde inolaanna apan lal᷊eo wuṛṛu awusu apan niwisaran tou su ola'i yami! Arawe sarangkanambone udde taambe nasuungnga maola'a hunane. Su tempo manga hawe labissa taumatan Saṛṛani udde nirumanta, i tou maddiri manarimmatti mangitou. Ewe'e lai tou naningaddu manga taumata apan maapulu manarimmattu manga tuṛṛangnga udde, wuṛṛu i tou nandolokku manga taumata udde sumabbanga wuassu jamaatta!