FILIPI 2:26 - WUKE SUSI WATTI'U AL᷊AL᷊USASSA

²⁶ I tou maapulu atonna maisasomban kamiu sarangkanambone, wuṛṛu i tou u'ambul᷊isadda ana waugu i yamiu suete naaringikka watti'a manungku i tou marada'a.

FILIPI 2:26 Iomraidhean Croise

2 SAMUEL 13:39

arawe napawe i Daud tate massusa, i tou naanaungke si Absalom.

2 SAMUEL 24:17

I Daud naasilo mala'ekatta apan tantal᷊anna mammate tumanangnge udde, ana see i tou nabbisara Mawu, “Ete i ya'u apan marosa ana waugu i ya'u apan na'ola'a pasasal᷊a udde. Arawe apate pasasal᷊an walahanna nasusa udde? Ṛuumana'e i ya'u wuṛṛu amonangku!”

AYUB 9:27

Amungkangngu i ya'u maapulu umamminna wuṛṛu lumage, amungkangngu i ya'u maannamma tawe mannaungnga anambon asasusa, ne asasusa'u rumantate apia, mangngenggenna si ya'u; ana waugu i ya'u masingkatta, Ruata sidutu mapaasal᷊a'u.

DARALO 69:20

I'o masingkatta aroddi i ya'u iapasal᷊a, lallobbosanna wuṛṛu aal᷊uandahanna, I'o naasilo anambon see'u.

AMSAL 12:25

Apendamma sussinggawangnga maapaddi apulun naungnga, arawe manga wisara masaṛṛionto'a maahewalla naungnga.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

MATIUS 11:28

Rantate ringang-Ku i yamiu sarangkanambone apan nal᷊otakke, wuṛṛu uapendamma winabbawa mawakkatta; i Ya'u sarun mappaaul᷊eng kamiu.

MATIUS 26:37

See i Tou nangahe si Petrus wuṛṛu ruang katou ana'i Zebedeus inai su sampunna ringanni Tou. I Tou nanattakke maapendamma susa wuṛṛu sussinggawangnga.

WATTI'U MANGA RASUL 21:13

Arawe i tou sinumimbakka, “Apa hunane tuṛṛangnga lulluai ereindi na'oman sara naungku nasusa? I ya'u nasaddiate wal᷊ine tumba'u sametanna poiaroddi, arawe nasaddiate lai mate ana waugu Mawu Yesus.”

ROMA 1:11

Ana waugu i ya'u mangke maapulu atonna maisasomban kamiu tadea'u i ya'u wotongnge mattahia darangngu wuassu Ghaṛṛahon Duata ipannohassa si yamiu.

ROMA 12:15

Lalluasse su sambau ringannu manga taumata apan lulluassa, wuṛṛu luaite ringanni mangitou apan lulluai.

ROMA 9:2

I ya'u tumanite massusa wuṛṛu naungku uatataṛṛanga sansara

1 KORINTUS 12:26

Amungkangngu wageangnge sambau uapendama radda'a, anambon wageangnge waine maradda'a lai; amungkangngu wageangnge sambau raloanna, anambon wageangnge waine lulluassa suadio'a.

2 KORINTUS 9:14

Ne i mangitou sarun umal᷊iomanni yamiu ringannu apendammu darangngu ana waugu Ruata naung-Nge lembon mapia si yamiu.

GALATIA 6:2

Ṛinone i yamiu uatatul᷊ungnga uapasanna winabbawan taumata waine tadea'u ringannu aroddi yamiu tuttuṛṛuta parentan Kristus.

EFESUS 3:13

Ana waugu udde darorongku eteudde: arie paasinggawangnga su ola'u asasusa'u indi ana waugu i yamiu, ana waugu sarangkanambone udde hunan apapianu.

FILIPI 1:3

Suapawe i ya'u maanaungnga si yamiu, i ya'u maadiangkamanna su Ruata.

FILIPI 1:8

Ruata masingkatta manungku i ya'u atonna-tonna luṛṛintulun kamiu ringannu apendamu darangngu wuassi Kristus Yesus sassane.

FILIPI 2:25

Su ola'u tuṛṛangi ite Epafroditus apan nirolokki yamiu mallal᷊ima si ya'u, i ya'u mammendama mappianne i tou irolokka iapaawelengnga ringanni yamiu apia. I tou suete nallal᷊ima si ya'u sulal᷊ummu manara'u.

FILIPI 2:27

Atonna i tou marada'a na'oman sara maraniten mate. Arawe Ruata niumakkani tou; wuṛṛu wal᷊ine tumba'u si tou sassane, arawe si ya'u lai, tadea'u i ya'u tawe lembon masusa apia.

FILIPI 4:1

Ana waugu udde, manga tuṛṛangku apan arangnguanna, aroddite ṛinone i yamiu mabbiakka ringannu atonna-tonna mangngimanna Mawu. Naungku maapulu maisasomban kamiu! Ete i yamiu ipaapulu'u apan maal᷊uassa naungku.

1 PETRUS 1:6

Ana waugu udde ṛinone i yamiu lumuassa, salaiwe orassa indi tumba'u tal᷊an kadio'a i yamiu sarun masusa ana waugu i yamiu naapendama anambon hatin bawono'a.