FILIPI 2:2 - WUKE SUSI WATTI'U AL᷊AL᷊USASSA

² Ne, annama'a i yamiu atonna-tonna mapaal᷊uassu naungku ringannu manga inolaanna indi: Pabbiakke ringannu naungnga sambau, ringannu darangngu apan uasul᷊ungnga, ringannu ṛingiranna apan uasul᷊ungnga wuṛṛu tudda apan uasul᷊ungnga.

FILIPI 2:2 Iomraidhean Croise

DARALO 122:8

Ana waugu wawosoanna tuṛṛangnga wuṛṛu hawe'u i ya'u mabbisara, “Doronganna i'o su lal᷊umanna'a!”

YOHANES 3:29

Ma'a'awingnga wawine tatahuanannu ma'a'awingnga esakka. Hawe maa'awingnga esakka udde tumba'u uarisikka su sandiṛṛanne wuṛṛu uararingikka, wuṛṛu i tou lulluassa napawe naaringikke tingikku maa'awingnga esakka. Aroddi lai ya'u. Orassa indi ya'u lembon lulluassa.

WATTI'U MANGA RASUL 1:14

sarangkanambone sidutu ringannu naungnga uasampinunutanna uaammulla u'al᷊iomanna. I mangitou lai u'al᷊iomanna suadio'a ringannu manga wawine nasutta i Maria inangngu Mawu Yesus, wuṛṛu manga tuṛṛangngu Mawu Yesus.

WATTI'U MANGA RASUL 2:1

Napawe nia'omante allom Pentakosta, anambon taumata apan mangngimanna na'ammulla su sambau tampa.

WATTI'U MANGA RASUL 2:46

Miallo-miallo i mangitou sidutu uaammulla su Wal᷊e Mawu; lapiddu u'anna suadio'a, ringannu lulluassa wuṛṛu masaṛṛionto'a su manga wal᷊e mangitou.

WATTI'U MANGA RASUL 5:12

Ana waugu pamamanara manga rasul, ne manambo al᷊aṛṛindu'a wuṛṛu manga inolaanna apan wahewalla nariaddi su wallattu lal᷊oṛṛon soa. Ringannu naungnga sambua anambon taumata apan mangngimanna na'ammulla su Panumbal᷊en Salomo su Wal᷊e Mawu.

ROMA 12:16

Pabbiakke su paddarame sangkatou ringannu waine. Imbaṛṛangnga mamunga, arawe sul᷊unga'a ririnu ere taumata apan manarane mawawo su aellegu awadaalla. Arie mamendamma ririnu apandeanne wuassu ṛinone.

1 KORINTUS 1:10

Manga tuṛṛangnga! Sulal᷊ummu arannu Mawun kite Yesus Kristus, i ya'u sumal᷊ande tadea'u i yamiu sarangkanambone massampinunutanna; tadea'u arie pia paaul᷊a'ukka su wallatti yamiu.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

2 KORINTUS 2:3

Ana waugu udde i ya'u namoṛṛettu suratta udde si yamiu. I ya'u maddirite mattembo si yamiu, see mapaasusan kamiu, sumbal᷊i ete i yamiu malluassa si ya'u. Ana waugu i ya'u mangngimanna manungku amungkangngu i ya'u lulluassa, ne i yamiu sarangkanambone lulluassa lai.

2 KORINTUS 7:7

Naungngi yami nal᷊uassa wal᷊ine tumba'u ana waugu Titus nirumanta ewe'e lai ana waugu i tou nabbatti'a ereapa naungnge nal᷊uassa ana waugu i yamiu. I Tou namasingkata si yami manungku i yamiu maapulu atonna maisasomba'u; manungku i yamiu sussassilu pallal᷊agunu paarorone wuṛṛu orassa indi mal᷊uassa manamba'a si ya'u. Olangnge udde naal᷊uassa sia'u lai.

FILIPI 1:4

Wuṛṛu suapan i ya'u umal᷊iomanni yamiu sarangkanambone, i ya'u u'al᷊iomanna ringannu naungnga mal᷊uassa.

FILIPI 2:20

Tumba'u Timotius sassane taumata apan ṛingiranne nassul᷊ungku, wuṛṛu atonna-tonna maṛṛingiddu lal᷊umanna'i yamiu.

FILIPI 4:2

Tuṛṛangku wawine Euodia wuṛṛu tuṛṛangku Sintike! I ya'u maddorongnga suapan wotongnge iradua naungnge sambau ere manga taumata apan pangangimanne lai sambau.

KOLOSE 2:5

Ana waugu salaiwe i ya'u uatana'a marau wuassi yamiu, ere lai ya'u uatana'a su wallatti yamiu. Wuṛṛu i ya'u lulluassa maasilo si yamiu uasampinunutanna wuṛṛu matohassa sulal᷊ummu pangangimanna si Kristus.

2 TESALONIKA 2:13

Manga tuṛṛangnga apan arangnguannu Mawu! Ṛinone i yamiu sidutu maadiangkamanna su Ruata su ola'i yamiu, ana waugu ro'en paarorone Ruata suete namile si yamiu iapaasal᷊amatta. Olangnge udde mariaddi wuassu apa apan nimmanara Ghaṛṛahon Duata si yamiu tadea'u i yamiu maola'a al᷊aṛṛana'u Ruata apan susi wuṛṛu ana waugu i yamiu mangngimanna watti'u Ruata.

2 TIMOTIUS 1:4

I ya'u maanaungnga asasusa naungngu. Ana waugu udde i ya'u maapulu tassul᷊unge maisasombanu tadea'u atonna-tonna i ya'u mal᷊uassa,

FILEMON 1:20

Ana waugu udde, ringannu arannu Mawu, annama'a tul᷊unga'a i ya'u, paal᷊uasa'a naungku nassul᷊ungngu ere sangkatou tuṛṛanga sulal᷊ummi Kristus.

2 YOHANES 1:4

I ya'u lembon lulluassa napawe naasingkatta manungku pia al᷊aṛṛana'u Inangnga apan mabbiakka tuttuṛṛuta al᷊aṛṛa'u Ruata, ere lai suete nirolokku Ruata Iamangnga si ite.

3 YOHANES 1:4

Taweddu apan lembon maal᷊uassa naungku, wuassu i ya'u maaringikka manungku manga al᷊aṛṛana'u mabbiakka tuttuṛṛuta al᷊aṛṛa'u Ruata.