FILIPI 2:17 - WUKE SUSI WATTI'U AL᷊AL᷊USASSA

¹⁷ Asinungka i ya'u sarun pateanna wuṛṛu ṛaṛṛa'u maola'a ere sambau sasamba manampal᷊iu wuassu sasamban kamiu su Ruata maola'a sambau tatiala manungku i yamiu mangngimanna si Tou. Amungkangu udde atonna ṛinone maola'a aroddi, ya'u maadiangkamanna su olangnge udde wuṛṛu lulluassa suaddio'a ringanni yamiu.

FILIPI 2:17 Iomraidhean Croise

REENGANNA 28:6

Eteudde sasamba itattambunna uata'a apan paarorone nionggola su Wowon Sinai. Hal᷊urune ma'al᷊uassa naungngu Mawu.

REENGANNA 28:7

Suadio'a ringannu ana'u domba udde ṛinone ionggola lai sanlitere ua'en anggore apan iwokka su wowon mezbah.

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

WATTI'U MANGA RASUL 21:13

Arawe i tou sinumimbakka, “Apa hunane tuṛṛangnga lulluai ereindi na'oman sara naungku nasusa? I ya'u nasaddiate wal᷊ine tumba'u sametanna poiaroddi, arawe nasaddiate lai mate ana waugu Mawu Yesus.”

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

ROMA 15:16

I Tou buatte na'ola'a si ya'u mangangimben Kristus Yesus tadea'u irolokka su manga walahanna apan wal᷊ine Yahudi. Wuṛṛu i ya'u naola'a sangkatou imam, apan mammasingkattu Watti'u Al᷊al᷊uassa wuassu Ruata, tadea'u manga taumata apan wal᷊ine Yahudi maola'a sambau sasamba su Ruata apan wotongnge sengkamanni Tou. Doronganna Ghaṛṛahon Duata ma'ola'a si mangitou sambau sasamba apan apianne su Ruata sassane.

2 KORINTUS 12:15

Ana waugu udde ringannu naungnga mal᷊uassa i ya'u manantillu al᷊awo'u darotongku si yamiu, ewe'e wadangku sassane lai. Amungkangngu i ya'u aroddi arangngune si yamiu apa i yamiu tawe mandangngu si ya'u?

2 KORINTUS 4:12

Indi atappasanne manungku sulal᷊ummu wadangngi yami papate tantal᷊anna mappaamattu taṛṛinone, arawe i yami lulluassa, manungku ete wiakka apan tantal᷊anna mammanara sulal᷊ummu wadangngu.

2 KORINTUS 6:10

Salaiwe naungngi yami massusa, arawe i yami sidutu lulluassa lai. I yami aellehanna asiangnga, arawe i yami suete napaa'alan taumata nambo. I yami aellehanna tawe darotongnga, arawe su ṛinone i yami uatahuanna sarangkanambone.

2 KORINTUS 7:4

I ya'u mangngimanna atonna si yamiu. Wuṛṛu lai ya'u mal᷊uassa atonna si yamiu! Salaiwe i yami naasomba manambo asasusa, naungku nal᷊uassa ana waugu i yamiu. Naungku lembon lulluassa!

FILIPI 1:20

Lembon ipaapulu'u wuṛṛu aantimanna eteudde tadea'u imbaṛṛangnga i ya'u tawe maa'sue manara'u. Arawe i ya'u mangantimma tadea'u suapan tempo, nangillembo orassa indi, ya'u wotongnge maola'a waṛṛani ma'oman sara ringannu ahewallu apulun waddangku – mawae i ya'u wiakka ara'e i ya'u nate – Kristus mangke wabantuhanna.

FILIPI 2:18

Aroddi lai ṛinone i yamiu mammendama al᷊al᷊uassa wuṛṛu lullala'a suaddio'a ringangku.

FILIPI 2:30

Su hunan manaran Kristus, i tou ete addio'a mate; i tou nanantillu niawane ipantul᷊ungku sulal᷊ummu arannu.

FILIPI 4:18

I ya'u suete nanengkamma sarangkanambone – ewe'e nilumebete lai! Anambon aonggolla apan nirohon kamiu si ya'u, suete nitarimmata wuassi Epafroditus. Orassa indi ya'u uatahuanna anambon apa apan pappandumangku. Manga aonggola wuassi yamiu eteudde maola'a sambau sasamba hal᷊urune mawangngi apan nionggole su Ruata wuṛṛu nisengkammu Ruata ringannu naungnga mal᷊uassa.

KOLOSE 1:24

Orassa indi ya'u mal᷊uassa matataṛṛanga hunan kamiu. Ana waugu ringannu asasusan wadangku, i ya'u manuungngu apa apan ta'e ṛinone niapendamanni Kristus su jamaan-Ne, eteudde wadang-Nge.

1 TESALONIKA 2:8

Ana waugu darangngung kami, yami uasaddia mangonggolla si yamiu wal᷊ine tumba'u Watti'u Al᷊al᷊uassa wuassu Ruata udde arawe wiakki yami lai. Ana waugu i yami tumaniten marangngu si yamiu!

2 TIMOTIUS 4:6

Su ola'u riri'u, nia'omante tempone i ya'u sarun mate maola'a sambau sasamba su Ruata. Tate mal᷊annu lai ya'u sarun manantangngu runia indi.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

1 YOHANES 3:16

Ringannu lal᷊anne indi i ite maasingkata ereapa mandangngu sansul᷊ungnga taumata: Kristus suete nanantillu wiakke hunang kite. Ana waugu udde, i ite lai ṛinone manantillu wiakki ite hunan manga tuṛṛangngi ite!