FILIPI 2:12 - WUKE SUSI WATTI'U AL᷊AL᷊USASSA

¹² Ana waugu udde, manga tuṛṛangnga apan arangnguanna, su ereapa i yamiu sidutu matuṛṛuta si ya'u su tempo i ya'u uatana'a su pattangnganni yamiu, ne nangillembo orassa indi su tempo i ite mararaute, ṛinone i yamiu sidutu tuttuṛṛuta si ya'u. I yamiu suete nisal᷊amattu Ruata, nariaddi sidutu pammanarate tadea'u paddaramenu maola'a masuungnga. Ola'e udde ringannu addata wuṛṛu tatuṛṛuta su Ruata,

FILIPI 2:12 Iomraidhean Croise

EZRA 10:3

Wette i ite massalu su Ruata, manungku i ite sarun mallimbuakka anambon wawine udde suaddio'a ringannu manga anangnge. I yami sarun tumuṛṛutta al᷊awo'u tatantironu see tatantiron manga taumata waine apan mangngaddatta parentan Duata. I yami sarun tumuṛṛutta Titan Duata.

DARALO 119:120

I ya'u mangngindo ana waugu matta'un-Nu, naungku mangiladda su saruannu raṛṛawen-Nu.

DARALO 2:11

Pattaṛṛamawute Mawu ringannu maadunna,

AMSAL 10:16

Amungkangngu inolanna apapia, lal᷊antakke eteudde mabbiakka su lal᷊umanna'a; amungkangngu ma'ola'a rosa, pangillul᷊eanne mannamboanna lai rosa.

AMSAL 13:4

Iapa malassa apulune manambo arawe saran sambau tawe naompaanne; taumata apan mammanara maṛṛimadda maasomba sarangkanambone apan ipaapulune.

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

YESAYA 66:5

Paddaringikke apa apan iwabbisara Mawu, ei i yamiu apan matta'utta wuṛṛu matuṛṛutta si Tou, “Ana waugu i yamiu satia si Ya'u, pia suwallattu walahannu apan maddantinni yamiu, wuṛṛu maddiri massagal᷊omang kamiu. I mangitou mangngal᷊uandaga si yamiu ringannu mabbisara, ‘Wala'e Mawu mapal᷊iatta'u awawantu-Ge, tadea'u i yami maasilo al᷊al᷊uassi yamiu.’ Arawe ete i mangitou sassane apan maasomba asasili.

MATIUS 11:12

Ro'en Yohanes namasingkattu wattingnge udde na'oman sara orassa indi, al᷊aṛṛana'u Ruata ipaseettu manga taumata apan maapulu mamarenta ringannu araṛṛagissa.

MATIUS 11:29

Tuṛṛutte parenta-U wuṛṛu pattannote pallal᷊agu-U. Ana waugu i Ya'u indi masaṛṛionto'a wuṛṛu mawawo naungnge, ne i yamiu sarun maapendamma asasunge atatahul᷊andimma.

WATTI'U MANGA RASUL 16:29

Tembonannu tuttupanna udde nadorongnga sol᷊o see tinumal᷊angnga watukku lal᷊umme, wuṛṛu ringannu mangngindo i tou inumal᷊intuda su saruanni Paulus wuṛṛu i Silas.

WATTI'U MANGA RASUL 9:6

Arawe orassa indi darisikke wuṛṛu suttate su soa. Isudde sarun iapaasingkatta si'o apa apan sarun manarannu.”

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

1 KORINTUS 2:3

Su tempo i ya'u suadio'a ringanni yamiu, i ya'u lome wuṛṛu mangngindon atata'utta.

1 KORINTUS 4:14

I ya'u namoṛṛettu indi si yamiu, wal᷊inewe pandumanne ipammansili si yamiu, ewe'e ipannantiro si yamiu ere al᷊aṛṛana'u sassane.

2 KORINTUS 7:15

Orassa indi i tou lembon marangngu si yamiu ana waugu i tou mannaungnga ereapa i yamiu sarangkanambone tuttuṛṛutta piaṛṛangnge, wuṛṛu ereapa i yamiu manarimmatti tou ringannu maaddatta wuṛṛu matuṛṛuta.

EFESUS 6:5

Manga tuṛṛangnga apan naola'a allangnga! Paatuṛṛuta parenta mawunu su runia indi. Olaawe udde ringannu apendamma maaddata wuṛṛu matuṛṛuta ringannu atonna-tonna naal᷊ihida ere a'olaanni yamiu si Kristus sassane.

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

FILIPI 1:29

Ana waugu Ruata suete nangonggolu al᷊amatta si yamiu, wal᷊ine tumba'u ipangimanna si Kristus, arawe lai matataṛṛangnga asasusa ana waugu Kristus.

FILIPI 1:5

I ya'u maadiangkamanna su Ruata ana waugu ro'en paarorone na'oman sara orassa indi, yamiu suete nallal᷊ima si ya'u mamasingkatu Watti'u Al᷊al᷊uassa wuassu Ruata.

FILIPI 1:6

Ruata sassane apan nanattakku manara apan mapia udde si yamiu, wuṛṛu i ya'u mangantimma i Tou sarun manassu manara udde ma'oman sara masue su allo Kristus Yesus rumanta apia.

FILIPI 2:19

I ya'u mangngimanna manungku ringannu tul᷊ungannu Mawu Yesus, i ya'u ringannu mal᷊ihakka nandolokki Timotius ringanni yamiu, tadea'u i ya'u maasomba al᷊al᷊uassu naungku su ola'u watti'i yamiu.

FILIPI 4:1

Ana waugu udde, manga tuṛṛangku apan arangnguanna, aroddite ṛinone i yamiu mabbiakka ringannu atonna-tonna mangngimanna Mawu. Naungku maapulu maisasomban kamiu! Ete i yamiu ipaapulu'u apan maal᷊uassa naungku.

FILIPI 4:15

Manga tuṛṛangnga taumatan Filipi! I yamiu sassane masingkata atonna manungku su tempo i ya'u nanantangngu Makedonia rorone, su tempo Watti'u Al᷊al᷊uassa udde niapasingkata paarorone, ete i yamiu sambau jamaatta apan nallal᷊ima si ya'u; i yamiu apan namendamma auntunganna wuṛṛu araruggi su sambau ringangku.

2 TIMOTIUS 2:10

Ana waugu udde i ya'u tawe matta'uttu sarangkanambone udde apan hunane su manga taumata apan suete nipilen Duata, tadea'u i mangitou lai maasomba asasal᷊amatta apan ionggola sulal᷊ummi Kristus Yesus, wuṛṛu tatantalongannu awawantuga saran mal᷊annu-l᷊annu.

IBRANI 12:1

Ne, su ola'i ite sassane, uapaal᷊iwutta si ite manambo atonna mattatiala! Ana waugu udde wette i ite mandammen anambon apa apan mammakkata si ite wuṛṛu rosa apan sidutu uareeta si ite. Wuṛṛu wette i ite ringannu ma'udduppa sumutta su pattalumanna apan sasaruannani ite.

IBRANI 4:1

Aroddi pa'aire Mawu ta'e ipappa'atta, wuṛṛu i ite sarun iapaillol᷊o ere suete nipa'ire-Ne. Nariaddi, ṛinone i ite mandiaga tadea'u arie piaddu sangkatou wuassu wallatti yamiu apan tawe maatemma allom pangillol᷊oanna apan suete nipai're udde.

IBRANI 4:11

Ana waugu udde, wette i ite maddea'a ringannu atonna-tonna ana see maasengkamma allom pangangillol᷊oanna apan suete nipa'iren Ruata udde. Arie pia sangkatou wuassi ite tawe maasomba ere i mangitou rorone, ana waugu tawe mangngimanna Ruata.

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus