FILIPI 2:10 - WUKE SUSI WATTI'U AL᷊AL᷊USASSA

¹⁰ Ne, tadea'u ipangadatta Mawu Yesus, anambon riadianna su surga, wuṛṛu su runia, see lai su al᷊ungngu runia sarun massubba si Tou.

FILIPI 2:10 Iomraidhean Croise

PANDARIADDI 41:43

Ana see i tou nangonggola si Yusuf sambau keretan araratuanna aruane maola'a sasa'eanne, wuṛṛu mandariaga awawantugu ratu u'amatta su saruannu kereta udde apiddu u'ui, “Ore! Paamata'a! Paamata'a!” Etearoddi i Yusuf nitenega naola'a gubernure su ahewallu Mesir.

DARALO 95:6

Wette i ite umal᷊intudda massubba si Tou, umal᷊intudda su saruannu Mawu, nandiaddi si ite.

MATIUS 12:40

I Yunus uatana'a tallu allo tallu ṛabbi sulal᷊ummu tiannu inassa masallaka. Aroddi lai Ana'u Taumata sarun matana'a tallu allo tallu ṛabbi sulal᷊ummu tiannu runia.

MATIUS 27:29

I mangitou na'ola'a sambau araposa mararatu wuassu manga rannang kalu ṛoaanna wuṛṛu niluṛṛe su pua Mawu Yesus. Wua'udde i mangitou nangagillu ta'inna su lima aikkatan-Ne, see inumal᷊intuda su saruan-Ne wuṛṛu mangngal᷊uandaga si Tou. “Tabea ratun taumatan Yahudi!” unni mangitou.

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

ROMA 11:4

Apa sasimbakku Ruata si Elia? Ruata sinumimbakka, “I Ya'u buatte nanantangngu pitu ṛiwu su atoune hunane su riri-U sassane. Taambe saran paassa i mangitou nassubba paal᷊uanni Baal.”

EFESUS 1:10

Manara udde eteudde tadea'u al᷊awo'a, mawae udde su surga ara'e su runia, maola'a sambau ringanni Kristus ere sangkatou tembonanne. Wuṛṛu olangnge udde sarun insueannu Ruata amungkangu nia'omante tempone.

EFESUS 3:14

Ana waugu udde i ya'u niumal᷊intudda su saruannu Iamangnga.

EFESUS 4:9

Ne, amungkangu iwisara “I Tou niumawitta” atappasanne manungku i Tou paarorone buatte sinumossokka na'oman sara su tampa awawoanne su runia indi.

IBRANI 1:6

Arawe su tempo Ruata nandolokku Anang-Nge pahul᷊u watukku runia indi, Ruata nabbisara arendi, “Anambon mala'ekattu Ruata ṛinone massuba Ana'a udde.”

SONDAPPA 20:13

See tahal᷊oangnga nanantillu manga taumata nate sulal᷊umme. Papate wuṛṛu Runiam Papate lai nanantillu manga taumata nate sulal᷊ummi tou. Wuṛṛu manga taumata nate sarangkanambone udde niṛṛuumanna uasul᷊ungngu pallal᷊agu mangitou.

SONDAPPA 4:10

sire ruam pul᷊o appata piaṛṛange udde uaaruutta su saruannu taumata apan ua'ianna su adderan araratuanna udde, see massubba si Tou apan wiakka saran mal᷊annu-l᷊annu. Wua'udde i mangitou nanuntungngu manga araposan araratuanni mangitou su saruannu adderan araratuanna udde lapiddu nabbisara,

SONDAPPA 5:3

Arawe mapia ete su surga ara'e su runia, ara'e su wantan runia tawe niasombanganna saran sangkatou apan wotongnge maawu'a wuke udde, wuṛṛu ma'ellega lal᷊umme.