FILIPI 1:4 - WUKE SUSI WATTI'U AL᷊AL᷊USASSA

⁴ Wuṛṛu suapan i ya'u umal᷊iomanni yamiu sarangkanambone, i ya'u u'al᷊iomanna ringannu naungnga mal᷊uassa.

FILIPI 1:4 Iomraidhean Croise

MARKUS 5:5

Allo ṛabbi i tou lullallele su lal᷊abinganna wuṛṛu su manga wuidda, ringannu aintul᷊ine wuṛṛu mallessa wadangnge ringannu watu.

LUKAS 15:10

Aroddi lai mala'ekattu Ruata lulluassa napawe pia sangkatou taumata lal᷊eo nawal᷊u wuassu manga rosane. Pangimante!”

LUKAS 15:7

Ne, aroddi lai su surga pia al᷊al᷊uassa apan bahewalla su sangkatou apan marosa nawal᷊u wuassu rosane, wuassu siom pul᷊o sio taumata apan mapiate wuṛṛu tate lai iwata'a mawal᷊u wuassu rosane.”

ROMA 1:9

I ya'u sidutu uanaungnga si yamiu amungkangngu i ya'u umal᷊iomanna. Ruata matatialane manungku apa apan iwabbatti'u udde atonna. Tumba'u i Tou Ruata apan sassubbangku ringannu ahewallu naungku ringannu namasingkattu Watti'u Al᷊al᷊uassa su ola'u Anang-Nge.

FILIPI 2:2

Ne, annama'a i yamiu atonna-tonna mapaal᷊uassu naungku ringannu manga inolaanna indi: Pabbiakke ringannu naungnga sambau, ringannu darangngu apan uasul᷊ungnga, ringannu ṛingiranna apan uasul᷊ungnga wuṛṛu tudda apan uasul᷊ungnga.

FILIPI 3:18

I ya'u masokkate mamasingkata si yamiu, wuṛṛu orassa indi ta'u isul᷊e apia ringannu lulluai, manungku pia manambo taumata apan mabbiakka mangngal᷊iwun atappasannu papaten Kristus su alu arussa.

FILIPI 4:1

Ana waugu udde, manga tuṛṛangku apan arangnguanna, aroddite ṛinone i yamiu mabbiakka ringannu atonna-tonna mangngimanna Mawu. Naungku maapulu maisasomban kamiu! Ete i yamiu ipaapulu'u apan maal᷊uassa naungku.

KOLOSE 2:5

Ana waugu salaiwe i ya'u uatana'a marau wuassi yamiu, ere lai ya'u uatana'a su wallatti yamiu. Wuṛṛu i ya'u lulluassa maasilo si yamiu uasampinunutanna wuṛṛu matohassa sulal᷊ummu pangangimanna si Kristus.

1 TESALONIKA 1:2

I yami sidutu u'al᷊iomanna su Ruata ana waugu manga tuṛṛanga sarangkanambone. Suapan i yami umal᷊iomanna su Ruata wuṛṛu Iamangngi ite, i yami sidutu mannaungnga si yamiu. I yami sidutu u'al᷊iomanni yamiu. I yami mannaungnga ereapa i yamiu napaal᷊iatta'a sulal᷊ummu pallal᷊agu manungku i yamiu mangngimanna si Kristus, ereapa i yamiu mandangngu taumata waine, na'oman sara i yamiu mangngimbe si mangitou, wuṛṛu ereapa i yamiu mangantimma ringannu matohassa su Mawun kite Yesus Kristus.

FILEMON 1:7

Tuṛṛangnga Filemon, darangngunu su anambon al᷊aṛṛana'u Ruata maal᷊uassa si ya'u wuṛṛu mangonggolu sasasa si ya'u! Anambon al᷊aṛṛana'u Ruata nilumuassa ana waugu i'o.

2 YOHANES 1:4

I ya'u lembon lulluassa napawe naasingkatta manungku pia al᷊aṛṛana'u Inangnga apan mabbiakka tuttuṛṛuta al᷊aṛṛa'u Ruata, ere lai suete nirolokku Ruata Iamangnga si ite.