FILIPI 1:20 - WUKE SUSI WATTI'U AL᷊AL᷊USASSA

²⁰ Lembon ipaapulu'u wuṛṛu aantimanna eteudde tadea'u imbaṛṛangnga i ya'u tawe maa'sue manara'u. Arawe i ya'u mangantimma tadea'u suapan tempo, nangillembo orassa indi, ya'u wotongnge maola'a waṛṛani ma'oman sara ringannu ahewallu apulun waddangku – mawae i ya'u wiakka ara'e i ya'u nate – Kristus mangke wabantuhanna.

FILIPI 1:20 Iomraidhean Croise

DARALO 119:116

Tohassawe i ya'u ere lai buatte nipa'ire-Nu tadea'u i ya'u sidutu wiakka, arie pabbala'a naungku masusa sulal᷊ummu pangangantingku.

DARALO 119:80

Antimanna naungku tawe sumewadda wuassu tita-Nu, tadea'u i ya'u tawe masili.

DARALO 25:2

oh Ruata'u, i ya'u mangimanna Si'o! Arie pabbala'a i ya'u pappansilianna, wuṛṛu tattampissi'u manga see'u.

DARALO 62:5

I yamiu tumba'u pia pandumma mangema'i tou, wuassu aiananne apan matanggakka. I yamiu apulune mangngawusu; ringannu moṛongngu i yamiu mangngal᷊amatta, arawe sulal᷊ummu naungngi yamiu mammontoga.

AMSAL 10:28

Antimmu taumata mapia ma'ola'a si tou su lal᷊umanna'a; antimmu taumata lal᷊eo tawe loṛṛone.

AMSAL 23:18

tadea'u sutempo addantane i'o maralukka wuṛṛu pangangantimmu tawe mawul᷊i.

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

YESAYA 50:7

Ana waugu Mawu Ruata nantul᷊ungku, ne i ya'u tawe nipansilianna. I ya'u mannohassa naungku tadea'u masabbare; i ya'u masingkatta manungku i ya'u tawe pansilianna.

YESAYA 54:4

Arie pa'ata'utta, i'o sarun tawe pansilianna; tawe aal᷊uandahanna wuṛṛu tappissi'anna. I'o sarun maabul᷊i lal᷊awangngu sutempo ta'e dario'a; tate mannaungnga lai mabbiakka sassane ere inawal᷊uanna.

YOHANES 21:19

(Ringannu manga wisara udde Mawu Yesus mapaal᷊iatta'u ereapa i Petrus sarun mate ipamantuga Ruata.) Wua'udde Mawu Yesus nabbisara si Petrus, “Tantalongke si Ya'u!”

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

WATTI'U MANGA RASUL 21:13

Arawe i tou sinumimbakka, “Apa hunane tuṛṛangnga lulluai ereindi na'oman sara naungku nasusa? I ya'u nasaddiate wal᷊ine tumba'u sametanna poiaroddi, arawe nasaddiate lai mate ana waugu Mawu Yesus.”

WATTI'U MANGA RASUL 4:31

Napawe i mangitou suete inumal᷊iomanna, tampa i mangitou uaammulla udde inumio'a. I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara ringannu waṛṛani atonna, su ola'u watti'u Ruata.

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

ROMA 5:5

Pangangantimma ereindi tawe mapaaddio'u naungngi ite, ana waugu naungngi ite nilloṛṛoannu Ruata ringannu darangngu-Ne. Ruata nammanara udde ringannu Ghaṛṛaho-Ne, apan suete nionggola si ite.

ROMA 6:13

Arie lai i'o manantillu wageangngu wadangngu su taṛṛinon dosa ana waugu ipaatta su manga pandumanna apan lal᷊eo. Arawe tantila'e ririnu su Ruata ere taumata apan buatte niingkata wuassu papate watukku pabbiaṛṛanna. Tantila'e ahewallu ririnu su Ruata tadea'u ipaatta ma'ola'a apulu Duata.

ROMA 6:19

Ana waugu pasasunnanu aroddi al᷊omene, i ya'u mappaattu manga ola'u patataṛṛuallangnga tadea'u i yamiu wotongnge maasunna. Dorone i yamiu mannantillu ririnu maola'a allangngu manga inolaanna apan maarantina wuṛṛu apan lal᷊eo su pandumanna apan lal᷊eo. Aroddi lai orassa indi, ṛinone i yamiu manantillu ahewallu watanganni yamiu maola'a allangngu apulu Ruata su pandumannu Ruata sassane.

ROMA 8:19

Ahewallu pati'uppu runia uaraṛṛado ringannu ṛintulu tempone Ruata mapaal᷊iatta'u al᷊aṛṛanang-Nge.

ROMA 9:33

Su ola'u watu udde sulal᷊ummu Wuke Susi uawoṛṛetta arendi, “Paanaunge indi: Su Sion buatte Ta'u niaddo sambau watu apan sarun atarannu taumata; eteudde sambau watu wahewa apan sarun mangema'u taumata. Arawe taumata apan mangngimanna si Tou tawe sumassilla.”

1 KORINTUS 15:31

Manga tuṛṛangnga! Miallo-miallo i ya'u uatataṛṛanga asasusa, ana waugu i ya'u lulluassu pabbiaṛṛani yamiu, ana waugu i yamiu nangimante si Kristus Yesus, Mawung kite.

1 KORINTUS 6:20

Ruata suete namalli si yamiu wuṛṛu nasueten baekke. Ana waugu udde, paata'e wadangngu aroddi olangnge ma'oman sara Ruata wantuhanna.

1 KORINTUS 7:34

apanganne ṛingiṛṛanne natahia. Sangkatou wawine apan tawe awingnge, ara'e sangkatou maṛṛuala, sarun maṛṛingidda manambo su ola'u Mawu, ana waugu i tou maapulu tadea'u wadangnge sarangkanambone maola'a pussa'an Duata. Arawe sangkatou wawine apan piate awingnge, manidutun ṛingiṛṛanne su ola'u paddarunia indi, ana waugu i tou maapulu malluassa naungngu awingnge.

2 KORINTUS 10:8

I ya'u tawe masili amungkangngu i ya'u mannamboanna mamarabungan taṛṛino apan buatte nionggolu Mawu si yami, ana waugu taṛṛino udde nionggola ipangapia si yamiu, wal᷊inewe ipandal᷊eo.

2 KORINTUS 3:12

Ana waugu i yami uatahuanna antimma ereudde, ne i yami waṛṛani mabbisara aroddi.

2 KORINTUS 4:10

Sidutu i yami uapendama papate Mawu Yesus su wadangngi yami, tadea'u pabbawiak-Ke lai lumiatta'a su wadangngi yami.

2 KORINTUS 5:15

Kristus nate ana waugu anambon taumata, tadea'u manga taumata apan wiakka, tate lai mabbiakka hunan wadangnge sassane, arawe mabbiakka hunan Kristus apan buatte nate wuṛṛu niapaawiakka apia ana waugu hunane si mangitou.

2 KORINTUS 7:14

I ya'u atonna suete namarabungan kamiu si tou. Aadiangkamanna, i yamiu tawe namansili si ya'u. Anambon apa apan suete niwal᷊on kami si yamiu udde atonna. Aroddi lai apa apan ipamarabungan kami su ola'i yamiu si Titus udde niatialanna atonna.

2 KORINTUS 7:4

I ya'u mangngimanna atonna si yamiu. Wuṛṛu lai ya'u mal᷊uassa atonna si yamiu! Salaiwe i yami naasomba manambo asasusa, naungku nal᷊uassa ana waugu i yamiu. Naungku lembon lulluassa!

FILIPI 1:14

Wuṛṛu i ya'u niṛṛuumanna indi naatamba manga taumatan Saṛṛani su soa indi lembon mangngimanna lai Mawu, na'oman sara i mangitou lembon waṛṛani lai mamasingkatu tanatan Duata ringannu tawe matta'utta.

FILIPI 2:17

Asinungka i ya'u sarun pateanna wuṛṛu ṛaṛṛa'u maola'a ere sambau sasamba manampal᷊iu wuassu sasamban kamiu su Ruata maola'a sambau tatiala manungku i yamiu mangngimanna si Tou. Amungkangu udde atonna ṛinone maola'a aroddi, ya'u maadiangkamanna su olangnge udde wuṛṛu lulluassa suaddio'a ringanni yamiu.

KOLOSE 1:24

Orassa indi ya'u mal᷊uassa matataṛṛanga hunan kamiu. Ana waugu ringannu asasusan wadangku, i ya'u manuungngu apa apan ta'e ṛinone niapendamanni Kristus su jamaan-Ne, eteudde wadang-Nge.

1 TESALONIKA 5:23

Antimanna Ruata sassane mangonggolu paddarame si ite, ma'ola'a si yamiu taumata apan atonna-tonna mabbiakka hunan Duata sassane. Doronganna Ruata mallu'adda ahewallu wadangngu, mawae ghaṛṛaho, ṛimuudda, wuṛṛu lai wadangngu, ma'oman sara tawe sangkule su tempo Mawun kite Yesus Kristus rumanta apia.

1 PETRUS 4:16

Arawe amungkangu i yamiu uatataṛṛangnga ana waugu i yamiu taumatan Saṛṛani, ariewe masili ana waugu inolaanna udde. Paadiangkamante su Ruata, manungku i yamiu uaapiddu aranni Kristus.

1 YOHANES 2:28

Nariaddi, al᷊aṛṛana'u, paasidutute mabbiakka uaaukka ringanni Kristus, tadea'u su tempo i Tou rumanta apia, i ite sumaruanna si Tou ringannu napenen kawawaṛṛani, wuṛṛu tawe ma'imbuni ana waugu massili.