FILIPI 1:10 - WUKE SUSI WATTI'U AL᷊AL᷊USASSA

¹⁰ Ringannu aroddi yamiu masingkatta mamile apa apan apianne, wuṛṛu wiakku na'ukkassa wuassu angngo ara'e al᷊awo'u aansilla su allo Kristus rumanta apia.

FILIPI 1:10 Iomraidhean Croise

PANDARIADDI 20:5

I Abraham sassane nabbal᷊o manungku wawine udde tuarine, wuṛṛu wawine udde nabbisara aroddi lai. I ya'u buatte na'ola'a udde ringannu naungnga waresi, nariaddi ya'u tawe nassal᷊a.”

AYUB 12:11

Naal᷊ihidda lila'u mappulu mattemma anna apan matemangnga, aroddi lai tal᷊inga'u maapulu maddaringikka wisara.

AYUB 34:3

Taumata maasingkatta anna matemangnga amungkangngu mattemma, wuṛṛu manga wisara apande napawe maddaringikka.

MIKHA 3:2

Arawe i yamiu lembon maddantinnu apapia, wuṛṛu apapia, wuṛṛu mal᷊uassa ringannu al᷊al᷊eo. Walahangku niluussi yamiu ta'e wiakka, wuṛṛu i yamiu naṛṛaen ṛemessi mangitou manga duṛṛine.

MATIUS 16:23

Mawu Yesus nanaile see nabbisara si Petrus, “Roote passal᷊iu wua isindi, Mamamono'a! I'o mannal᷊are si Ya'u. Ṛingiddu udde ṛingiṛṛannu taumata; wal᷊ine ṛingiṛṛannu Ruata!”

MATIUS 26:33

I Petrus nabbisara Mawu Yesus, “Wala'e i mangitou nambo manantangngu Iamangnga, i ya'u tawe manantangnga!”

YOHANES 1:47

Mawu Yesus naasilo si Natanael nirumanta, see nabbisara su ola'i tou, “Pa'ellega, udde taumatan Israel tutune. Tawe awusune i tou.”

YOHANES 3:20

Suapan taumata apan ma'ola'a al᷊al᷊eo, maddirin asasemakka; tadea'u pallal᷊agune apan dal᷊eo tawe asiloanna.

WATTI'U MANGA RASUL 24:16

Ana waugu udde i ya'u sidutu ma'ola'a apapia, tadea'u naungku waresi su saruannu Ruata wuṛṛu waresi su saruannu taumata.

ROMA 12:2

Imbaṛṛangnga mattanno apulun dunia indi. Wala'e Ruata mandiaddi ririnu maola'a wakku, tadea'u i yamiu pia awawal᷊u. Ringannu aroddi yamiu wotongnge maasingkata apulun Duata – eteudde apa apan mapia wuṛṛu apan maal᷊uassa naung-Nge wuṛṛu apan nasuungnga.

ROMA 12:9

Pandangngute ringannu ahewallu naungngu. Paaraua'a al᷊al᷊eo, wuṛṛu pa'ola'e apapia.

ROMA 16:17

Manga tuṛṛangnga! I ya'u sumal᷊ande ringannu lembone: Paatehamma su saruannu manga taumata apan ma'ola'a patatatiakka wuṛṛu mannongkakku pangangimannu taumata su Mawu. Olangnge udde uapapaṛṛala apa apan buatte niaṛṛa'a si yamiu. Arie paggawei taumata ereudde.

ROMA 2:18

Tuṛṛangnga naasomba manga tatantiro wuassu tita udde, na'oman sara i'o masingkatu pandummu Ruata wuṛṛu masingkata mamile suapa apianne.

ROMA 7:16

Ne, amungkangngu i ya'u ma'ola'a manga inolaanna apan tawe ipaapulu'u udde, atappasanne manungku titan agama Yahudi udde mapia.

ROMA 7:22

Naungku maapulun titan Duata,

ROMA 8:7

Taumata apan ṛingiṛṛanne paparentannu pallal᷊agun taumata, taumata udde uasaseettu Ruata, ana waugu taumata udde maddiri tumuṛṛutta titan Duata; wuṛṛu atonna i tou tawe maatuṛṛutta apulun Duata.

1 KORINTUS 1:8

Kristus sassane sarun mandiaga si yamiu ma'oman sara pangudusanne; tadea'u su tempo i Tou rumanta apia, i yamiu aratinganna tawe sangkule.

1 KORINTUS 10:32

Pabbiakke aroddi olangnge ma'oman sara tuṛṛangnga tawe ma'ola'a taumata waine ma'ola'a rosa; apa i mangitou taumatan Yahudi ara'e taumata wal᷊ine Yahudi, ara'e lai jamaattu Ruata.

1 KORINTUS 8:13

Ana waugu udde, amungkangngu anna maaola'a si'o marosa, ne ya'u tate uminassa ṛemessa lai. Ana waugu aṛṛengenne tuṛṛangku marosa ana waugu i ya'u.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

2 KORINTUS 2:17

I yami tawe naal᷊ihida ere taumata nambo apan ma'ola'a Watti'u Ruata ere saranapa wal᷊u'anna. Manga pandumanni yami udde waresi, ana waugu i yami nirolokku Ruata. Wuṛṛu Ruata sassane ua'ellega manungku i yami mammasingkatu watti'a udde naola'a allangngi Kristus.

2 KORINTUS 6:3

I yami maddiri manaran kami iapaasal᷊a. Ana waugu udde i yami tawe mangonggolu pinangiananne su sangkatou ipa'ola'a olangnge udde.

2 KORINTUS 8:8

I ya'u tawe nandolokka udde maola'a sambau parenta. Arawe ringannu namasilo aroddi aṛṛimadde taumata waine mantul᷊ungngu taumata sansul᷊ungnge, i ya'u lai maapulu maasingkata na'oman sara suapa, darangngunu.

GALATIA 5:11

Matataṛṛino si ya'u, manga tuṛṛangnga, anio i ya'u mangke ipasseetta amungkangu i ya'u ta'e mammasingkata manungku sunatta udde ta'e wotongnge? Amungkangngu atonna i ya'u ta'e mammasingkata aroddi, ne bawal᷊o'u su ola'u arussan Kristus tawe maaola'a patatiakka.

EFESUS 4:15

Tawe! Mappianne i ite mapaal᷊iatta'u manga inolaanna apan atonna wuṛṛu ringannu naungnga apan napenen darangngu, na'oman sara su al᷊awo'u inolaanna i ite mal᷊annu-l᷊annu masuungnga ere lai Kristus, apan naola'a tembonanni ite.

EFESUS 5:10

Paddea'awe maaillal᷊a apa apan maal᷊uassa naungngu Mawu.

EFESUS 5:27

Ringannu aroddi Kristus napararisikku jamaatta udde ringannu mawantuga wuṛṛu na'ukkassa su saruan-Ne, ringannu tawe sangkule ara'e angngone.

EFESUS 6:24

Sal᷊andeanna Ruata sarun mangal᷊amatta si yamiu sarangkanambone apan mandangngu Mawun kite Yesus Kristus ringannu darangngu apan tawe masue. Tabea wuassi yami, Paulus

FILIPI 1:16

Manga taumata indi na'ola'a aroddi ana waugu i mangitou mandangngu Ruata wuṛṛu si ya'u, ana waugu i mangitou masingkata manungku Ruata suete napamanara'u mapaal᷊iatta'a manungku Watti'u Al᷊al᷊uassa udde atonna.

FILIPI 1:6

Ruata sassane apan nanattakku manara apan mapia udde si yamiu, wuṛṛu i ya'u mangantimma i Tou sarun manassu manara udde ma'oman sara masue su allo Kristus Yesus rumanta apia.

1 TESALONIKA 3:13

Ringannu aroddi Mawu sarun manohassa naungngu, na'oman sara i yamiu ma'ukkasa wuṛṛu tawe sal᷊ane su saruannu Ruata Iamangngi ite, su tempo Mawun kite Yesus rumanta suadio'a ringannu anambon taumata apan naola'a pussa'a-Ne.

1 TESALONIKA 5:21

Sarangkanambone ṛinone iannamma, wuṛṛu apapia sarun tattuṛṛutanna.

1 TESALONIKA 5:23

Antimanna Ruata sassane mangonggolu paddarame si ite, ma'ola'a si yamiu taumata apan atonna-tonna mabbiakka hunan Duata sassane. Doronganna Ruata mallu'adda ahewallu wadangngu, mawae ghaṛṛaho, ṛimuudda, wuṛṛu lai wadangngu, ma'oman sara tawe sangkule su tempo Mawun kite Yesus Kristus rumanta apia.

YOSUA 24:14

“Nariaddi, orassa indi,” unni Yosua nanassukku wisarane, “pangaddate Mawu. Pattaṛṛamawute si Tou ringannu naungnga mal᷊uassa wuṛṛu matammuda. Paaraua'a manga passasubba Mawu waine apan sassubannu iunpungngu al᷊amonanu tiwatta su Mesopotamia wuṛṛu su Mesir. Pattaṛṛamawute tumba'u su Mawu sassane.

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

SONDAPPA 2:2

I Ya'u masingkatu apa apan a'olaanni yamiu: I yamiu mammanara maṛṛimadda wuṛṛu yamiu matammuda atonna. I Ya'u masingkata manungku i yamiu tawe mangonggolu naungnga su taumata lal᷊eo. Wuṛṛu manga taumata mangnga'u watanganne rasul, wutte'e wal᷊ine, suete niannamanni yamiu wuṛṛu niasombanganni yamiu, manungku i mangitou taṛṛa awusu.