FILIPI 1:1 - WUKE SUSI WATTI'U AL᷊AL᷊USASSA

¹ Manga tuṛṛangnga al᷊aṛṛana'u Ruata sarangkanambone apan uatana'a su Filipi, wuṛṛu apan uaaukke ringanni Kristus Yesus. Wuṛṛu manga tuṛṛangnga piaṛṛangnge see lai matatul᷊ungngu jamaatta! I ya'u, Paulus, suadio'a ringanni Timotius, manga allangngi Kristus Yesus,

FILIPI 1:1 Iomraidhean Croise

MARKUS 13:34

Olangnge isumandingnga ere sangkatou apan nanantangngu wal᷊ene see inai su tampa marau. I Tou nandolokku manga ralol᷊oṛṛanne mandiaga wal᷊ene, wuṛṛu nangagillu manara si mangitou sangkatou-sangkatou. Su mandariaga ngara, i tou nananata tadea'u mandiaga mapia-pia.

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

WATTI'U MANGA RASUL 1:20

“Ana sulal᷊ummu Wuke Mazmur uawoṛṛetta arendi, ‘Wala'e atatanaan-Ne maola'a mal᷊annaba; arie piaddu sangkatou matana'a sulal᷊umme.’ Pia uawoṛṛetta arendi lai, ‘Wala'e aianan-Ne anuannu taumata waine.’

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

WATTI'U MANGA RASUL 9:13

Ananias sinumimbakka, “Mawu, i ya'u suete naaringikka manambo taumata uahahatton taumata indi, lembonete su ola'u pandal᷊al᷊eo apan niolangnge su saruannu walahanna su Yerusalem.

ROMA 1:1

Manga tuṛṛangnga sarangkanambone su Roma apan arangnguannu Ruata wuṛṛu apan buatte niwagoannu Ruata maola'a al᷊aṛṛanang-Nge. Ruata buatte namile wuṛṛu i ya'u sassane niapaatenega mammasingkattu Watti'u Al᷊al᷊uassa wuassu Ruata.

ROMA 1:7

Ana waugu udde i ya'u namoṛṛettu suratta indi si yamiu. Antimanna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu al᷊al᷊uassa si yamiu.

1 KORINTUS 16:10

Amungkangngu Timotius rumanta, sal᷊ohoi i tou ringannu mapia tadea'u i tou maapendama mal᷊uassa matana'a ringanni yamiu ana waugu i tou ere lai ya'u mammanara manara Mawu.

2 KORINTUS 1:1

Manga tuṛṛangnga jamaattu Ruata su Korintus wuṛṛu al᷊aṛṛana'u Ruata sarangkanambone su ahewallu leta'u Akhaya. I Ya'u Paulus, rasulli Kristus Yesus, apan nitenega wuassu apulun Duata, suadio'a ringannu tuṛṛangngi ite Timotius,

GALATIA 1:10

Apa ringannu olangnge udde pendamanna ere i ya'u mangngantima a'uannu taumata? Atonna-tonna tawe! I ya'u tumba'u mangngantima panga'uanna wuassu Ruata. Apa i ya'u sidutu mattinsahadda mammol᷊engnga naungngu taumata tadea'u i ya'u maal᷊uassa taumata? Amungkangngu inolaangku sidutu aroddi, ya'u wal᷊inewe allangngi Kristus.

GALATIA 3:26

Ana waugu i yamiu mangngimanna si Kristus Yesus, ne i yamiu uaaukka ringanni Tou; wuṛṛu ana waugu udde i yamiu maola'a al᷊aṛṛana'u Ruata.

GALATIA 3:28

Sulal᷊ummu olangnge indi tate lai paṛṛalane su wallatu taumatan Yahudi wuṛṛu taumata wal᷊ine Yahudi, su wallatu allangnga wuṛṛu tawe allangnga, su wallatu esakka wuṛṛu wawine. I yamiu sarangkanambone sambau ana waugu Kristus Yesus.

EFESUS 1:1

Al᷊aṛṛana'u Ruata su Efesus, apan matuṛṛutta Mawu Yesus Kristus!

EFESUS 1:15

Ana waugu udde, ro'en i ya'u naaringikka manungku i yamiu mangngimanna Mawu Yesus, wuṛṛu i yamiu buatte niumakkanu anambon al᷊aṛṛana'u Ruata,

EFESUS 6:24

Sal᷊andeanna Ruata sarun mangal᷊amatta si yamiu sarangkanambone apan mandangngu Mawun kite Yesus Kristus ringannu darangngu apan tawe masue. Tabea wuassi yami, Paulus

FILIPI 2:19

I ya'u mangngimanna manungku ringannu tul᷊ungannu Mawu Yesus, i ya'u ringannu mal᷊ihakka nandolokki Timotius ringanni yamiu, tadea'u i ya'u maasomba al᷊al᷊uassu naungku su ola'u watti'i yamiu.

FILIPI 2:5

Ṛinone i yamiu pia apendamma ere Yesus Kristus:

FILIPI 3:12

I ya'u tawe mabbisara manungku i ya'u naasombate auntunganna, ara'e nasuungke. Arawe i ya'u sidutu maddea'a maapangaṛṛo aonggola apan suete nissaddian Kristus Yesus. Ana waugu udde i Tou suete nangaṛṛo si ya'u, wuṛṛu niola'a pussa'a-Ne.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

FILIPI 3:8

Wal᷊ine tumba'u manga inolaanna udde; arawe lai al᷊awo'u inolaanna apan sassunnangku ere manga inolaanna tumba'u maaruggi. Apan tatahuanangku orassa udde lembon maaregganne; eteudde maaillal᷊a si Kristus Yesus Mawu'u. Ana waugu Kristus, ne i ya'u suete namallosu manga al᷊awo'a. Aellehangku sarangkanambone udde ere sapadda, tadea'u i ya'u wotongnge maasomba si Kristus,

1 TESALONIKA 1:1

Manga tuṛṛangnga jamaatta su Tesalonika apan naola'a al᷊aṛṛana'u Ruata Iamangnga wuṛṛu Mawu Yesus Kristus: I yami, eteudde Paulus, Silas wuṛṛu Timotius mangngantimma doronganna Ruata mangonggolu al᷊amatta wuṛṛu paddarame si yamiu.

1 TESALONIKA 2:2

I yamiu masingkata manungku ro'en i yami taambe nirumanta ringanni yamiu su Tesalonika, i yami suete niapaasusa wuṛṛu nial᷊uandahanna su Filipi. Arawe salaiwe manambo taumata mandooppa si yami, Mawu Ruatan kite suete nangonggolu awawaṛṛani si yami ipabbatti'u Watti'u Al᷊al᷊uassa si yamiu apan darantane wuassi Tou.

2 TESALONIKA 1:1

Manga tuṛṛangnga jamaatta su Tesalonika, apan naola'a walahannu Ruata Iamangngi ite wuṛṛu Mawu Yesus Kristus! Yami eteudde Paulus, Silas wuṛṛu Timotius

2 TESALONIKA 1:10

sarangkanambone udde sarun mariaddi su allo i Tou rumanta apia ana wantuhannu al᷊aṛṛanang-Nge wuṛṛu addatannu anambon taumata apan mangngimanna. I yamiu lai isudde su sambau ringannu walahannu Ruata udde, ana waugu i yamiu suete nangimanna watti'a apan niapaasingkati ami si yamiu.

1 TIMOTIUS 3:8

Ṛinone masasumbala jamaatta lai taumata mapia wuṛṛu matul᷊ida; tawe wal᷊iun doitta tawe tumaniten manambo ma'inumma anggore.

TITUS 1:1

Ana'u Titus! I ya'u, Paulus, namoṛṛetu suratta indi ere ola'u sangkatou allangngu Ruata wuṛṛu rasulli Yesus Kristus. I ya'u nipile wuṛṛu nirolokka mantul᷊ungu manga taumata apan nipilen Duata tadea'u maola'a matohassa sulal᷊ummu pangangimanni mangitou. I ya'u lai ṛinone mangehetta si mangitou tadea'u maasingkattu al᷊aṛṛa'a apan naṛṛino niaṛṛa'u agaman kite.

TITUS 1:7

Mallal᷊u'ada jamaatta udde taumata apan mangngatokku manaran Duata, tawe wotongnge i tou pia pasasal᷊ane. Tawe wotongnge mawunga ara'e taṛṛa wul᷊o, ara'e taṛṛa wu'anna, ara'e taṛṛa wawul᷊o ara'e wal᷊iun doitta.

FILEMON 1:1

Tuṛṛanga Filemon, hawe wuṛṛu ringanni yami! I ya'u, Paulus, sangkatou taumatan ṛuumanna ana waugu Kristus Yesus, su sampunna ringannu tuṛṛangi ite Timotius, namoṛṛetu suratta indi si'o,

IBRANI 13:23

Ṛinone i yamiu masingkata manungku tuṛṛangi ite i Timotius nipallose wuassu tuttupanna. Amungkangu i tou na'omate su tampa'u indi, ya'u sarun mangapiddi tou su tempo i ya'u mattembo si yamiu.

YAKOBUS 1:1

Manga tuṛṛangnga al᷊aṛṛana'u Ruata sarangkanambone apan uasal᷊iawukka su ahewallu runia! Tabea wuassi ya'u, Yakobus, allangngu Ruata wuṛṛu allangngi Yesus Kristus.

1 PETRUS 2:25

Dorone i yamiu ere domba nilamammiṛṛanne, arawe orassa indi yamiu suete niapidda apia tumantalongnga Mallal᷊u'adda wuṛṛu Mamamadul᷊i niawanu.

2 PETRUS 1:1

Manga tuṛṛangnga apan atonna-tonna mangngimanna ere i yami! Yesus Kristus, eteuddde Ruata wuṛṛu Ratun Punnu Sal᷊amatti ite, namalan kite mangngimanna si Tou, ana waugu i Tou pia paa'ola'a apan su ṛinone. Suratta indi wuassi Simon Petrus, sangkatou allangnga wuṛṛu rasullu Mawu Yesus Kristus.

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

SONDAPPA 1:1

Lal᷊oṛṛon wuke indi mabatti'a su ola'u apa apan suete niapaal᷊iatta'u Mawu Yesus su ola'u manga arariaddianna apan sarun mariaddi. Ruata namasingkata Mawu Yesus tadea'u i Tou mamasingkata su manga allangngu Ruata, apa apan ṛinone mal᷊ihakke mariaddi. Kristus nandolokku mala'ekan-Ne si Yohanes, allang-Nge, iapapasingkatu manga arariaddianna udde si tou.

SONDAPPA 1:20

Ete indi addapinga wuassu anumpitanna pitu apan niasiloannu su lima uanang-Ku, wuṛṛu wuassu pitu leddan sol᷊o wul᷊awanna udde: Anumpitanna pitu udde eteudde manga mala'ekatta su pitu jamaatta, wuṛṛu pitu leddan sol᷊o udde eteudde pitu jamaatta udde.”

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

SONDAPPA 2:12

“Su mala'ekattu jamaatta su Pergamus, woṛṛetta'a arendi: Ete indi tanata wuassi Tou apan uaagasa hal᷊ele maṛṛoro apan ṛorone ruam ba'a.

SONDAPPA 2:8

“Su mala'ekattu jamaatta su Smirna, woṛṛetta'a arendi: Ete indi tanata wuassi Tou apan paarorone wuṛṛu pangudusanne – apan natete wuṛṛu nabbiakka apia.

SONDAPPA 22:9

arawe i tou nabbisara si ya'u, “Arie! Arie massubba si ya'u! Passubate Ruata! Ana waugu i ya'u lai allangnga ere i'o, wuṛṛu ere manga tuṛṛangnga manga nabi wuṛṛu anambon taumata apan tuttuṛṛuta manga tanata sulal᷊ummu wuke indi!”