FILEMON 1:8 - WUKE SUSI WATTI'U AL᷊AL᷊USASSA

⁸ Ana waugu udde, ere sangkatou tuṛṛangnga apan su pangangimanna sambau, i ya'u wotongnge mandolokku ma'ola'a apa apan sarun olaannu.

FILEMON 1:8 Iomraidhean Croise

2 KORINTUS 10:8

I ya'u tawe masili amungkangngu i ya'u mannamboanna mamarabungan taṛṛino apan buatte nionggolu Mawu si yami, ana waugu taṛṛino udde nionggola ipangapia si yamiu, wal᷊inewe ipandal᷊eo.

2 KORINTUS 11:21

I ya'u massili manga'u manungku i yamiu tumaniten lome ma'ola'a ereudde. Arawe apa apan ilalluassu taumata waine ringannu waṛṛani, ya'u lai waṛṛani! (I ya'u mabbisara ere taumata woddo).

2 KORINTUS 3:12

Ana waugu i yami uatahuanna antimma ereudde, ne i yami waṛṛani mabbisara aroddi.

EFESUS 5:4

Tawe su lal᷊anne lai yamiu mapaasabbangngu manga wisara lal᷊eo wuṛṛu tawe su ṛinone. Ewe'e ṛinone i yamiu u'al᷊iomanna su Ruata.

1 TESALONIKA 2:2

I yamiu masingkata manungku ro'en i yami taambe nirumanta ringanni yamiu su Tesalonika, i yami suete niapaasusa wuṛṛu nial᷊uandahanna su Filipi. Arawe salaiwe manambo taumata mandooppa si yami, Mawu Ruatan kite suete nangonggolu awawaṛṛani si yami ipabbatti'u Watti'u Al᷊al᷊uassa si yamiu apan darantane wuassi Tou.

1 TESALONIKA 2:6

I yami lai tawe mappandumma daralo wuassu taumata – mawae wuassi yamiu ara'e wuassu taumata waine. Ṛinone maola'a sangkatou rasulli Kristus i yami wotongnge maddorongnga sarannapa si yamiu.