FILEMON 1:20 - WUKE SUSI WATTI'U AL᷊AL᷊USASSA

²⁰ Ana waugu udde, ringannu arannu Mawu, annama'a tul᷊unga'a i ya'u, paal᷊uasa'a naungku nassul᷊ungngu ere sangkatou tuṛṛanga sulal᷊ummi Kristus.

FILEMON 1:20 Iomraidhean Croise

1 KORINTUS 16:18

I mangitou buatte nalluassa naungku, ere i mangitou nalluassa naungngu. Manga taumata ere udde ṛinone aaddatanna.

2 KORINTUS 2:2

Ana waugu amungkangngu i ya'u mapaasusan kamiu, isai lai apan wotongnge mallimbatta naungku, amungkangngu wal᷊ine manga taumata udde lai apan buatte niapaasusa'u naungnge?

2 KORINTUS 7:13

Ana waugu udde naungngi yami nal᷊uassa. Ringannu lulluassa, i yami lai lullala'a ana waugu naasilo lal᷊uassi Titus, naungnge lulluassa ana waugu i yamiu sarangkanambone.

FILIPI 1:8

Ruata masingkatta manungku i ya'u atonna-tonna luṛṛintulun kamiu ringannu apendamu darangngu wuassi Kristus Yesus sassane.

FILIPI 4:1

Ana waugu udde, manga tuṛṛangku apan arangnguanna, aroddite ṛinone i yamiu mabbiakka ringannu atonna-tonna mangngimanna Mawu. Naungku maapulu maisasomban kamiu! Ete i yamiu ipaapulu'u apan maal᷊uassa naungku.

FILEMON 1:12

Orassa indi taumata arangnguangku udde nirolokke apia ringannu.

FILEMON 1:7

Tuṛṛangnga Filemon, darangngunu su anambon al᷊aṛṛana'u Ruata maal᷊uassa si ya'u wuṛṛu mangonggolu sasasa si ya'u! Anambon al᷊aṛṛana'u Ruata nilumuassa ana waugu i'o.

IBRANI 13:17

Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.

1 YOHANES 3:17

Amungkangu sangkatou apan wiakke natimu naasilo tuṛṛange wiakke tawe natimu, arawe maddiri mantul᷊ungngu tuṛṛangnge udde, ereapa taumata udde wotongnge mabbisara manungku i tou mandangngu Ruata?

3 YOHANES 1:4

Taweddu apan lembon maal᷊uassa naungku, wuassu i ya'u maaringikka manungku manga al᷊aṛṛana'u mabbiakka tuttuṛṛuta al᷊aṛṛa'u Ruata.