EZRA 9:8 - WUKE SUSI WATTI'U AL᷊AL᷊USASSA

⁸ Arawe orassa indi, oh Mawu Ruatan kami, I'o wakkute niumakkanni yami. I'o namallossu manga pira taumata suwallatti yami wuassu patataṛṛuallanga tadea'u mabbiakka ringannu mal᷊angnganna su tampa apan niṛṛae indi. I'o nangonggolla si yami pabbiaṛṛanna wakku.

EZRA 9:8 Iomraidhean Croise

2 MARARATU 19:4

Ratun Asyur buatte nandolokku sangkatou tembonannu tantara atanggaṛṛanne niapal᷊obbosa Ruata apan biakka. Isai masingkata Mawu Ruatanu naaringikke lal᷊obbosa udde, wuṛṛu sarun makkuumanni mangitou apan nabbisara! Ana waugu udde a'al᷊iomante su Ruata hunan manga taumatan kite apan ta'e wiakka.”

EZRA 9:9

Sutempo i yami ta'e su patataṛṛuallanga, I'o tawe nanantangngi yami. I'o na'ola'a si yami raddangnguannu manga ratun Persia wuṛṛu niwala mabbiakka see na'ola'a apia Wal᷊en-Nu apan ete winal᷊alanna udde. I'o nangongonggolla si yami atanaanna isindi, su Yehuda wuṛṛu Yerusalem.

NEHEMIA 1:11

Daringiṛṛewe aal᷊iomannu anambon allang-Ngu apan waine, apan mappulu mangaddatta Si'o. Onggol᷊aawe tul᷊ungan-Nu tadea'u su allo indi allang-Ngu indi maasomba darangngu wuassu ratu.” Sutempo udde i ya'u mammanara mangngimben ua'e ratu.

NEHEMIA 9:31

Arawe ana waugu darangngu-Nu tumaniten bahewalla, I'o tawe nanantangnga ara'e nakkimunsa'a si mangitou. Atonna, ete I'o Ruata apan taweddu panumandinganne; tumaniten bahewalla aakkan-Nu, napenen darangngu!

AYUB 33:30

tadea'u i Tou wotongnge manal᷊amatta taumata wuṛṛu mangonggollu lal᷊umanna'a sulal᷊ummu pabbiaṛṛanne.

DARALO 13:3

Ma'oman sara tingera i ya'u ṛinone uapendamma asasusa, wuṛṛu naungku massusa su al᷊o'engngu allo? Ma'oman sara tingera i ya'u tataṛṛinoannu seetta?

DARALO 13:4

Ellehete i ya'u, oh Mawu Ruata'u, simbaṛṛewe aal᷊iomangku. Welengaawe atatoha'u, wuṛṛu arie pabbala'a i ya'u mate.

DARALO 138:7

Sutempo i ya'u niaṛṛiaannu asasusa, I'o mangke napawia'u. I'o nando'appa see'u apan tantal᷊anna mammangalo wuṛṛu nanal᷊amatta si Ya'u ringannu taṛṛino-Nu.

DARALO 34:5

I ya'u niumal᷊iomanna su Mawu, wuṛṛu i Tou sinumimbakka, wuṛṛu i ya'u nipallossa wuassu atata'utta.

DARALO 85:6

Sarangkal᷊o'engnge I'o massa'u si yami, wuṛṛu sidutu masa'u sara maṛṛawa mappulunna?

AMSAL 29:13

Sangkatou asiangnga wuṛṛu mangangallange udde uasul᷊ungnga; sitarua Mawu nangonggollu mata ipa'ellega asasemakku pabbiaṛṛanna.

MANNANASE 12:11

Wisaran taumata pande udde naal᷊ihidda ta'innu sangkatou mallal᷊u'adda apan maṛṛoro, ta'inna apan nipaanne ipanahekku manga dombane. Ammul᷊annu sasanato'a wuṛṛu tatantiro, naal᷊ihidda pa'u apan uapansakka matohassa. Sarangkanambone udde aonggollu Ruata lai, mallal᷊u'addi ite apan sambau.

YESAYA 1:9

Unnuwisara Mawu Apan Lembontaṛṛino, tawe mandalukka manga pira taumata hunan kite, i ite lai nasuete abbi, ere Sodom wuṛṛu Gomora.

YESAYA 14:3

Mawu sarun mamallossu taumatan Israel wuassu atataddu'a wuṛṛu asasusane, wuṛṛu wuassu manara mawakkatta apan iwabbata'a si tou.

YESAYA 56:5

ne arannu sarun naunganna sulal᷊ummu Wal᷊e-U wuṛṛu suwallattu pabbawala-U. Udde mappianne wuassu uatahuanna manga ana'a esakka wuṛṛu wawine. I yamiu Ta'u onggol᷊annu aranna tawe auddusanne apan tawe abbul᷊iananna.”

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 6:13

Ewe'e amungkangngu suwallattu siri mapul᷊ong katou ta'e pia sangkatou apan uatana'a su wanua udde, i tou lai sarun pateanna. Arawe ere alu nunu'a amungkangngu tuwanganna ta'e pia tuidde, aroddi lai ta'e pia lambene pabbawalaga udde apan maola'a panattaṛṛannu umatta apan na'ukkassa.”

YEREMIA 42:2

ringangku wuṛṛu nabbisara, “Papa, ere lai aellehenni Papa sassane, i yami indi dorone manambo, orassa indi ete addio'a. I yami sumal᷊ande si Papa umal᷊iomanni yami su Mawu Ruata apan sassubbanni Papa. Al᷊iomana'e i yami apan lambene indi,

YEREMIA 44:14

Wuassu taumatan Yehuda apan nallambe, apan inaite su Mesir matana'a poiaroddi, tawe saran sangkatou apan mal᷊iu ara'e mabbiakka. Tawe saran sangkatou wuassi mangitou sarun maawelengnga watukku Yehuda, salaiwe olangnge udde tumaniten ipaapulu mangitou. Atonna, taweddu maawelengnga tabbene'e manga pirang katou tumatal᷊angnga.”

YEHEZKIEL 14:22

Unnuwisara piaddu naatal᷊angnga wuṛṛu nanal᷊amatta manga anangne, ellehewe i mangitou napawe i mangitou rumanta ringannu. Pa'ellege ereapa al᷊al᷊eone i mangitou, ne i yamiu sarun maatutukka manungku naṛṛinote inolaang-Ku nakkuumannu Yerusalem.

HOSEA 6:2

Sulal᷊ummu darua ara'e tatallu su allone indi i tou sarun mapaapian kite, wuṛṛu i ite sarun mabbiakka sulal᷊ummu tilla'uppu Mawu.

HABAKUK 3:2

I ya'u naaringikka su ola'u inolaan-Nu, ne apendamma mal᷊angnganna namene naungku. Antimanna inolaanna wahewalla udde isule-Nu apia wuṛṛu iapal᷊iattang-Ngu sutempon kami indi. Ṛinone I'o umakkanni yami salaiwe naung-Ngu mal᷊oso.

ZEFANYA 3:12

Poiaroddi sarun Ta'u iwala mamanua sambau walahanna apan naungnge mawawo, apan mangngasakku tul᷊ungang-Ku. I mangitou wotongnge matana'a poiaroddi.

ZAKARIA 10:4

Wuassu wallatti mangitou sarun Ta'u pileanna tembonanne, piaṛṛa'a, wuṛṛu panglima tantara apan sarun mamarenta uma-U.”

ZAKARIA 8:12

I mangitou sarun mangasi'u wualanna ringannu paddarame. Manga punnu anggori mangitou sarun mabbua, leta'a sarun mangonggollu hessine, wuṛṛu uranna sarun mangansalla ringannu manambo-nambo. Al᷊awo'u al᷊amatta Ta'u iionggolla su manga taumata apan ta'e wiakka wuassu walahanna indi.

ZAKARIA 8:6

Olangnge udde aellehanna ere ola'u tawe masutta su ṛingirannu manga taumata apan ta'e mabbiakka wuassu walahanna indi, arawe udde atonna si Ya'u.

ROMA 9:27

Nabi Yesaya nabbisara ringannu maṛṛagissa su ola'u walahannu Israel, “Salaiwe reengannu walahannu Israel anambone ere anne su tahal᷊oangnga, tumba'u matul᷊ungnga apan masal᷊amatta;

SONDAPPA 3:12

Taumata apan naa'untunga, sarun Ta'u olaanna ere sambau diṛṛi sulal᷊ummu Wal᷊e Susi Ruata-U, wuṛṛu i tou sarun matana'a su tampa udde saran mal᷊annu-l᷊annu. Arannu Ruata-U, wuṛṛu arannu soan Ruata-U – eteudde Yerusalem wakku apan sarun umonto'a wuassu surga, wuassu Ruata-U – sarun Ta'u iwoṛṛeta su wadangu taumata udde. Wuṛṛu lai arang-Ku apan wakku sarun Ta'u iwoṛṛeta su waddange.

1 SAMUEL 14:27

Arawe i Yonatan wagga, manungku iamangnge buatte namansagu tumanangnge ringannu tatal᷊a udde, ana waugu udde i tou nangul᷊ukku ta'inne apan uaapidda si tou, wuṛṛu niusu'a su sal᷊akku pul᷊a, ana see nanganute pul᷊a udde wuṛṛu niinumpe. Wua'udde i tou naapendamma mal᷊uassa wuṛṛu matohasse.

1 SAMUEL 14:29

I Yonatan sinumimbakka, “Tumaniten dal᷊eo inolaannu iamangku udde su walahanni ite! Pa'ellege, wadangku orassa indi mappianne marau napawe i ya'u na'inumma pul᷊a addio'a.