EZRA 8:21 - WUKE SUSI WATTI'U AL᷊AL᷊USASSA

²¹ Ana see su wingngin Sal᷊ukku Ahawa udde i ya'u niumal᷊iata manungku sarangkanambone ṛinone mappuasa wuṛṛu uma'ukku'u watanganne su saruannu Ruata. I yami niumal᷊iomanna tadea'u Ruata mamiaṛṛa'i yami sulal᷊ummu amatanna udde, see mallu'adda si yami, manga ana'i yami, wuṛṛu al᷊awo'u darotongngi yami.

EZRA 8:21 Iomraidhean Croise

2 TAWARIKH 20:3

Yosafat nata'utte ana see i tou inumal᷊iomante naddorongnga tatantiro wuassu Mawu. Wua'udde i tou namarenta tadea'u lal᷊oṛṛon soa sarangkanambone mappuasa.

2 TAWARIKH 20:4

Wuassu suapan soa su Yehuda, taumata inaite watukku Yerusalem maiontolla su Mawu.

EZRA 8:15

Anambon ammul᷊anna udde ta'u niammulla su winggin sal᷊ukka apan mangelekka watukku soa Ahawa, ana see i yami naddasante poiaroddi al᷊annune tallu allo. Napawe ta'u niparikisanna, inauranna pia manga pira imam suwallatti mangitou, arawe tawe saran sangkatou wuassu ṛuanganni Lewi.

EZRA 8:31

Su allo mapul᷊o dua wul᷊anna paarorone i yami nanantangngu Sal᷊ukku Ahawa wuṛṛu inaite watukku Yerusalem. Sulal᷊ummu amatanna udde i yami lal᷊u'arannu Ruatan kami wuassu pangalo wuṛṛu aampangngu seetta.

NEHEMIA 9:1

Su allo darua pul᷊o appatta wul᷊anna udde lai, tumana'u Israel naammulla. I mangitou nappuasa tadea'u mapal᷊iatta'u sasassilla ana waugu manga rosan mangitou. I mangitou naṛṛaen batanganne wuassu anambon taumata raho. Naola'a tatiala massusa, i mangitou nalluṛṛen nasa karongnga wuṛṛu nanal᷊iawukku leta'a su pua. Wua'udde i mangitou dirumarisikka wuṛṛu nanga'u al᷊awo'u rosan mangitou wuṛṛu rosan al᷊amonan mangitou.

ESTER 4:16

“Ammul᷊a'e anambon taumatan Yahudi apan uatana'a su Susan tadea'u umal᷊iomangku. Imbaṛṛangnga umanna wuṛṛu ma'inumma al᷊annune tallu allo tallu ṛabbi. I ya'u sassane wuṛṛu manga maṛṛuala mangangimbe'u sarun mappuasa lai. Wua'udde i ya'u sumaruante ratu, salaiwe udde lumawangnga atoranna. Amungkangngu i ya'u ṛinone mate ana waugu udde, wala'e i ya'u mate!”

DARALO 137:1

Su winggin manga sal᷊ukku Babel i yami ua'ianna wuṛṛu lulluai napawe maananungnga Sion.

DARALO 5:8

Arawe ana waugu darangngu-Nu apan wahewalla, i ya'u wotongnge maasutta sulal᷊ummu Wal᷊en-Nu. I ya'u massubba watukku saruannu Wal᷊en-Nu apan susi, wuṛṛu massubba Si'o ringannu atonna-tonna.

DARALO 5:9

Oh Mawu, tumaniten manambo see'u! Ehettawe i ya'u tumuṛṛutta apulu-Nu, wuṛṛu patingiraawe lal᷊an-Nu apan sarun ta'u amatanna.

DARALO 8:2

Oh Mawu, Ruatan kami, taṛino-Nu tinumelenga su ahewallu runia! Awawantugu Mawu apan uaal᷊ungnga langitta

AMSAL 3:6

Pannaungke Mawu sulal᷊ummu al᷊awo'u manaranu, ne i Tou sarun mamiaṛṛangngu lal᷊annu pabbiaṛṛanna apan mapia.

YESAYA 30:21

Amungkangngu i yamiu sumewadda wuassu lal᷊anna, su liuddu sarun aringiṛṛanna tingik-Ke apan mabbisara, “Eteindi lal᷊anne; amatte su lal᷊anna indi.”

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

YESAYA 42:16

Pabbawala-U apan buta sarun Ta'u ehetanna umamattu lal᷊anna apan awagananni mangitou; I mangitou sarun Ta'u ipiaṛṛa'a su manga lal᷊anna apan awagananni mangitou. Ararandumma Ta'u olaanna semakka si mangitou, wuṛṛu lal᷊anna natatal᷊attada Ta'u iratakka. Eteudde apan Ta'u olaanna si mangitou, wuṛṛu sarun Ta'u manaranna.

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

YESAYA 58:3

Walahanna udde naiwal᷊o, “Apa hunane mappuasa amungkangngu Mawu tawe maasilo? Apa hunane i ite mattingkawawon batanganni ite amungkangngu i Tou tawe mappandumma?” Mawu nabbisara, “Atonna-tonna manungku tantal᷊anna i yamiu mappuasa, i yamiu maddea'a auntunganna sassane wuṛṛu mammoddo manga taumatan sewanu.

YESAYA 58:5

Napawe i yamiu mappuasa, i yamiu mannansara watangannu, i yamiu uaru'uttu puanu ere rongngan wal᷊abbuka. I yamiu mammilattu kaingnga karongnga wuṛṛu mannal᷊iawukku awu, see natiilla rosone. Eteudde apan isassaggon kami mappuasa? Sunannu i Ya'u mal᷊uassa su inolaanni yamiu udde?

YEREMIA 10:23

Mawu, i ya'u masingkatta tawe saran sangkatou apan maataṛṛino manantunnu nasimme ara'e mangul᷊inna lal᷊annu pabbiaṛṛanne.

YEREMIA 42:3

tadea'u Mawu Ruata mapal᷊iatta'a si yami watukku apa ṛinone i yami inai wuṛṛu apa apan ṛinone manaranni yami.”

DANIEL 9:3

Wua'udde i ya'u inumal᷊iomante ringannu atonna-tonna su Mawu Ruata, wuṛṛu sinumal᷊ande aakkan-Ne. I ya'u lai nappuasa wuṛṛu nalluṛṛen laubba karongnga see niuma'ianna su awu.

YOEL 1:14

Doloṛṛa'e umannu mappuasa, al᷊iata'e paammul᷊anna wahewalla! Pannotete manga piaṛṛa'a wuṛṛu matatimmade see lai anambon tumana'u Yehuda, tadea'u rumanta su Wal᷊en Duata, tadea'u sumal᷊ande maiontolla si Tou.

IMAMATTA 16:29

Manga atoranna indi ṛinone ipaatta saran mal᷊annu-l᷊annu. Su allo appul᷊one wul᷊anna appitune, taumatan Israel wuṛṛu taumata raho apan uatana'a su wallatti mangitou ṛinone mappuasa wuṛṛu imbaṛṛangnga mammanara, ana waugu allo indi allo apan lembon susi. Su allo udde ṛinone olaanna lal᷊aghu ipamaresi walahannu Israel wuassu al᷊awo'u rosan mangitou tadea'u i mangitou mawaresi.

IMAMATTA 23:29

Isai-sai umanna sambau anna su allo udde, tate mareengnga al᷊aṛṛana'u Ruata.

YUNUS 3:5

Tumana'u Niniwe mangngimanna tanatan Duata udde. Anambon tumanangnge nakkawessa tadea'u mappuasa, wuṛṛu anambon taumata, mawae timmadde ara'e lai dario'a, malluṛṛen nasa karongnga ipamasingkatta manungku i mangitou sinumassillu manga rosan mangitou.

YUNUS 3:7

I tou lai niumal᷊iatan tanata indi, “Parenta indi niapasabbangnga su Niniwe wuassu inaapuannu ratu wuṛṛu manga tembonanne; Anambon taumata, sapi, domba wuṛṛu winatangnga papadul᷊iananna waine imbaṛṛangnga umanna wuṛṛu ma'inumma.

REENGANNA 14:3

Ipa'ura Mawu nangapiddi ite watukku wanua udde? Tanne i ite mate sulal᷊ummu pangalo wuṛṛu manga awingngi ite see al᷊aṛṛana'i ite iasametti mangitou. Wal᷊inewe mappianne mabelengke su Mesir!”

REENGANNA 14:31

I yamiu buatte nabbisara manungku manga anangngu sarun sametanna. Arawe ete i mangitou apan sarun Ta'u iapidda watukku wanua apan ipaddiri udde, wuṛṛu wanua udde sarun maola'a leta'i mangitou.

WATTI'U MANGA RASUL 2:39

Ana waugu pa'airen Ruata udde maola'a wageangngu wuṛṛu papapulunnu see manga taumata apan uatana'a su tampa apan marau – eteudde anambon taumata apan niwagoannu Ruata rumanta ringanni Tou.”

MAL᷊AṚṚUUNGNGA 20:26

Ne walahannu Israel inaite apia watukku Betel wuṛṛu nilumuai su Mawu. Poiaroddi i mangitou tawe niumanna naddatingngu ṛabbi wuṛṛu nangonggolu sasamban paddarame see lai sasamba itattambunna su Mawu.

1 SAMUEL 7:6

Ana see i mangitou sarangkanambone naammulle su Mizpa. I mangitou nania ua'e ana see nilal᷊inna maola'a sambau sasamba su Mawu, see lai i mangitou nappuasa su al᷊o'engngu allo udde. I mangitou nabbisara, “Yami buatte na'ola'a rosa su saruannu Mawu.” (Su Mizpa udde i Samuel nanattakke nanginsue hatton pabbawawul᷊on taumatan Israel.)