EZRA 8:16 - WUKE SUSI WATTI'U AL᷊AL᷊USASSA

¹⁶ Ana see ta'u niwaggoanna siri sio suwallattu manga piaṛṛa'a, eteudde: Eliezer, Ariel, Semaya, Elnatan, Yarib, Elnatan, Natan, Zakharia, Mesulam wuṛṛu lai darua huru, eteudde Yoyarib wuṛṛu Elnatan.

EZRA 8:16 Iomraidhean Croise

1 MARARATU 3:11

wuṛṛu nabbisara si tou, “Ana waugu i'o maddorongnga asingkatta ipamarenta ringannu atatul᷊idda, wuṛṛu wal᷊ine uukka mal᷊oengnga ara'e paa'ala hunan batangannu sassane ara'e apapaten manga seennu,

1 TAWARIKH 26:14

I Selemya nawageangnga su ngara pasallanganna su samba'an ra'i. Zakharia anangnge, sidutu mangngonggolu tatantiro apan mapia naasomba tampa su ngara wahewalla samba'a sawannakka.

2 TAWARIKH 2:12

Dalo su Mawu Ruatan Israel, Nandiaddi langitta wuṛṛu runia! I tou nangonggolla si Daud sangkatou ana'a esakka apan lembon pia asingkatta wuṛṛu pande, apan orassa indi tantal᷊anna mattinsahadda mapararisikku Wal᷊en Mawu, wuṛṛu wal᷊en araratuanne.

EZRA 10:21

Wawosoanni Harim: Maaseya, Elia, Semaya, Yehiel wuṛṛu Uzia.

EZRA 8:15

Anambon ammul᷊anna udde ta'u niammulla su winggin sal᷊ukka apan mangelekka watukku soa Ahawa, ana see i yami naddasante poiaroddi al᷊annune tallu allo. Napawe ta'u niparikisanna, inauranna pia manga pira imam suwallatti mangitou, arawe tawe saran sangkatou wuassu ṛuanganni Lewi.

EZRA 8:17

Wua'udde i mangitou ta'u nirolokka maisasomban Ido, tembonannu tumana'a su Kasifya, ringannu darorongnga tadea'u Ido wuṛṛu hawene mammanara su Wal᷊en Mawu, mangirimma si yami manga taumata mangimbe su Wal᷊en Mawu.

EZRA 8:18

Ana waugu apapian naungngu Ruata, i mangitou nangirimma si yami Serebya, sangkatou Lewi apan pande wuassu wawosoanni Mahli. Suaddio'a lai ringanni tou nirumanta al᷊aṛṛana'a wuṛṛu manga tuṛṛangnge, anambone 18 su atoune.

AMSAL 2:6

Tumba'u Mawu apan mangonggollu asingkatta; ete wuassi Tou taumata maasomba apande wuṛṛu pasasunna.

AMSAL 20:5

Lal᷊oṛṛon naungngu taumata sasummandinge ere paṛṛihi apan mal᷊al᷊umma; tawe asiannu taumata apan tawe pasasunna.

AMSAL 28:2

Amungkangngu walahanna marosa, piaṛṛangnge ual᷊al᷊ol᷊ossa; amungkangngu piaṛṛangnge pande, walahanna sarun matatana'a wuṛṛu sidutu su lal᷊umanna'a.

DANIEL 2:21

Ete i Tou apan mannantunnu watianna wuṛṛu tempo, i Tou mannal᷊inggi wuṛṛu mannenegu tembonanne. Ete i Tou lai apan mangngonggollu asingkatta, see mangngonggollu pasasunna.

2 TIMOTIUS 2:7

Ṛingira'a wisara'u udde, ana waugu Mawu sarun mangonggolu ṛingidda si'o ipassunna sarangkanambone udde.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.