EZRA 7:23 - WUKE SUSI WATTI'U AL᷊AL᷊USASSA

²³ Pammanarate ringannu mapia sulal᷊ummu manaddia al᷊awo'u saranapa apan nirorongannu Ruata uataṛṛino su surga hunan Wal᷊en-Ne, tadea'u i Tou tawe masa'u si ya'u ara'e su manga taumata apan mamarenta mallol᷊ossa si ya'u.

EZRA 7:23 Iomraidhean Croise

EZRA 7:13

I ya'u namarenta manungku anambon imam, taumatan Lewi wuṛṛu taumatan Israel waine su ahewallu araratuangku, apan mappulu inai watukku Yerusalem, iwala inai ringannu Tuṛṛangnga.

EZRA 7:18

Sal᷊a'a wuṛṛu wul᷊awanna apan nallambe wotongnge ipaatti Tuṛṛangnga hunan hausannu Tuṛṛangnga wuṛṛu manga hawen Tuṛṛangnga, ere su ipaapulun Duatan Tuṛṛangnga.

EZRA 7:22

maddatingngu reenganna anambon indi: sal᷊a'a maddatingngu 3.400 kg, gandumma maddatingngu 10.000 kg, anggore maddatingngu 2.000 litere, lanan zaitun maddatingngu 2.000 litere, wuṛṛu haramma su anambon pappandumanna.

DARALO 119:4

I'o nangonggolu tita-Nu si yami, oh Mawu, tadea'u i yami mappaamattu udde ringannu matuṛutta.

SASABANGNGA 5:3

I Musa wuṛṛu i Harun nabbisara, “Ruatan taumatan Ibrani buatte naipasilon batangan-Ne si yami. Wala'awe yami inai su wadda'a araune tallu allo amatanna tadea'u mangonggolu sasamba su Mawu, Ruatang kami. Amungkangngu yami tawe mallaghun udde, yami sarun patean-Ne ringannu radda'a ara'e pangalo.”

YEREMIA 29:7

Pammanarate hunan lal᷊umanna'u manga soa su tampa i yamiu Ta'u niwuanga. Aal᷊iomante si Ya'u su hausannu manga soa udde, ana waugu amungkangngu manga soa udde su lal᷊ummanna'a, i yamiu lai su lal᷊umanna'a.

ZAKARIA 12:3

Arawe amungkangngu allo udde nia'omante, i Ya'u sarun ma'ola'a Yerusalem ere watu apan mawakkatta; al᷊awo'u walahanna apan maannamma mamengketta sarun maasomba silaka. Anambon balahanna su runia sarun maamulla mamangalo Yerusalem.