EZRA 7:16 - WUKE SUSI WATTI'U AL᷊AL᷊USASSA

¹⁶ Apira'e lai anambon wul᷊awanna wuṛṛu sal᷊a'a apan niammullu Tuṛṛangnga su ahewallu Babel wuṛṛu al᷊awo'u sasumbalan balahannu Israel see manga imammi mangitou su Wal᷊en Mawu Ruatan mangitou su Yerusalem.

EZRA 7:16 Iomraidhean Croise

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

1 TAWARIKH 29:6

Ne manga tembonannu amonanna, tembonannu ṛuanganna, manga piaṛṛa'u tantara ara'e perwira wuṛṛu mallal᷊u'adda darotongngu ratu nabbisara manungku i mangitou lai mappulu massumbala.

1 TAWARIKH 29:9

Tunanangnge nangonggolla ringannu naungnga mal᷊uassa su Mawu wuṛṛu i mangitou lullala'a ana waugu manambote aonggoli mangitou. I Ratu Daud lembon lullala'a lai.

2 TAWARIKH 31:14

Kore ana'i Yimna, sangkatou taumatan Lewi apan naola'a tembonannu mandariaga su Ngara Wahewallu Ra'i su Wal᷊en Mawu, tinantil᷊annu manara mannengkamma manga aonggola apan ia'onggola su Mawu ana see i tou lai nattahiate.

2 TAWARIKH 6:2

Orassa indi ta'u niapararisikka Si'o wal᷊en apan maṛṛamaga, maola'a tampa atatanaan-Nu saran mal᷊annu-l᷊annu.”

EZRA 1:4

Amungkangngu pia sangkatou uman-Ne su tampan pamamuanganna indi apan maddorongnga sumbala tadea'u wotongnge mapul᷊e, ne manga al᷊indonganne ṛinone massumbala. I mangitou ṛinone mangonggollu si tou sal᷊a'a wuṛṛu wul᷊awanna. Wal᷊unna su amatanna see manga winatangnga pallurananna, wuṛṛu lai manga sasamba hunan Wal᷊en Mawu su Yerusalem.”

EZRA 1:6

Anambon al᷊indonganni mangitou lai massumbala ringannu nangonggollu al᷊awo'u saranapa, erenai manga perkakassa sal᷊a'a wuṛṛu wul᷊awanna, wal᷊unna su amatanna, winatangnga pallurananna, darotongnga waine wuṛṛu manga sasamba hunan Wal᷊en Mawu.

DARALO 135:21

Paddalote Mawu su Sion, su Yerusalem tampa atatanaan-Ne. Paddalote Mawu!

2 KORINTUS 8:12

Amungkangngu i yamiu maapulu mangonggola, ne Ruata sarun manengkamma aonggolu udde pinangiananne wuassu apa apan pia si yamiu, wal᷊ine pinangiananne wuassu apa apan tawe si yamiu.

2 KORINTUS 9:7

Suapan taumata ṛinone mangonggola tumuṛṛuttu al᷊al᷊uassu naungnge. Arie i tou mangonggola ringannu uapapadua ara'e ipabbawata'a, ana waugu Ruata mandangngu taumata apan mangonggola ringannu naungnga mal᷊uassa.