EZRA 6:22 - WUKE SUSI WATTI'U AL᷊AL᷊USASSA

²² Pitu allo al᷊annune i mangitou ringannu lullala'a mallagu Ramean Roti Tawe Ragine. I mangitou lembon lulluassa ana waugu Mawu buatte na'ola'a ratun Asyur mapia naungnge si mangitou na'oman sara nassumbala si mangitou sulal᷊ummu manara napararisikku apia Wal᷊en Mawu, Ruatan Israel.

EZRA 6:22 Iomraidhean Croise

2 TAWARIKH 23:18

Ana see i Yoyada nandolokku manga imam wuṛṛu taumatan Lewi iapaatokku manara su Wal᷊en Mawu tumuṛṛuttu tahian manara apan buatte niatokki Ratu Daud. I mangitou ṛinone mangonggolu sasamba itattambunna su Mawu – uasul᷊ungngu manga titan Musa – ringannu ramea wuṛṛu manga aantari ere buatte niatokki Daud.

2 TAWARIKH 29:30

Ratu wuṛṛu matatimmadu wanua nandolokku manga taumatan Lewi niapaantari iaparalo Mawu eteudde manga daralo apan niaṛṛa'i Daud wuṛṛu Nabi Asaf. Anambon taumata mangngantari ringannu lulluassa lapiddu niumal᷊intudda massubba Ruata.

2 TAWARIKH 30:21

Pitu allo al᷊annune, ringannu tumaniten lulluassa manga taumata apan uaammula su Yerusalem nallaghun ramean Roti Tawe Ragine. Allo-allo manga taumatan Lewi wuṛṛu manga imam maddalo Mawu ringannu atonna-tonna.

2 TAWARIKH 33:11

Ana waugu udde Mawu naparantan manga tembonannu tantaran Asyur niapapangalo Yehuda. Manasye sinamettu aaitta, ana see nimantungnga wuṛṛu niapidda watukku Babel.

2 TAWARIKH 35:17

Pitu allo al᷊annune tumana'u Israel sarangkanambone apan nirumanta isudde mallaghu ramean Paskah wuṛṛu Roti Tawe Ragine.

EZRA 1:1

Su tonna paarorone sutempo i Kores uaparenta, ratun Persia, Mawu napaamattu apa apan buatte niwisara-Ne si Nabi Yeremia. Mawu nangal᷊oren naungngi Kores tadea'u mapasabbangngu sambau parenta apan iwasa su ahewallu araratuanne. Tingikke arendi:

EZRA 6:1

Napawe wua'udde wuassu parentan Ratu Darius, niola'a pananaṛṛassidda sulal᷊ummu buken araratuanna apan sasahipunanna su Babel.

EZRA 7:27

Ana see Ezra nabbisara, “Paddalote Mawu, Ruata apan sassubbannu iupungngu al᷊amonan kite! I Tou buatte nangal᷊oren naungngu ratu na'oman sara i tou nangonggollu sasumbala pina'ola'a Wal᷊en Mawu su Yerusalem.

NEHEMIA 13:6

Napawe olangnge udde nariaddi, i ya'u tawe baddi'a su Yerusalem, ana waugu su tonna tatallun pul᷊o dua pamamarentan Artahsasta, ratun Babel, i ya'u inaite watukku Babel, i ya'u nanu su Babel tadea'u mamasingkatta su ratu. Manga pira tempo wua'udde i ya'u niwala

AMSAL 16:7

Amungkangngu i'o maal᷊uassa naungngu Mawu, manga seennu olaanna hawe.

AMSAL 21:1

Uasul᷊ungngu ere Mawu nangatokku ua'en sal᷊ukka tadea'u mangelekka tumuṛṛuttu apulu-Ne, aroddi lai i Tou mangngehetta ṛingirannu ratu.

YEHEZKIEL 23:23

I ya'u sarun mangammulla wuṛṛu mangapidda ringannu anambon arangnguannu wuassu Babel, Pekod, Soa, Koa, Asyur, see lai manga taumatan Kaldea. Ta'u iapidda ringannu manga umbasanna maṛṛamaga apan pia pangkanne matanggakka, papunna, tembonanne wuṛṛu manga perwiran tantara uasa'e awal᷊o.

MATIUS 26:17

Su allo paarorone su Allo Wahewan Roti Tawe Ragine, manga mallal᷊aṛṛenggennu Mawu Yesus nirumanta ringanni Tou. I mangitou naiwal᷊o, “Suapa tampane ipaapulun Iamangnga i yami manaddia annu Paskah Iamangnga?”

YOHANES 19:11

Mawu Yesus sinumimbakka, “Amungkangngu Ruata tawe mangonggolu taṛṛino udde si'o, i'o atonna-tonna tawe taṛṛino su riri-U. Ana waugu udde taumata apan nanantillu riri-U si'o, magewal᷊anna rosane wuassu rosanu.”