EZRA 5:8 - WUKE SUSI WATTI'U AL᷊AL᷊USASSA

⁸ Daronganna i Tuangnga masingkatta, manungku i yami buatte wuassu propinsi Yehuda wuṛṛu naasilo manungku Wal᷊en Mawu, Ruata Apan Wahewalla, tantal᷊anna a'olaanna apia ringannu manga watu wahewalla wuṛṛu manga darandungnga apan nilapisannu alu. Manara udde niola'a ringannu maaddunna wuṛṛu mauukka see manarane malihakka.

EZRA 5:8 Iomraidhean Croise

EZRA 2:1

Manambo wuassu wallattu manga taumata niwuangnga nanantangngu leta'u Babel ana see nabbelengke watukku Yerusalem wuṛṛu Yehuda, sangkataou-sangkatou watukku soane sassane. I mangitou buatte nabbiakka sulal᷊ummu pamamuanganna su Babel ro'en i mangitou niṛṛootti Ratu Nebukadnezar.

EZRA 5:7

“Su saruanni Ratu Darius. Antimanna i Tuangnga mamarenta ringannu mal᷊angnganna!

EZRA 5:9

Wua'udde i yami naiwal᷊o su manga piaṛṛa'u walahanna udde, isai apan buatte nandolokki mangitou mapararisikku apia Wal᷊en Patataṛṛamawuanna udde wuṛṛu manuungnga.

EZRA 6:10

Amata'e sarangkanambone udde tadea'u i mangitou wotongnge mangonggollu sasamba apan maal᷊uassa naungngu Ruata uataṛṛino su surga, wuṛṛu tadea'u i mangitou sumal᷊ande al᷊amatta apan hunane si ya'u wuṛṛu su manga ana'u.

EZRA 6:4

Manga darandungnge ṛinone iapararisikka ere manansunna indi: su wowon suapan tatallu lapissa watu ṛinone iaddo sanlapissa alu. Bawaekke sarun waeṛṛannu roittu araratuanna.

EZRA 7:23

Pammanarate ringannu mapia sulal᷊ummu manaddia al᷊awo'u saranapa apan nirorongannu Ruata uataṛṛino su surga hunan Wal᷊en-Ne, tadea'u i Tou tawe masa'u si ya'u ara'e su manga taumata apan mamarenta mallol᷊ossa si ya'u.

NEHEMIA 11:3

Su manga soa waine, tumana'u Israel, manga imam, manga taumatan Lewi, manga mamanara Wal᷊en Mawu, wuṛṛu papapulunni mangangimben Salomo uatana'a su leta'a pussa'an mangitou wuṛṛu su manga soan mangitou sassane.

NEHEMIA 7:6

Manambo suwallattu manga taumata apan niwuangnga nanantangngu propinsi Babel wuṛṛu nabbelengnga watukku Yerusalem wuṛṛu Yehuda, sangkatou-sangkatou watukku soane sassane. I mangitou mal᷊annute mabbiakka sulal᷊ummu pamamuanganna su Babel, ro'en i mangitou niṛṛootti Ratu Nebukadnezar naola'a taumata niatawanna.

ESTER 1:1

Su Susan, inangngu soan Persia, Ahasyweros namarenta naola'a ratu. Araratuanne eteudde wuassu 127 propinsi, nanattakka wuassu India naddatingngu Sudan.

ESTER 1:22

I tou nangirimmu suratta su anambon propinsin araratuanna, sulal᷊ummu sasinaukka wuṛṛu woṛṛettu propinsi udde sambau-sambau. Parenta udde tingikke manungku sulal᷊ummu suapan amonanna, ete esakka apan ṛinone maola'a tembonanne, wuṛṛu sarun wotongnge manganu al᷊awo'u iaappuanne.

DARALO 145:3

Ana waugu Mawu mawantuga wuṛṛu lembon raddaloanna, awawantu-Ge tawe asaṛṛasiranna.

DANIEL 2:47

Ratu nabbisara, “Attonna, Daniel, Ruatanu udde ahewal᷊anne suwallattu al᷊awo'u Ruata. I tou uddewe utaṛṛino al᷊awo'u ratu, wuṛṛu manani'attu al᷊awo'u addapingnga. I ya'u masingkattu olangnge udde ana waugu i'o buatte nanala'an atappasannu addapingnga indi.”

DANIEL 3:26

Wua'udde i Nebukadnezar nangudanin ngaran pandu'a udde wuṛṛu nabbisara, “Sadrakh, Mesakh wuṛṛu Abednego, manga allangngu Ruata Apan Atanggaṛṛanne! Sabbangke wuassu pandu'a udde!” Ne i mangitou sinumabbangke.

DANIEL 4:2

I ya'u mappulu mabbatti'u ola'u al᷊aṛṛindu'a wuṛṛu tiala maatiangnga apan buatte niola'u Ruata Apan atanggaṛṛanne si ya'u.

DANIEL 6:26

Wua'udde Ratu Darius nangirimmu suratta su manga taumata suassu al᷊awo'u walahanna, ṛuangannu walahanna wuṛṛu wahasa su ahewallu runia, “Tabbean paddarame!

TAHIUL᷊E 10:17

Mawu Ruatanu roso su wowon al᷊awo'u Mawu wuṛṛu nilumebbe wuassu al᷊awo'u taṛṛino. I Tou Mawu Ruata mawantuga wuṛṛu mataṛṛino apan ṛinone subbanna. I Tou tawe mangempe wuṛṛu tawe lai manengkamma aonggola sasal᷊o'a.

TAHIUL᷊E 32:31

Seettu Israel masingkatta manungku mallal᷊u'addi mangitou tawe ere Ruata mallu'addu Israel.