EZRA 5:12 - WUKE SUSI WATTI'U AL᷊AL᷊USASSA

¹² Arawe ana waugu manga al᷊amonan kami buatte napaasabbangngu asasa'un Duata uataṛṛino surga, ne i Tou namantilli mangitou su taṛṛinon Nebukadnezar, ratun Babel wuassu papapulunnu Kasdim. I Tou nakkimunsa'a Wal᷊en udde wuṛṛu naṛṛootta walahanni yami watukku Babel.

EZRA 5:12 Iomraidhean Croise

2 MARARATU 24:2

Mawu nandolokku manga tantaran walahannu Babel, Siria, Moab wuṛṛu Amon niaparo'appa si Yoyakim wuṛṛu niapaṛṛimunsa'a Yehuda nassul᷊ungu ere buatte nipasingkatu Mawu su manga nabi allang-Nge.

2 MARARATU 25:1

Wua'udde i Zedekia namangalote si Nebukadnezar ratun Babel. Ana waugu i Nebukadnezar ringannu anambon tantarane nirumanta wuṛṛu namangalo Yerusalem su allo appul᷊one wul᷊anna appul᷊one sulal᷊ummu tonna assione su tempo i Zedekia uaparenta. I mangitou napararisikku wal᷊en tantara su liuddu soa, napararisikku tanda'a watu pamangaloanna,

2 TAWARIKH 36:20

Tumanangnge apan ta'e wiakka niapidde watukku Babel. Poiaroddi i mangitou nabbal᷊i allangnge wuṛṛu allangngu papapulunne naddatingngu tempon araratuannu Persia mamarenta.

DARALO 106:40

Ana see asasa'un Mawu niṛṛumenggampe si mangitou, i Tou nuallu pussa'a-Ne sassane.

YESAYA 47:6

Dorone i Ya'u massa'u uma-U, i mangitou tate lai Ta'u ireengnga pussa'a-U. Wua'udde i mangitou Ta'u nitantilla si yamiu, wuṛṛu i'o tawe umakkanni mangitou, ewe'e lai matatatimmadde niallangngu ringannu maṛṛagissa.

YEREMIA 5:29

Arawe, i Ya'u, Mawu, sarun makkuumanni mangitou ana waugu sarangkanambone udde; i Ya'u sarun mabbal᷊issa manga inolaannu walahanna indi.

YEREMIA 51:59

Mandariaga si Ratu Zedekia eteudde i Seraya ana'i Neria pulunni Mahseya. Su tonna aiappanne i Zedekia naola'a ratun Yehuda, i Seraya tinumantalongnga si Zedekia watukku Babel. Ne i ya'u nangonggolla si tou sambau manara.

YEREMIA 52:12

Su allo appul᷊one wul᷊anna al᷊imane sulal᷊ummu tonna mapul᷊o si'o i Nebukadnezar ratun Babel uaparenta, nirumantate su Yerusalem sangkatou aranne i Nebuzaradan. I tou udde mananantiro wuṛṛu tembonannu mandariaga Nebukadnezar.

DANIEL 9:5

I yami narosate, i yami buatte na'ola'a alaleo, wuṛṛu na'ola'a pasasal᷊a. I yami buatte namangalo wuṛṛu nilumawangnga parenta-Nu see sinumewadda wuassu manga atoran-Nu.

TAHIUL᷊E 31:17

Amungkangngu udde mariaddi, i Ya'u sarun masa'u nipangillembo su saruanni mangitou. I mangitou sarun Ta'u itantangnga wuṛṛu Ta'u pateanna. Manambo asasusa apan masaddata maṛṛia'a si mangitou, ana see i mangitou maatutukka manungku sarangkanambone udde nariaddi ana waugu i Ya'u, Ruatan mangitou, tate lai ual᷊u'adda si mangitou.

TAHIUL᷊E 32:30

Ereapa wotongnge sangkatou ma'aenggenna saṛṛiwu su atoune, wuṛṛu ruan katou maaola'a mapul᷊o ṛiwu su atoune tumal᷊angnga? Mawu, Ruata mangitou, buatte nabbal᷊u'i mangitou; i mangitou tinantangken Duata apan matohassa.

MAL᷊AṚṚUUNGNGA 4:2

Ne Mawu namalan mangitou niwaddon Yabin, ratun Kanaan apan uatana'a su soan Hazor. Tembonannu tantaran pangalone eteudde i Sisera apan uatana'a su Haroset-Hagoyim.

MAL᷊AṚṚUUNGNGA 6:1

Paassa lai walahannu Israel na'ola'a rosa su Mawu, na'oman sara i Tou namalan walahannu Midian namarenta si mangitou pitu tonna al᷊annune.