EZRA 4:4 - WUKE SUSI WATTI'U AL᷊AL᷊USASSA

⁴ Wua'udde tumanangnge apan mal᷊annute uatana'a su wanua udde mannattakke mangngaddio'a ikkattu taumatan Yahudi see mammata'utta si mangitou tadea'u manara udde iillolo.

EZRA 4:4 Iomraidhean Croise

2 SAMUEL 4:1

Papapulunni Saul apan baine eteudde i Mefiboset, ana'i Yonatan. I tou peṛṛo ro'en uukke ta'e lima tonna, eteudde sutempo i Saul wuṛṛu i Yonatan nate. Ana waugu sutempo watti'u papaten tarua nirumanta wuassu soan Yizreel, inangnga mandariaga si Mefiboset nanal᷊uru ana'a udde ana see tinumal᷊angnga; arawe ana waugu wawine udde uasasaṛṛawutta, ana'a udde nanawi na'oman sara niumento. Napawe i Isyboset parinsinni Saul naaringikka manungku i Abner buatte nipate su Hebron, ikkanne nawul᷊ite, wuṛṛu anambon walahannu Israel nabbal᷊i matta'utta. I Isyboset pia ruan katou piaṛṛa'u tantara apan naola'a tembonanne inai mapapangalo; sangkatou aranne i Baana, sangkatou lai aranne i Rekhab. Itarua ana'i Rimon, wuassu Beerot ruanganni Benyamin. (Beerot nasutta wageangngu leta'i Benyamin. Tumanangnge tutune nassal᷊iute watukku Gitaim wuṛṛu namanuate poiaroddi.)

EZRA 3:3

Salaiwe i mangitou matta'uttu tumana'u wanua udde, arwe i mangitou na'ola'a lai mezbah udde su tampane paarorone. Ana i mangitou mannattakke nangonggollu sasamba itattambunna apia, sutempo rua allo wuṛṛu wawallo.

EZRA 4:5

I mangitou nanorokka manga tembonannu pamarentan Persia tadea'u manal᷊are hol᷊agu taumatan Yahudi udde. Olangnge udde sidutu iapaamatta ro'en i Ratu Kores uaparenta naddatingngu pamamarentan Ratu Darius.

NEHEMIA 4:11

Tantal᷊anna udde seetti yami manggol᷊aga mamangalo si yami ringannu mamaṛṛindu'a, ana see mamate si yami tadea'u manaran kami mattaalla.

NEHEMIA 4:2

Su saruannu manga hawene wuṛṛu tantaran Samaria, i tou nabbisara, “Apa apan tantal᷊anna mammanarannu taumatan Yahudi silaka apan tawe maal᷊ore udde? Apa i mangitou mappulu mapararisikku soa indi apia? Sunnan mangitou manara udde wotongnge masue sulal᷊ummu allo massallo, tumba'u ringannu mangngonggollu sasamba? Apa ombon sapadda apan nepodde udde wotongnge olaanni mangitou manga watun darandungnga?”

NEHEMIA 6:9

I mangitou maananamma mammata'utta si yami tadea'u i yami mangillol᷊o manara udde. I ya'u niumal᷊iomanna, “Oh Ruata, tohassawe i ya'u!”

YEREMIA 38:4

Ne inaite manga tembonanne udde ringannu ratu wuṛṛu nabbisara, “Taumata indi ṛinone iṛṛuumanna pateanna. Ana waugu, ringannu nabbisara aroddi i tou mangngaddio'a ikkattu anambon tantara wuṛṛu taumata waine apan ta'e uatana'a su soa indi. I tou tawe mantul᷊ungnga tumanangnge, ewe'e lai manilaka si mangitou.”

DANIEL 10:13

Mala'ekatta mallal᷊u'adda araratuannu Persia nando'appa si ya'u al᷊annune daruan pul᷊o assa su allone. Wua'udde Mikhael, sangkatou suwallattu manga piaṛṛa'u mala'ekatta, nirumanta nangontolla si ya'u. I tou ta'u nitantangnga poiaroddi, su Persia.

DANIEL 10:20

Wua'udde i tou sinumimbakka, “Masingkattawe i'o anio i ya'u nirumata ringannu? Pandumanne eteudde tadea'u mamasingkatta si'o apa apan uaweṛṛetta sulal᷊ummu Buken Atatul᷊idda. Orassa indi i ya'u ṛinone mabbelengnga inai mapapangalo mala'ekatta mallal᷊u'adda Persia. Wua'udde mala'ekatta mallal᷊u'adda Persia. Wua'udde mala'ekatta mallal᷊u'adda Yunani sarun dumanta. Taweddu mangontolla si ya'u tumba'u Mikhael, mala'ekatta mallal᷊u'adda Israel, araratuannu.