EZRA 4:12 - WUKE SUSI WATTI'U AL᷊AL᷊USASSA

¹² Antimanna Tuangnga masingkatta, manungku taumatan Yahudi apan buatte nanantangngu manga wageangngu leta'a waine sulal᷊ummu araratuanni Tuangnga, orassa indi namanuate su Yerusalem wuṛṛu tantal᷊anna ma'ola'a apia soa apan dal᷊eo wuṛṛu apulune lullawangnga udde. I mangitou mannattakke mappararisikku apiamanga darandungnge wuṛṛu tate mal᷊annu lai manginsue manara udde.

EZRA 4:12 Iomraidhean Croise

2 MARARATU 18:20

Unnu pahinu tumba'u wisara wotongnge maahanti hol᷊aga wuṛṛu atatohassu tantara? Isai ipammunganu, na'oman sara i'o waṛṛani mando'appa Asyur?

2 MARARATU 24:1

Sutempo i Ratu Yoyakim uaparenta, i Nebukadnezar ratun Babel namangalo wuṛṛu namaddon Yehuda. Tallu tonna al᷊annune Yoyakim uasuṛṛubbawa si Nebukadnezar, arawe wua'udde i tou namangalo.

2 TAWARIKH 36:13

Ratu Nebukadnezar buatte namata'i Zedekia massalu ringannu arannu Ruata manungku i tou sarun matuṛṛutta si Nebukadnezar. Arawe wua'udde i Zedekia namangalo si Nebukadnezar. Zedekia mangke tawe mangimanna Mawu, Ruatan Israel. I tou maddiri manantangngu manga rosane wuṛṛu maddiri mabelengnga ringannu Mawu.

EZRA 4:11

Arendi tingikku suratta udde, “Su saruannu Ratu Artahsasta, wuṛṛu manga allangngi Tuangnga apan uatana'a su Efrat Waṛṛatta. Tabbea.

EZRA 4:15

tadea'u Tuangnga mandolokka manaṛṛassidda arannu manga al᷊amonan Tuangnga. Wuassu loṛṛone i Tuangnga sarun maasingkattu manungku so Yerusalem apulune lullawangnga wuṛṛu ro'en darone sidutu mandugi manga ratu wuṛṛu tembonannu propinsi. Tumanangnge sidutu masahadda ipiaṛṛa'a. Ana waugu udde soa udde buatte niṛṛimunsa'a.

EZRA 4:19

Ana see wuassu parenta'u buatte niola'a pananaṛṛassidda, wuṛṛu atonna niasingkatanna manungku ro'en al᷊amonane Yerusalem sidutu lullawangnga parentan manga ratu wuṛṛu manambo suwallattu tumanangnge udde mal᷊awangnga wuṛṛu maaola'a al᷊iba'ukka.

EZRA 5:3

Arawe Tatnai, gubernure propinsi Efrat Waṛṛatta, suadio'a ringanni Syetar-Boznai wuṛṛu manga hawen mangitou nasasaṛṛawutta nirumanta su Yerusalem wuṛṛu naiwal᷊o su manga taumatan Yahudi, “Isai nandolokki yamiu napararisikka wuṛṛu manuungngu Wal᷊en Patataṛṛamawuanna indi?”

EZRA 5:9

Wua'udde i yami naiwal᷊o su manga piaṛṛa'u walahanna udde, isai apan buatte nandolokki mangitou mapararisikku apia Wal᷊en Patataṛṛamawuanna udde wuṛṛu manuungnga.

NEHEMIA 1:3

I mangitou nabbatti'a manungku manga taumata wua niwuangnga apan buatte nabbelengnga watukku wanuane udde, orassa indi mabbiakka susa wuṛṛu lallobbosannu manga walahanna raho apan uatana'a maranine. See lai, manga darandungngu soa Yerusalem ta'e naṛṛimunsa'a uatal᷊eṛṛongnga wuṛṛu manga ngaran passallanganne taambe niola'a apia ro'en nisoṛṛobba sutempo nal᷊iu.

NEHEMIA 6:6

tingikke arendi: “Gesyem namasingkatta ringannu atonna su ola'u watti'a sulal᷊ummu manga walahanna su al᷊indonganna isindi, apan mabbisara manungku Tuṛṛangnga wuṛṛu anambon taumatan Yahudi manggol᷊agu pangalo, wuṛṛu ana waugu udde Tuṛṛangnga mangngapia darandungngu soa. I tou nabbisara lai manungku Tuṛṛangnga mappandumma manenegu watanganne maola'a ratun Yehuda,

ESTER 3:8

Ana see Haman nabbisara ratu, “Tuangnga, pia sambau walahanna maatiangnga apan uasal᷊iawukka su al᷊awo'u propinsin araratuanna indi. Adattu inanaramanne uapapaṛṛala atonna ringannu manga walahanna waine. Tuangnga imbaṛṛangnga mamalan mangitou ma'ola'a walate apulun naungnge.

YEREMIA 52:3

Mawu mangke nasa'u su tumana'u Yerusalem wuṛṛu taumatan Yehuda na'oman sara i Tou nallimbuakka si mangitou wuṛṛu tate mandiaga si mangitou lai. I Zedekia nilumawangnga si Nebukadnezar ratun Babel,

DANIEL 3:8

Manga pira taumatan Babel nappaattu tempone udde ipanilaka taumatan Yahudi.

DANIEL 9:25

Woṛṛeta'e wuṛṛu sunnaite indi: Pitu ikalin pitun pulo su tonnane sarun masue, manattakka wuassu tempone niapasabbangnga parenta ipabbangunna apia Yerusalem, maddatingngu darantan sangkatou piaṛṛa'a nipilen Duata. Su al᷊annunne pitu ikali annummu pulo dua su tonnanne manga lal᷊anna wuṛṛu manga tanda'a watun Yerusalem sarun iaparisikka apia, arawe tempo udde napenen asasusa.

LUKAS 13:34

Yerusalem, Yerusalem! Manga nabi suete nipatenu! Manga ralol᷊oṛṛannu Ruata suete tinuntungannu watu na'oman sara nate! Paapirate i ya'u ma'apulu mangammullu anambon tumana'u soa indi ere inangngu manu'a mangooppa manga anangnge sulal᷊ummu papaidde, arawe i'o maddiri!

WATTI'U MANGA RASUL 24:5

Niasombanganni yami taumata indi mangangal᷊iba'ukka apan maasilaka. Su al᷊awo'u tampa i tou ma'ola'a hio su wallattu manga taumatan Yahudi wuṛṛu i tou naola'a piaṛṛa'u pandumannu manga taumata Nazaret.

1 TESALONIKA 5:22

Pangindauten al᷊awo'u hatin al᷊al᷊eo.