EZRA 3:1 - WUKE SUSI WATTI'U AL᷊AL᷊USASSA

¹ Su wul᷊anna appitune, manga taumatan Israel namanuate su soane sambau-sambau. Su allo paarorone wul᷊anna udde i mangitou nammulla su Yerusalem,

EZRA 3:1 Iomraidhean Croise

NEHEMIA 7:73

Manga imam, manga taumatan Lewi, manga mandariagga sasuttanna su Wal᷊en Mawu, manga mangangantari, manambo wuassu tumanangnge wiasa, manga mamanara su Wal᷊en Mawu, aunne anambon tumana'u Israel, namanuate su manga soa wuṛṛu manga ampungnga su Yehuda.

NEHEMIA 8:1

Su wul᷊anna appitune taumatan Israel namanuate su soane sambau-sambau. Su allo paarorone wul᷊anna udde i mangitou sarangkanambone naammulla su Yerusalem, su rallakka su saruannu Ngara Wahewallu Ua'e. I mangitou maddorongnga tadea Buke Tita al᷊apanni Imam Ezra, sangkatou mapapande sulal᷊ummu Tita apan nionggollu Mawu su Israel wuassi Musa.

NEHEMIA 8:14

I mangitou naasangkalla sulal᷊ummu Tita apan nionggollu Mawu si Musa, Mawu nandolokku umattu Israel matana'a sulal᷊ummu manga rasanna addio'a su al᷊annune andeangngu Rasannu Roangnga.

IMAMATTA 16:29

Manga atoranna indi ṛinone ipaatta saran mal᷊annu-l᷊annu. Su allo appul᷊one wul᷊anna appitune, taumatan Israel wuṛṛu taumata raho apan uatana'a su wallatti mangitou ṛinone mappuasa wuṛṛu imbaṛṛangnga mammanara, ana waugu allo indi allo apan lembon susi. Su allo udde ṛinone olaanna lal᷊aghu ipamaresi walahannu Israel wuassu al᷊awo'u rosan mangitou tadea'u i mangitou mawaresi.

ZEFANYA 3:9

Arawe wua'udde i Ya'u sarun mamal᷊u naungngu manga walahanna udde, na'oman sara i mangitou tumba'u u'al᷊iomanna si Ya'u, wuṛṛu tawe su manga monganna waine. Manga walahanna udde sarangkanambone sarun tumuṛṛutta si Ya'u.

WATTI'U MANGA RASUL 2:46

Miallo-miallo i mangitou sidutu uaammulla su Wal᷊e Mawu; lapiddu u'anna suadio'a, ringannu lulluassa wuṛṛu masaṛṛionto'a su manga wal᷊e mangitou.

WATTI'U MANGA RASUL 4:32

Anambon taumata apan mangngimanna udde mabbiakka ringannu naungnga wuṛṛu apendamma sambau. Tawe saran sangkatou wuassi mangitou mammendamma manungku apa tatahuananne udde darotongnge sassane. Al᷊awo'u apa si mangitou, ipappaatti mangitou su sambau.

1 KORINTUS 1:10

Manga tuṛṛangnga! Sulal᷊ummu arannu Mawun kite Yesus Kristus, i ya'u sumal᷊ande tadea'u i yamiu sarangkanambone massampinunutanna; tadea'u arie pia paaul᷊a'ukka su wallatti yamiu.

TAHIUL᷊E 16:16

Anambon esakku taumatan Israel rinone rumanta massubba Mawu Ruatanu su tampa apan buatte nipile-Ne paatallu santonna, eteudde su Allo Ramean Paskah, su Andeangngu Pangangitinga wuṛṛu Andeangngu Rasannu Rongnga. Suapan taumata ṛinone mangapiddu sasambane,

MAL᷊AṚṚUUNGNGA 20:1

Ne nirumantate walahannu Israel sarangkanambone wuassu Dan su samba'an sawannakka naddatingngu Bersyeba su timukka, wuṛṛu Gilead su ra'i, su ipangitu'a wawago udde. I mangitou na'ammula wuṛṛu naaukka su Mizpa su saruannu Mawu.