EZRA 10:8 - WUKE SUSI WATTI'U AL᷊AL᷊USASSA

⁸ Isai-sai apan tawe nirumanta sulal᷊ummu tallu allo, sarun anuanna anambon darotongnge wuṛṛu i tou tate lai iwal᷊i su reengannu tumanangnge. Wasiat udde niwartandannu manga piaṛṛa'u tumana'a.

EZRA 10:8 Iomraidhean Croise

EZRA 10:7

Wua'udde nial᷊iata sambau watti'a su ahewallu Yerusalem wuṛṛu Yehuda su anambon taumata napul᷊ete wuassu pamamuanganna, tadea'u maamulla su Yerusalem.

EZRA 10:9

Napawe tallu allo nal᷊iudde, su allo daruan pul᷊o wul᷊anna assione, anambon taumata esakka apan uatana'a su wageangngu leta'a Yehuda wuṛṛu Benyamin nirumanta watukku Yerusalem wuṛṛu naammulla su rallakku Wal᷊en Mawu. Sutempo udde uranna nangansalla ringannu masassagga. Awadaalla mangngiladdu asasunge hatin banua wuṛṛu ana waugu ammul᷊anna udde tumaniten mahuna.

EZRA 7:26

Suapan taumata apan tawe tumuṛṛutta manga titan Duatan Tuṛṛangnga, ara'e manga titan araratuanna, ṛinone lapiddu iṛṛuumanna pateanna, ara'e iramme, ara'e anuanna darotongnge, ara'e itaṛṛo su tattupanna.”

NEHEMIA 13:28

Yoyada uddewe ana'i Imam Bahewa Elyasib, arawe sangkatou wuassu ana'i Yoyada nabbal᷊i manambon Sanbalat wuassu soa Bet-Horon. Ana waugu udde Yoyada ta'u nilimbuaṛṛanna waussu Yerusalem.

NEHEMIA 13:3

Sutempo walahannu Israel naaringikka udde, i mangitou nattingkaṛṛae anambon taumata raho wuassu tumana'u Israel.

IMAMATTA 27:28

Tawe saran sangkatou apan wotongnge mabbal᷊u'a ara'e manubbussa apa apan buatte niṛṛae ringannu tawe taweddu maal᷊angnga su Mawu, mawae udde taumata, winatanga ara'e leta'a. Udde tatahuanannu Mawu saran mal᷊annu-l᷊annu.

MATIUS 18:17

Amungkangngu i tou tawe naddaringikka tatantiro manga taumata udde, wal᷊oa'a hatto udde su tangngan Jamaatta. Wuṛṛu panginsueanne, amungkangngu i tou madiri maddaringikka tatantiron Jamaatta, ellehete i tou ere sangkatou maddarorongnga wose wuṛṛu ere sangkatou apan tawe maaillal᷊a Ruata.”

YOHANES 16:2

I yamiu sarun iapaasabangnga wuassu manga wal᷊em pattataṛṛamawuanna. Wuṛṛu sarun a'omanna tempone manungku taumata apan mamate si yamiu massunna i tou massubba Ruata.

YOHANES 9:22

Inangnga iamangngu taumata udde sinumimbakka aroddi ana waugu i mangitou matta'uttu manga piaṛṛa'u Yahudi; ana waugu i mangitou na'irete, manungku taumata apan manga'u Mawu Yesus Ratum Punnu Sal᷊amatta, tate wotongnge sumutta su wal᷊em pattataṛṛamawuanna.

YOHANES 9:34

Sasimbakki mangitou, “Apa? I'o apan napenen rosa ro'e niariaddine, i'o ma'apulu mangngaṛṛa'a si yami?” Ne nanattakka orassa udde i tou isassingadde sumutta su wal᷊em pattataṛṛamawuanna.

YOSUA 6:19

Anambon saranapa sal᷊a'a, wul᷊awanna, witu'a wuṛṛu atta'a ṛinone iṛṛae ionggola su Mawu, wuṛṛu iaddo su tampa pangangadoannu pussa'a Mawu.”

MAL᷊AṚṚUUNGNGA 21:5

Wua'udde i mangitou namarikissa suwallatu manga walahannu Israel tanne piaddu inai na'ammula sinumaruanna Mawu su Mizpa dorone. (Sutempo udde i mangitou buatte nassalu manungku taumata apan tawe niumitu'a wawago watukku Mizpa ṛinone iṛuumanna pateanna.)

1 SAMUEL 11:7

Ringannu lembon nasa'u nanganu darua sapi ana see niṛṛata wuṛṛu nitattaddi tou nabbal᷊i manambo abbuwune. Wua'udde manga abbuwune udde niwuatta su ahewallu leta'u Israel ringannu parenta arendi, “Isai maddiri inai mapapangalo tumantalongnga si Saul wuṛṛu si Samuel, manga sapine sarun abbuwuanna arendi lai!” Walahannu Israel nata'utta su sarangakanambone apan a'olaannu Mawu, ne anambon taumata, tawe lallingnge, uasaddiate inai mapapangalo suadio'a.