EZRA 10:6 - WUKE SUSI WATTI'U AL᷊AL᷊USASSA

⁶ Napawe i mangitou nassalu, Ezra nanantangken saruannu Wal᷊en Mawu wuṛṛu sinumutta su tampa tatanaanni Yohanan ana'i Elyasib wuṛṛu nanaṛṛabbi isudde. I tou maddiri umanna ara'e ma'inumma ana waugu massusa maṛṛingiddu inolaannu manga taumata niwuangnga udde.

EZRA 10:6 Iomraidhean Croise

EZRA 10:1

Tantalanna Ezra u'al᷊iomanna lapiddu lulluai wuṛṛu mangnga'u rosa su saruannu Wal᷊en Mawu, manambo atonna taumatan Israel naammulla, mawae esakka, aroddi lai wawine wuṛṛu al᷊aṛṛana'a. I mangitou uapal᷊iwutta si tou lapiddu lulluai ma'ikka-ikkatta.

EZRA 10:7

Wua'udde nial᷊iata sambau watti'a su ahewallu Yerusalem wuṛṛu Yehuda su anambon taumata napul᷊ete wuassu pamamuanganna, tadea'u maamulla su Yerusalem.

EZRA 9:4

I ya'u sidutu ua'ianna aroddi naddatingngu orassu pangangonggollu sasamban bawallo. Wua'udde nirumantate manga taumata uapal᷊iwutta si ya'u. I mangitou matta'utta mannaungnga wawansaggu Ruatan Israel su saruannu rosan manga taumata apan buatte nabbelengnga wuassu pamamuanganna udde.

NEHEMIA 12:10

Ete indi akkittu papapulunni Imam Bahewa Yesua: i Yesua, i Yoyakim, i Elyasib, i Yoyada,

NEHEMIA 12:22

Aranna su ola'u tembonannu amonannu taumatan Lewi wuṛṛu amonannu imam buatte niwoṛṛetta sutempo manga Imam Bahewa manansunna indi: Elyasib, Yoyada, Yohanan wuṛṛu Yadua. Woṛṛetta udde nasue sutempo Darius uaparenta naola'a Persia.

NEHEMIA 13:28

Yoyada uddewe ana'i Imam Bahewa Elyasib, arawe sangkatou wuassu ana'i Yoyada nabbal᷊i manambon Sanbalat wuassu soa Bet-Horon. Ana waugu udde Yoyada ta'u nilimbuaṛṛanna waussu Yerusalem.

NEHEMIA 13:5

Elyasib nangonggolla si Tobia sambau wabbo'a wahewalla apan ṛinone nisaddia hunan panahipunanna sasamba gandumma, amania, manga mananalangnga musikka wuṛṛu mandariaga ngara wahewallu Wal᷊en Mawu.

NEHEMIA 3:1

Eteindi papasingkatta su ola'u ereapa darandungngu so Yerusalem niola'a apia. Imam Wahewalla Elyasib wuṛṛu manga hawene na'ola'a apia Ngara Wahewalla Domba, nandeettu manga pappallu ngara wuṛṛu niṛṛae humam Mawu. I mangitou nangapia wuṛṛu naṛṛaen darandungnga naddatingngu Candi Hananeel.

AYUB 23:12

Manga parentan Duata sidutu tattuṛṛutangku, apulu-Ne daringiṛṛangku, wuṛṛu wal᷊ine apulu'u sassane.

DARALO 102:4

Wia'u nawul᷊i naal᷊ihidda timbulla; manga duṛṛi'u naola'a ere waṛṛan putungnga.

SASABANGNGA 34:28

Appatu pul᷊o su allone appatu pul᷊o su ṛabbine i Musa uatana'a isudde suadio'a ringannu Mawu, wuṛṛu su al᷊annune udde i tou tawe umanna wuṛṛu tawe ma'inumma. Manga wisara pa'aire udde, eteudde Mapul᷊o Titan Duata, niwoṛṛetti su watu.

YESAYA 22:12

Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

DANIEL 9:3

Wua'udde i ya'u inumal᷊iomante ringannu atonna-tonna su Mawu Ruata, wuṛṛu sinumal᷊ande aakkan-Ne. I ya'u lai nappuasa wuṛṛu nalluṛṛen laubba karongnga see niuma'ianna su awu.

TAHIUL᷊E 9:18

Ana see paassa lai ya'u niumal᷊intudda su saruannu Mawu su puiddu wowone al᷊annune appatu pul᷊o su allone wuṛṛu appatu pul᷊o su ṛabbine, tawe umanna ara'e ma'inumma. Udde ta'u niola'a ana waugu i yamiu buatte na'ola'a rosa su saruannu Mawu ringannu na'ola'a al᷊al᷊eo, na'omana sara i Tou nasa'u.