EZRA 10:3 - WUKE SUSI WATTI'U AL᷊AL᷊USASSA

³ Wette i ite massalu su Ruata, manungku i ite sarun mallimbuakka anambon wawine udde suaddio'a ringannu manga anangnge. I yami sarun tumuṛṛutta al᷊awo'u tatantironu see tatantiron manga taumata waine apan mangngaddatta parentan Duata. I yami sarun tumuṛṛutta Titan Duata.

EZRA 10:3 Iomraidhean Croise

2 MARARATU 11:17

I Imam Yoyada nandolokki Ratu Yoas wuṛṛu tumanangnge niapaola'a pa'aire su Mawu manungku i mangitou maola'a al᷊aṛṛana'u Mawu. I tou lai nandolokku ratu niapoala'a pa'aire ringannu tumanangnge.

2 TAWARIKH 29:10

Orassa indi i ya'u maapulu ma'ola'a paaire ringannu Mawu Ruatan Israel, tadea'u i Tou tate masa'u lai si ite.

2 TAWARIKH 30:12

Su Yehuda lai Ruata nammanara wuṛṛu nangaukku naungngu tumanangnge tadea'u atonna-tonna tumuṛṛutta apulun Duata ringannu tuttuṛṛutta lai manga parentan datu wuṛṛu mamanaran araratuanne.

2 TAWARIKH 34:21

“I yamiu roote paiwal᷊o Mawu, su ola'u i ya'u wuṛṛu manga taumata apan ta'e uatana'a su Israel wuṛṛu Yehuda su ola'u lal᷊oṛṛon buke indi. Mawu nasa'u si ite ana waugu al᷊amonan kite tawe napaamattu manga parenta apan uawoṛṛetta sulal᷊umme.”

2 TAWARIKH 34:27

i'o sinumassilla wuṛṛu sinumallungngu watangannu su saruang-Ku. I Ya'u buatte namansaga sarun makkuumannu Yerusalem wuṛṛu tumanangnge, arawe napawe i'o naaringikka i Ya'u mammansaga, i'o nilumuai wuṛṛu nanggesa'a laungngu tatialan massusa. I Ya'u buatte naddaringikka aal᷊iomannu,

EZRA 10:11

Ana waugu udde, panga'ute rosanu su saruannu Mawu, Ruata sassubannu iupungngu al᷊amonan kite, wuṛṛu pa'ola'e pallalagu apan maal᷊uassa naung-Ne. Panginduaten taumata raho apan uatana'a su wanuan kite wuṛṛu limbuaṛṛete mangaawingngu wawine wuassu walahanna raho udde.”

EZRA 10:44

Anambon taumata udde naawingngu wawine walahannu raho. Ne manga awingnge udde nissindoanna wuṛṛu nilimbuaṛṛanna suaddio'a ringannu manga ana'i mangitou.

EZRA 10:9

Napawe tallu allo nal᷊iudde, su allo daruan pul᷊o wul᷊anna assione, anambon taumata esakka apan uatana'a su wageangngu leta'a Yehuda wuṛṛu Benyamin nirumanta watukku Yerusalem wuṛṛu naammulla su rallakku Wal᷊en Mawu. Sutempo udde uranna nangansalla ringannu masassagga. Awadaalla mangngiladdu asasunge hatin banua wuṛṛu ana waugu ammul᷊anna udde tumaniten mahuna.

EZRA 9:4

I ya'u sidutu ua'ianna aroddi naddatingngu orassu pangangonggollu sasamban bawallo. Wua'udde nirumantate manga taumata uapal᷊iwutta si ya'u. I mangitou matta'utta mannaungnga wawansaggu Ruatan Israel su saruannu rosan manga taumata apan buatte nabbelengnga wuassu pamamuanganna udde.

NEHEMIA 10:1

Taumata paarorone apan nabartanda eteudde Gubernure Nehemia ana'i Hakhalya. Wua'udde nanansunna Zedekia. Wua'udde manga taumata manansunna indi nabartanda lai:

NEHEMIA 8:14

I mangitou naasangkalla sulal᷊ummu Tita apan nionggollu Mawu si Musa, Mawu nandolokku umattu Israel matana'a sulal᷊ummu manga rasanna addio'a su al᷊annune andeangngu Rasannu Roangnga.

NEHEMIA 9:38

Pinangianannu al᷊awo'u arariaddianna udde, i yami tumana'u Israel na'ola'a paaire apan matohassa wuṛṛu uawoṛṛetta, ringannu nicappanna manga piaṛṛa'i yami, manga taumatan Lewi wuṛṛu sangkatou imammi yami.

DARALO 119:120

I ya'u mangngindo ana waugu matta'un-Nu, naungku mangiladda su saruannu raṛṛawen-Nu.

DARALO 119:59

I ya'u buatte naṛṛingiddu pallal᷊aghu'u, wuṛṛu maddiandi sarun tumuṛṛutta parenta-Nu.

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

YESAYA 8:20

Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

YEHEZKIEL 9:4

“Roote watukku al᷊awo'u pappi'uannu soa wuṛṛu tialaite pakkannu manga taumata apan uapendamma asiangnga wuṛṛu massusa ana waugu anambon inolaanna maarantinna apan niola'a su soa udde.”

TAHIUL᷊E 29:12

Mawu Ruatanu na'ola'a pa'aire ringanni yamiu, wuṛṛu i yamiu sarangkanambone uasemodda isindi nabaiddu pa'aire udde ana see nanengkamma manga manara apan ala'anna.

YOSUA 9:6

Ringannu olange aroddi i mangitou inaite naisasomban i Yosua su paddasananna su Gilgal ana see nabbisara si tou wuṛṛu su manga taumatan Israel, “Yami nirumanta wuassu wanua marau mappulu ma'ola'a pa'aire ringannu manga Tuangnga.”