EZRA 1:7 - WUKE SUSI WATTI'U AL᷊AL᷊USASSA

⁷ Kores napaasabbangngu manga mangko wuṛṛu cawanna apan dorone ipappaatta sulal᷊ummu Wal᷊en Mawu su Yerusalem. Manga saranapa udde buatte niṛṛootti Ratu Nebukadnezar wuṛṛu niaddo sulal᷊ummu kuillu manga monganne sassane.

EZRA 1:7 Iomraidhean Croise

2 MARARATU 24:13

Anambon saranapa wul᷊awanna apan niola'i Ratu Salomo su Wal᷊en Mawu, nihohakki Nebukadnezar. Ana see anambon saranapa maarega apan sasahipunanna su Wal᷊en Mawu wuṛṛu wal᷊en araratuanna niapidda watukku Babel. Sarangkanambone nariaddi nassul᷊ungu apa apan buatte niapasingkatu Mawu paarorone.

2 TAWARIKH 36:10

Su panggahanti tonna, i Ratu Nebukadnezar nangapidi Yoyakhin watukku Babel naola'a sangkatou taumata niatawanna, wuṛṛu manga saranapa maarega su Wal᷊en Mawu niapiddi tou lai. Wua'udde i Nebukadnezar namile si Zedekia, tuṛṛangngu iamangngu i Yoyakhin, naola'a ratu su Yehuda wuṛṛu Yerusalem.

2 TAWARIKH 36:18

Manga aola'u Wal᷊en Mawu wuṛṛu manga saranapane apan maarega, see lai paa'alan ratu wuṛṛu manga mamanaran araratuanne, sarangkanambone niaṛṛon ratun Babel udde ana see niapidda watukku Babel.

2 TAWARIKH 36:7

Sangkawageanganna manga saranapa apan maarega su Wal᷊en Mawu niapiddi Nebukadnezar wuṛṛu sinahipunna su wal᷊en araratuanne su Babel.

EZRA 5:14

Ewe'e niwelengnge lai manga saranapa wul᷊awanna wuṛṛu sal᷊a'a apan ipappaatta su Wal᷊en Mawu wuṛṛu apan buatte nianun Nebukadnezar wuassu Yerusalem ana see niaddo sulal᷊ummu kuilla su Babel. Manga saranapa udde nitantilli Ratu Kores su taumata aranne Sesbazar, apan buatte nitenege naola'a gubernuren Yehuda.

EZRA 6:5

Wuṛṛu lai manga saranapa wul᷊awanna wuṛṛu sal᷊a'a apan ipaatta su Wal᷊en Mawu wuṛṛu buatte nianun Ratu Nebukadnezar wuassu Yerusalem see niapidda watukku Babel, ṛinone isul᷊e apia su tampane paarorone.”

YEREMIA 51:44

Bel, mongannu wanua Babel, sarun Ta'u iṛṛuumanna. I tou sarun Ta'u olaanna mapawelengngu apa apan buatte niaṛṛone. Manga walahanna tate massubba si tou apia. Manga darandungngu Babel naṛṛaate.

DANIEL 1:2

Mawu namalan tou namaddon Ratu Yoyakim wuṛṛu nagaṛṛo sambageanganna wuassu manga saranapa apan marega su Wal᷊en Mawu. Manga taumata apan niatawanne, niapiddi tou watukku kuillu monganne su Babel, wuṛṛu manga saranapa maarega apan niaaṛṛone, nisahipunna sulal᷊ummu manga gudangngu kuilla udde.

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.