EZRA 1:1 - WUKE SUSI WATTI'U AL᷊AL᷊USASSA

¹ Su tonna paarorone sutempo i Kores uaparenta, ratun Persia, Mawu napaamattu apa apan buatte niwisara-Ne si Nabi Yeremia. Mawu nangal᷊oren naungngi Kores tadea'u mapasabbangngu sambau parenta apan iwasa su ahewallu araratuanne. Tingikke arendi:

EZRA 1:1 Iomraidhean Croise

EZRA 1:5

Wua'udde manga tembonannu bawosoanna wuassu ṛuanganni Yehuda wuṛṛu Benyamin, manga iman wuṛṛu manga taumatan Lewi, wuṛṛu suapan taumata apan naungnge nial᷊oren Duata, nandiahite inai mapul᷊e watukku Yerusalem wuṛṛu mapararisikku apia Wal᷊en Mawu.

EZRA 4:3

Arawe Zerubabel, Yesua wuṛṛu manga tembonannu wawosoanna sinumimbakka, “I yami tawe mappandumma sasumbala wuassi yamiu ipandarisikku Wal᷊en Mawu Ruatan kami. I yamite mapararisikka sassane ere su parentan Kores, ratun Persia, si yami.”

EZRA 6:14

Nisumbalannu manga nabi Hagai wuṛṛu Zakharia, manga piaṛṛa'u Yahudi nanassu bangunannu Wal᷊en Mawu udde. I mangitou mal᷊ihakka nanginsue bangunannu udde uasul᷊ungngu parentan Duatan Israel wuṛṛu parentan Kores, Darius wuṛṛu Artahsasta, manga ratun Persia udde.

EZRA 6:22

Pitu allo al᷊annune i mangitou ringannu lullala'a mallagu Ramean Roti Tawe Ragine. I mangitou lembon lulluassa ana waugu Mawu buatte na'ola'a ratun Asyur mapia naungnge si mangitou na'oman sara nassumbala si mangitou sulal᷊ummu manara napararisikku apia Wal᷊en Mawu, Ruatan Israel.

EZRA 6:3

“Su tonna paarorone sutempo i Ratu Kores uaparenta, i tou napaasabbangngu parenta tadea'u Wal᷊en Mawu su Yerusalem olaanna apia maola'a tampan taumata mangngapiddu sassamba wuṛṛu panambunannu sasamba. Atanggakku Wal᷊en udde ṛinone 27 metere wuṛṛu al᷊alakke 27 metere lai.

EZRA 7:27

Ana see Ezra nabbisara, “Paddalote Mawu, Ruata apan sassubbannu iupungngu al᷊amonan kite! I Tou buatte nangal᷊oren naungngu ratu na'oman sara i tou nangonggollu sasumbala pina'ola'a Wal᷊en Mawu su Yerusalem.

DARALO 106:46

I Tou na'ola'a si mangitou raddangnguannu anambon taumata apan nanawanna si mangitou.

AMSAL 21:1

Uasul᷊ungngu ere Mawu nangatokku ua'en sal᷊ukka tadea'u mangelekka tumuṛṛuttu apulu-Ne, aroddi lai i Tou mangngehetta ṛingirannu ratu.

YESAYA 44:28

Ete i Ya'u apan nabbisara si Kores, ‘Ete i'o apan mamarenta uma-U, wuṛṛu mapaamattu anambon apulu-Ku. Parentaite tadea'u Yerusalem olaanna apia, wuṛṛu Wal᷊en Mawu isarite rapappake.’ ”

YESAYA 45:1

Mawu buatte namile si Kores maola'a ratu; i tou nitebbo'a iapawaddo manga walahanna wuṛṛu ipamaddi taṛṛinon manga ratu. Mawu sarun mamu'a manga ngaran soa si tou, tawe saran sambau apan nallambe uaṛṛuudda. Ete si tou Mawu nabbisara,

YEREMIA 1:1

Buke indi lal᷊oṛṛoannu manga wisaran Yeremia ana'i Hilkia, sangkatou imam wuassu soa Anatot su wageangngu leta'i Benyamin.

YEREMIA 29:10

Mawu nabbisara, ‘Napawe nia'omante tempone pitun pul᷊o su tonnane su Babel, i Ya'u sarun ma'ellega si yamiu apia, wuṛṛu manipussa pa'aire-U mangapiddi yamiu mabelengnga apia su tampa indi.

YEHEZKIEL 38:5

Ratu tatantalongannu manga tantara wuassu Persia, Sudan wuṛṛu Libia, sambau-sambau uaapiddu hal᷊ele wuṛṛu araposa waja.

DANIEL 1:21

Daniel sidutu mammanara su wal᷊en arartuanna na'omam sara Ratu Koresh wuassu Persia namaddon Babel.

DANIEL 2:1

Su sambau ṛabbi darua su tonnane napawe Ratu Nebukadnezar mammarenta, i tou nabbal᷊iawa. Wal᷊iawane udde aroddi naasusa naungnge, na'oman sara i tou tate lai maatiilla.

DANIEL 6:25

Wua'udde ratu namarenta taumata tadea'u iapasametta manga taumata apan buatte mangalaen Daniel. Wua'udde i mangitou suadio'a ringannu manga anangnge wuṛṛu manga awingngi mangitou nitaṛṛo sulal᷊ummu liangngu singa udde. Taambe lai i mangitou na'oma su lal᷊ummu liangnga udde, manga singa udde buatte tinumambo si mangitou wuṛṛu naṛṛimunsa'a manga duṛṛin mangitou.

YOHANES 1:23

I Yohanes sinumimbakka, “Ete i ya'u apan niapaasingkatti Nabi Yesaya: ‘Taumata apan u'al᷊iata su wadda'a: Rataṛṛa'e lal᷊anna amatannu Mawu.’ ”