ESTER 9:4 - WUKE SUSI WATTI'U AL᷊AL᷊USASSA

⁴ Su ahewallu araratuanna taumata masingkatta manungku Mordekhai lembon pia taṛṛino su wal᷊en araratuanna wuṛṛu lembon uataṛṛino lai.

ESTER 9:4 Iomraidhean Croise

2 SAMUEL 3:1

Pangalo suwallattu mananamba'a amonanni Saul wuṛṛu mananamba'a si Daud sidutu tawe illol᷊one. I Daud mangke mattohassa, arawe ro'amme mangke mallome.

1 TAWARIKH 11:9

I Daud mallannu mattohassa, ana waugu Mawu Lembontaṛṛino nantul᷊ungngi tou.

1 TAWARIKH 14:17

Ne aranni Daud tinumelengke su al᷊awo'u tampa, ne Mawu na'ola'a anambon walahanna matta'utti Daud.

ESTER 10:2

Al᷊awo'u inolaanne apan wahewalla wuṛṛu maatiangnga, wuṛṛu lai manga watti'a nasuungnga su ereapa i tou nanenegi Mordekhai naola'a tembonanne, niwoṛṛetta sulal᷊ummu buken watti'u manga ratun Persia wuṛṛu Media.

DARALO 1:3

Taumata udde masomakka sulal᷊ummu al᷊awo'u pinitanne; i tou naal᷊ihidda aaluanna su winggin sal᷊ukka apan mabbua sutempone wuṛṛu ronganne tawe tumolangnga.

DARALO 18:43

I mangitou ta'u niṛṛimunsa'a naal᷊ihidda awu apan nassal᷊iawukka, wuṛṛu ta'u nisapu naal᷊ihidda labbo su lal᷊anna.

DARALO 92:13

Taumata matul᷊idda mattumballa ere alu kurma, wuṛṛu tumuwo masuwukka ere alu cemaran Libanon.

SASABANGNGA 11:3

Mawu na'ola'a taumata Mesir masaṛṛionto'a su taumatan Israel. Wuṛṛu i Musa nabbal᷊i taumatan apan a'adatannu manga mammamanaran araratuanna wuṛṛu anambon tumana'u Mesir.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

YESAYA 9:7

Mawu buatte nangema'u ṛuumanna su araratuannu Israel.

ZEFANYA 3:19

Tempone sarun dumanta manga allangngu Ta'u ṛimunsaanna, wuṛṛu taumata peṛṛo Ta'u iapasal᷊amatta; anambon taumata niwuangnga Ta'u ehetanna mapul᷊e. Aal᷊uandagi mangitou Ta'u wal᷊uanna mabbali aaddata; suapan tampa, ewe'e lai su ahewallu runia, i mangitou sarun wantuhanna wuṛṛu raloanna.

MATIUS 4:24

Watti'a su ola'u Mawu Yesus udde naddingikke su al᷊awo'u wanua su Siria, na'oman sara taumatanambo rudanta ringanni Tou. I mangitou uaapiddu manga taumata apan uatataṛṛangnga al᷊awo'u hatin radda'a wuṛṛu asasusa. Manga taumata apan niasuttannu ghaṛṛaho lal᷊eo, apan raddangnge pua, wuṛṛu lome, sarangkanambone udde niapaapia Mawu Yesus.

YOSUA 6:27

Mawu uaṛundinganna si Yosua, wuṛṛu aranni Yosua tinumelengke su ahewallu wanua udde.

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.