ESTER 9:29 - WUKE SUSI WATTI'U AL᷊AL᷊USASSA

²⁹ Wal᷊ine wua'udde lai, suaddio'a ringannu suratti Mordekhai, Wo'i Ester ana'i Abihail namoṛṛettu suratta aruane, apan mannohassa lal᷊oṛṛon suratti Mordekhai su ola'u Purim udde.

ESTER 9:29 Iomraidhean Croise

ESTER 2:15

Ne nia'omante hiliranni Ester inai sumaruanna ratu. – Ester uddewe ana'i Abihail tuṛṛangngi Mordekhai apan buatte nangampitta si tou maola'a anangnge sassane; Ester itattiangnga suapan taumata ma'ellega si tou. Sutempo i tou inaite sumaruanna ratu, Ester nappeddeta tumuṛṛuttu atokka wuṛṛu tatantiron Hegai, tembonannu wal᷊en araratuannu wawine.

ESTER 3:15

Manga daroloṛṛanna nasasaṛṛawutta nanguntuddu manga suratta udde su anambon propinsin araratuanna. Wuassu darolokku ratu, parenta udde nial᷊iata lai su Susan, inangngu soan Persia. Wua'udde ratu wuṛṛu Haman ua'iante lapiddu ma'inumma anggore, arawe soa Susan niṛṛumindu'a ana waugu watti'a udde.

ESTER 8:10

Manga suratta udde nibartandanni Mordekhai ringannu aranni Ratu Ahasyweros wuṛṛu nicappannu cappan araratuanna. Ana see Mordekhai nandolokku manga daroloṛṛanna manguntuddu manga suratta udde watukku manga propinsin araratuanna ringannu uasa'e manga awal᷊o pussa'an datu.

ESTER 9:20

Wua'udde Mordekhai namoṛṛettu al᷊awo'u arariaddianna udde wuṛṛu nangirimmu suratta su anambon taumatan Yahudi su ahewallu araratuannu Persia, mawae ingana'a marau, aroddi lai marani.

ESTER 9:21

Lal᷊oṛṛon suratta udde eteudde parenta mallaghu allo appul᷊one appatta wuṛṛu appul᷊one l᷊ima wul᷊anna Adar suapan tonna.

ESTER 9:28

Nitantunna lai manungku saran mal᷊annu-l᷊annu manga allon Purim udde sidutu nannaunganna wuṛṛu ilallaghun suapan amonannu Yahudi wuassu al᷊awo'u uukka sulal᷊ummu suapan propinsi wuṛṛu suapan soa.