ESTER 9:20 - WUKE SUSI WATTI'U AL᷊AL᷊USASSA

²⁰ Wua'udde Mordekhai namoṛṛettu al᷊awo'u arariaddianna udde wuṛṛu nangirimmu suratta su anambon taumatan Yahudi su ahewallu araratuannu Persia, mawae ingana'a marau, aroddi lai marani.

ESTER 9:20 Iomraidhean Croise

1 TAWARIKH 16:12

Ei papapulunni Yakub, allangngu Ruata! Ei papapulunnu Israel, walahanna apan nipile-Ne! Naungete anambon al᷊aṛṛindu'a apan niolang-Nge, imbaṛṛangnga abbul᷊iananna manga tita-Ne.

ESTER 1:1

Su Susan, inangngu soan Persia, Ahasyweros namarenta naola'a ratu. Araratuanne eteudde wuassu 127 propinsi, nanattakka wuassu India naddatingngu Sudan.

ESTER 1:22

I tou nangirimmu suratta su anambon propinsin araratuanna, sulal᷊ummu sasinaukka wuṛṛu woṛṛettu propinsi udde sambau-sambau. Parenta udde tingikke manungku sulal᷊ummu suapan amonanna, ete esakka apan ṛinone maola'a tembonanne, wuṛṛu sarun wotongnge manganu al᷊awo'u iaappuanne.

ESTER 3:12

Ne su allo appul᷊one tallu wul᷊anna paarorone, Haman namaggo manga mamamoṛṛettu ratu. I mangitou nirolokki tou niapawoṛṛettu suratta uasul᷊ungngu al᷊awo'u apa apan niparentane, ana see suratta udde nitappassa sulal᷊ummu anambon sasinaukka wuṛṛu nisal᷊inna su anambon woṛṛetta apan ipappaatta su araratuanna udde. Suratta udde niwoṛṛetta ringannu aranni Ratu Ahasyweros wuṛṛu nicappannu sinsingnge, ana see niiringnga ringannu mal᷊ihakka su manga tembonanne, gubernure wuṛṛu ahewal᷊anne su anambon propinsi. Lal᷊oṛṛone eteudde, gubernure wuṛṛu ahewal᷊anne su anambon propinsi. Lal᷊oṛṛone eteudde parenta manungku su allo appul᷊one tallu wul᷊anna Adar, anambon walahannu Yahudi, mawae timmadde aroddi lai dario'a, mawae wawine ara'e lai al᷊aṛṛana'a, ṛinane pateanna tawe ampungnge, wuṛṛu darotongngi mangitou aṛṛoanna.

ESTER 8:9

Su allo udde lai, eteudde su allo 23 wul᷊anna atallune, wul᷊anna Siwan, Mordekhai namaggo manga mamamoṛṛettu ratu wuṛṛu namarenta si mangitou mamoṛṛettu suratta su manga gubernure, manga bupati wuṛṛu manga tembonanne watukku 127 propinsi, wuassu India maddatingngu Sudan. Manga suratta udde niwoṛṛetta sulal᷊ummu sasinaukka wuṛṛu woṛṛettu manga propinsi udde sambau-sambau. I tou lai nangirimmu suratta udde su taumatan Yahudi sulal᷊ummu sasinaukka wuṛṛu woṛṛettu Yahudi.

ESTER 9:19

Ana waugu udde taumatan Yahudi apan uatana'a su manga soa maraddio'a mannaungnga allo appul᷊one appatta wul᷊anna Adar maola'a allon lal᷊ala'a, allo al᷊al᷊uassa lapiddu i mangitou uaa'onggollu hadiah erenai anna.

ESTER 9:21

Lal᷊oṛṛon suratta udde eteudde parenta mallaghu allo appul᷊one appatta wuṛṛu appul᷊one l᷊ima wul᷊anna Adar suapan tonna.

ESTER 9:26

Ana waugu udde manga allo wahewalla udde nisaggo Purim. Suratti Mordekhai wuṛṛu al᷊awo'a apan buatte niapendamannu taumatan Yahudi,

ESTER 9:27

pangillul᷊eanne i mangitou na'ola'a sambau atoranna su watanganni mangitou sassane, su papapulunnu mangitou wuṛṛu su anambon taumata apan sarun maola'a reengannu walahannu Yahudi. Tumuṛṛuttu atoranna udde suapan tonna i mangitou ṛinone mallaghun allo darua apan buatte nitantunni Mordekhai.

ESTER 9:29

Wal᷊ine wua'udde lai, suaddio'a ringannu suratti Mordekhai, Wo'i Ester ana'i Abihail namoṛṛettu suratta aruane, apan mannohassa lal᷊oṛṛon suratti Mordekhai su ola'u Purim udde.

SASABANGNGA 17:14

Mawu nabbisara si Musa, “Woṛṛeta'e ola'u auntunganni yamiu indi tadea'u sidutu nannaunganna. Wal᷊oa'a si Yosua manungku i Ya'u sarun mamate taumatan Amalek.”

YEREMIA 29:1

I ya'u namoṛṛettu suratta su manga imam, manga nabi, manga piaṛṛa'u walahanna apan ta'e wiakka, wuṛṛu su anambon taumata waine apan buatte niapiddi Nebukadnezar wuassu Yerusalem watukku Babel.