ESTER 9:13 - WUKE SUSI WATTI'U AL᷊AL᷊USASSA

¹³ Ester sinumibakka, “Amungkangngu Tuangnga mal᷊uassa, ṛinone taumatan Yahudi matana'a su Susan indi tiṛṛabbi marua allo iwala manul᷊e apia apa apan buatte niolangnge su allo indi. See lai, ṛinone winal᷊unannu manga ana'i Haman ihantongnga su manga diṛṛin panggantonganna.”

ESTER 9:13 Iomraidhean Croise

2 SAMUEL 21:6

Ana waugu udde, tantil᷊a'e siri pitu su atoune wuassu papapulunne esakka, tadea'u ielen kami su saruannu Mawu su Gibea, soan Ratu Saul sassane.” Ratu sinumimbakka, “Ore, i mangitou sarun ta'u itantilla si yamiu.”

2 SAMUEL 21:9

I mangitou tinantilla su manga taumatan Gibeon, ana see siri pitu taumata udde nate suadio'a niele su wuidda su saruannu Mawu. Ṛuumanna pateanna udde niapaamatta su panginsueannu tempo rongnga mallal᷊uwo napawe jelai itingante.

ESTER 8:11

Manga suratta udde mammasingkatta manungku ratu namalan taumatan Yahudi su al᷊awo'u soa tadea'u massanggal᷊oma wuṛṛu manahekku watanganne. Napawe i mangitou pangaloannu manga taumata pia lutangnge wuassu al᷊awo'u walahanna wuṛṛu propinsi, i mangitou wotongnge lumawangnga wuṛṛu mamate manga mamangalo udde suaddio'a ringannu awingnge wuṛṛu al᷊aṛṛanangnge; i mangitou wotongnge maṛṛata manga seenne udde ma'oman sara masue see manganu darotongnge.

ESTER 9:14

Ana see ratu nangonggollu parenta tadea'u mapaamattu darorongngi Ester; suratta parenta su soa Susan niapasabbangnga wuṛṛu winal᷊unannu siri mapul᷊o ana'i Haman nihantongnga.

ESTER 9:15

Nariaddi su allo appul᷊one appatta wul᷊anna Adar, manga taumatan Yahudi su Susan naammulla apia wuṛṛu namate 300 suatoune lai su soa udde. Wuṛṛu paassa indi lai i mangitou tawe nangaṛṛo.

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

TAHIUL᷊E 21:23

winal᷊unanna udde tawe wotongnge iwala isudde su al᷊o'engngu ṛabbi, arawe ṛinone ilabbingnga allo udde lai. Winalunanna apan ua'ele udde, mandantan bontogu Mawu Ruata su wanua udde. Nariaddi, labbinga'e winal᷊unanna udde tadea'u i yamiu tawe mandal᷊eo wanua apan nionggolu Mawu Ruatanu si yamiu.