ESTER 8:10 - WUKE SUSI WATTI'U AL᷊AL᷊USASSA

¹⁰ Manga suratta udde nibartandanni Mordekhai ringannu aranni Ratu Ahasyweros wuṛṛu nicappannu cappan araratuanna. Ana see Mordekhai nandolokku manga daroloṛṛanna manguntuddu manga suratta udde watukku manga propinsin araratuanna ringannu uasa'e manga awal᷊o pussa'an datu.

ESTER 8:10 Iomraidhean Croise

1 MARARATU 21:8

Ne i Izebel namoṛṛettu suratta ringannu aranni Ahab wuṛṛu nireetannu segellu ratu su suratta udde. Suratta udde niiringnge su manga piaṛṛa'a wuṛṛu manga matatimmaddu wanua su Yizreel.

1 MARARATU 4:28

Suapan bupati udde mangonggollu lai gandumma wuṛṛu nannal᷊o su anambon awal᷊on Salomo, mawae awal᷊o sassa'eanna aroddi lai awal᷊o kareta. Annu winatangnga udde ia'apidda su manga tanda'u awal᷊o apan haggausanne.

2 TAWARIKH 30:6

Wuassu parentan datu wuṛṛu manga mamanaran araratuanne manga daroloṛṛanna nirolokke watukku ahewallu leta'u Yehuda wuṛṛu Israel niapaapiddu manga suratta apan tingikke ereindi: “Tumana'u Israel! I yamiu napallosse wuassu taṛṛinon taumatan Asyur. Orassa indi yamiu ṛinone mabelengnga mangaddatta Mawu, Ruata apan sassubbanni Abraham, Ishak wuṛṛu Yakub, tadea'u i Tou lai mabelengnga mangontolla si yamiu apia.

ESTER 8:8

Arawe suratta apan buatte niwoṛṛetta ringannu arannu ratu wuṛṛu cappan ratu, tate wotongnge iasawutta apia. Arawe, i yamiu ta'u iwala mamoṛṛettu suratta su ola'u walahannu Yahudi, suapa aellehanni yamiu mapia. Woṛṛetta'e suratta udde ringannu arangku wuṛṛu anggol᷊annu cappan araratuanna.”

AYUB 9:25

Manga allo'u malliudda ringannu mal᷊ihakka, see mawul᷊i ringannu tawe maapendamma al᷊al᷊uassa.

MANNANASE 8:4

Ratu mammanara ringannu saṛṛaungnga; taweddu waṛṛani sumimbakka si tou!

YESAYA 60:6

Wanuanu niṛṛulunannu manambo unta, i mangitou nirumanta wuassu Midian wuṛṛu Efa. Wuassu Syeba taumata nangapiddu wul᷊awanna wuṛṛu amania, lapiddu maddal᷊o inolaannu Mawu.

YESAYA 66:20

Wuassu manga wanua udde i mangitou sarun mangapidda apia manga tuṛṛangngi yamiu sambalahanna maola'a aonggolla si Ya'u. I mangitou sarun mangapiddu manga taumata udde su wui-U apan susi su Yerusalem ringannu uasa'e awal᷊o, keledai wuṛṛu unta, wuṛṛu ringannu kereta see roda, ere inanaramannu taumatan Israel mangngapidda su Wal᷊en Mawu sasamba gandumma sulal᷊ummu tampane apan baresi.

YEREMIA 2:23

Waṛṛani atonna i'o mabbisara manungku i'o tawe sal᷊ane, wuṛṛu manungku i'o tawe mallaṛṛenggenna si Baal! Pa'ellege pallal᷊agunu su wawal᷊anne, pannaungke al᷊al᷊eonu wuṛṛu panga'ute! I'o naal᷊ihidda unta inangnge apan mappulu mabbawatianna, tuttul᷊angnga uapapal᷊ele tawe tantunne,

YEREMIA 51:21

I'o Ta'u ipaatta ipakkimunsa'a awal᷊o wuṛṛu sumasa'ene, see kereta wuṛṛu mangangapidde.

DANIEL 4:1

Eteindi papasingkati Ratu Nebukadnezar apan niiringnge su manga taumata wuassu al᷊awo'u walahanna, ṛuangannu walahanna wuṛṛu wahasa su ahewallu runia: “Tabbean paddarame!

DANIEL 6:8

I yami sarangkanambone apan mallu'adda araratuanni Tuangku, mawae manga mandariaga, manga gubernure wuṛṛu manga tembonanne waine, buatte nabbaidda maddorongnga tadea'u Tuangku mapasabbangngu suratta parenta apan ṛinone tattuṛṛutanna ringannu atonna-tonna. Ṛinone Tuangku mamarenta tadea'u su al᷊annunne tallun pul᷊o su allone tawe saran sangkatou iwala mangapiddu darorongnga suwallattu sambau monganna ara'e taumata, tabbene'e si Tuangku sassane. Isai-sai apan nilumawangnga parenta udde sarun itaṛṛo sulal᷊ummu loṛṛangngu singa.