ESTER 7:8 - WUKE SUSI WATTI'U AL᷊AL᷊USASSA

⁸ Ringannu massusa Haman nangema'u watanganne su rosobbi Ester maddorongnga ampungnga, arawe su orassa udde lai ratu nabbelengnga wuassu wawail᷊annu wal᷊en araratuanna. Naasilo si Haman aroddi, ratu nangintul᷊i, “Apa? I'o lai ta'e waṛṛanni mandal᷊eo awingku?” Tawe nal᷊annu napawe manga wisara udde buatte niwisaran datu, manga tembonanne nirumanta wuṛṛu nami'unna puan Haman.

ESTER 7:8 Iomraidhean Croise

ESTER 1:5

Wua'udde ratu na'ola'e andeangnga apia hunan anambon tumana'a su Susan, mawae ala aroddi lai asiangnga. Andeangnga udde al᷊annune sangkamisa tuudda wuṛṛu niola'a su rallakku wal᷊en araratuanna ratu.

ESTER 1:6

Rallakku wal᷊en araratuanna nilogaṛṛannu gorden wuassu mal᷊aṛṛenessa linen ma'elomma wuṛṛu mawira, niwa'issu tali linen al᷊ussa wuṛṛu ni'aitta su manga hal᷊asangnga sal᷊a'a apan ua'ele su manga diṛṛi pualan. Su al᷊ungnge niaddo manga rosobba wul᷊awanna wuṛṛu sal᷊a'a su wowon apampakku wal᷊en apan nilogaṛṛannu pualam mawira, hablur maṛṛammu, lammannu mutiara apan sussal᷊ol᷊otta wuṛṛu watu pirus ma'elomma.

ESTER 6:12

Wua'udde Mordekhai nabbelengke watukku ngaran wal᷊en araratuanna. Arawe Haman nasasaṛṛawutta napul᷊e. I tou maddiri asiloannu taumata ana waugu i tou tumamiten massili, ne i tou nanaappa hatine.

ESTER 7:10

Etearoddi Haman nihantongnga su diṛṛi apan buatte niolangnge panggantonganni Mordekhai. Wua'udde nompo'e asasa'un datu.

AYUB 9:24

Runia tinantillu Ruata su taumata mapontol᷊osanna, wuṛṛu manga mallaṛṛuungnga niolang-Nge wuta abbi. Ruata na'ola'a sarangkanambone indi, amungkangngu wal᷊ine i Tou, isai lai wotongnge?

YESAYA 22:17

Paaṛṛaddo, i Ya'u sarun mandammenu marau-rau. I'o sarun Ta'u attonganna wuṛṛu Ta'u lul᷊unanna ana see Ta'u ital᷊inggi ere bale watukku wanua apan bahewalla. Poiaroddi i'o sarun mate su sandiṛṛannu manga kereta ipammunganu. I'o buatte nandal᷊eo arannu ṛuangannu hagurangngu.

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

AMOS 3:12

Naal᷊ihidda sangkatou mallal᷊u'adda winatangnga apan naasangkalla tumba'u sampare ledda ara'e sampoto tal᷊ingan dombane apan buatte niaṛṛattu singa, aroddi lai tumba'u addio'a apan sarun matantangnga wuassu tumana'u Samaria apan orassa indi matema-temangnga mattiilla su lallowanganne apan mapia.”

MARKUS 14:65

See sire pira taumata nanattakke mangngadu Mawu Yesus, wuṛṛu i mangitou nallindumma mata-Ne wuṛṛu namuulla si Tou, see nabbisara, “Si'ata'a, isai namuulla Si'o?” Manga mandariaga lai namero Mawu Yesus.