ESTER 7:7 - WUKE SUSI WATTI'U AL᷊AL᷊USASSA

⁷ Ratu nasa'u atonna, ana see dirumarisikka nanantangngu medda wuṛṛu lapiddu sinumabbangnga watukku liudde, su wawail᷊annu wal᷊en araratuanna. Haman masingkatta manungku ratu buatte nanganu inaappuanne tadea'u makkuumanne, ana waugu udde i tou tawe manantangngi Wo'i Ester tadea'u sumal᷊ande i tou iapasal᷊amatta.

ESTER 7:7 Iomraidhean Croise

ESTER 1:12

Arawe sutempo manga mangangimbe udde namasingkattu parentan datu si Wo'i Wasti, wo'i maddiri rumanta, na'oman sara ratu tumaniten nasa'u.

ESTER 1:5

Wua'udde ratu na'ola'e andeangnga apia hunan anambon tumana'a su Susan, mawae ala aroddi lai asiangnga. Andeangnga udde al᷊annune sangkamisa tuudda wuṛṛu niola'a su rallakku wal᷊en araratuanna ratu.

ESTER 7:10

Etearoddi Haman nihantongnga su diṛṛi apan buatte niolangnge panggantonganni Mordekhai. Wua'udde nompo'e asasa'un datu.

DARALO 112:10

Taumata lal᷊eo maasilo si tou wuṛṛu nabbal᷊i massa'u; i mangitou mangngasan isi ana waugu maddantinna. Ana see i mangitou nate; antimmi mangitou nawul᷊i saran mal᷊annu-l᷊annu.

AMSAL 14:19

Taumata lal᷊eo sarun massuṛṛubbawa su taumata naungnge matul᷊idda, tadea'u sumal᷊ande maiakkanna.

AMSAL 14:35

Ratu mal᷊uassa su mamanaran araratuanne apan pande; arawe i tou masa'u su mamanaran aratuanne apan tawe maamattu manarane.

AMSAL 16:14

Asasa'un datu udde naal᷊ihidda watti'u ṛuumanna pateanna; taumata apan pande sarun mattinsahadda malladda!

AMSAL 19:12

Asasa'un datu ere tingikku singa; apapian datu naal᷊ihidda wal᷊angngukka apan nakkolo al᷊awo'u sinuananna.

YESAYA 60:14

Manga ana'u mangangallangngu rumanta umal᷊intudda, iapa apan buatte nangal᷊uandaga si'o sarun massuṛṛubbawa, i'o sarun isaggo ‘Soa Mawu’, ‘Sion, Soan Duata Susin Israel’.

DANIEL 3:19

Ne sinumabbangke asasa'un Ratu Nebukadnezar su saruanni Sadrakh, Mesakh wuṛṛu Abednego, na'oman sara hatine maṛṛamutta. I tou namarenta tadea'u pandu'a olaanna paapitu al᷊osone wuassu wiasane.

SONDAPPA 3:9

Naungete indi: Manga taumata apan naola'a walahannu Setanna udde, manga taṛṛa awusu apan mangnga'u watanganne Yahudi wutte'e wal᷊ine, sarun Ta'u olaanna ma'oman sara i mangitou rumanta umal᷊intudda su saruannu. Wuṛṛu i mangitou sarun maasingkata manungku i Ya'u marangngu si yamiu.

1 SAMUEL 20:7

Napawe ratu mabbisara, ‘Aroddite,’ ne ya'u sarun matammudda, arawe amungkangu i tou masa'u, ṛinone i'o masingkatta manungku i tou buatte nakkawessa manilaka si ya'u.

1 SAMUEL 20:9

I Yonatan sinumimbakka, “Arie passinggawanga! Amungkangu ya'u maasingkatta ringannu atonna manungku iamangku pia naungnga manilaka si'o, ya'u sarun mamasingkatta si'o.”

1 SAMUEL 25:17

Ana waugu udde, ṛingira'a paapia olangnge indi, wuṛṛu ṛawesa'e apa apan botongnge olaanni Mama. Ana waugu sarun dumanta wawal᷊inne si tuangngi ite wuṛṛu su anambon balahanne. I Tuangngi ite aroddi tawe maddaringikka na'oman sara i tou tawe a'aehanna maggahatto!”