ESTER 7:10 - WUKE SUSI WATTI'U AL᷊AL᷊USASSA

¹⁰ Etearoddi Haman nihantongnga su diṛṛi apan buatte niolangnge panggantonganni Mordekhai. Wua'udde nompo'e asasa'un datu.

ESTER 7:10 Iomraidhean Croise

PANDARIADDI 40:22

Arawe mangangimben doti iṛṛuumanna pateanna. Sarangkanambone udde nariaddi ere buete niwal᷊on i Yusuf.

ESTER 2:1

Manga pira tempo wua'udde, salaiwe ratu tate lai masa'u, i tou ta'e sidutu maṛṛingiddu inolaanni Wo'i Wasti wuṛṛu ruumanna apan buatte nionggolla si tou.

ESTER 5:14

Naaringikka udde awingnge wuṛṛu anambon manga hawene naṛṛingidda arendi, “Doloṛṛa'e ma'ola'a diṛṛi panggahantonganna atanggakke daruan pul᷊o dua su meterene. Ana see tiṛṛabbine, marua allo atonna paddorongke su ratu tadea'u manggantongngi Mordekhai su diṛṛi udde. Ringannu aroddi i'o wotongnge inai watukku sal᷊iwangnga udde ringannu naungnga apan matammudda.” Ṛingidda udde mapia atonna tumuṛṛuttu addapatti Haman, ana waugu i tou lapiddu napaola'u diṛṛi panggahantonganna udde.

ESTER 7:7

Ratu nasa'u atonna, ana see dirumarisikka nanantangngu medda wuṛṛu lapiddu sinumabbangnga watukku liudde, su wawail᷊annu wal᷊en araratuanna. Haman masingkatta manungku ratu buatte nanganu inaappuanne tadea'u makkuumanne, ana waugu udde i tou tawe manantangngi Wo'i Ester tadea'u sumal᷊ande i tou iapasal᷊amatta.

ESTER 7:8

Ringannu massusa Haman nangema'u watanganne su rosobbi Ester maddorongnga ampungnga, arawe su orassa udde lai ratu nabbelengnga wuassu wawail᷊annu wal᷊en araratuanna. Naasilo si Haman aroddi, ratu nangintul᷊i, “Apa? I'o lai ta'e waṛṛanni mandal᷊eo awingku?” Tawe nal᷊annu napawe manga wisara udde buatte niwisaran datu, manga tembonanne nirumanta wuṛṛu nami'unna puan Haman.

ESTER 8:7

Ne unni Ratu Ahasyweros si Wo'i Ester wuṛṛu Mordekhai, “Atonna, i ya'u buatte nanggatongngi Haman ana waugu i tou pia pandumma mamate taumatan Yahudi, wuṛṛu darotongnge buatte ta'u nionggolla si Ester.

ESTER 9:14

Ana see ratu nangonggollu parenta tadea'u mapaamattu darorongngi Ester; suratta parenta su soa Susan niapasabbangnga wuṛṛu winal᷊unannu siri mapul᷊o ana'i Haman nihantongnga.

ESTER 9:25

Arawe Ester sinumaruanna ratu, wuṛṛu ratu nangonggollu parenta uawoṛṛetta na'oman sara hol᷊aga lal᷊eo apan niola'i Haman naṛṛia'a su watanganne sassane, wuṛṛu lai i tou see al᷊aṛṛanangnge nihantongnga su diṛṛin panggahantonganna.

AYUB 18:8

I tou niumamatta sulal᷊ummu soma, ne leddane naaitte.

AYUB 20:8

I tou sarun mawul᷊i ere lintaun bal᷊iawa, mahangginna ere aellega sutempo ṛabbi.

DARALO 37:15

Arawe taumata lal᷊eo sarun a'usu'annu hal᷊elene sassane, darangeanni mangitou sarun paddianna.

DARALO 7:16

I tou naal᷊i loṛangnga ipagau taumata waine, arawe i tou sassane nanawo sulal᷊umme.

DARALO 94:23

I Tou nakkuumannu taumata lal᷊eo uasul᷊ungngu al᷊al᷊eone, wuṛṛu napal᷊annabi mangitou ana waugu rosane. Mawu Ruatan kite sarun mapal᷊annabi mangitou.

AMSAL 11:27

Isai maṛṛimadda ma'ola'a apapia sarun arangnguannu taumata; isai maddea'a al᷊al᷊eo, sarun aṛṛiaannu asasusa.

AMSAL 11:8

Taumata na'ukassa marau wuassu asasusa; taumata lal᷊eo maasomba hal᷊ahe.

AMSAL 26:27

Isai apan naal᷊i loṛṛangnga ipaggau taumata waine, i tou sarun mataṛṛo sulal᷊umme. Isai manal᷊inggin batu tadea'u ipangumpisanna taumata waine, i tou sassane apan sarun aumpisanannu watu udde.

YEHEZKIEL 5:13

I'o sarun maapendamma asadattu asasa'u wuṛṛu al᷊al᷊eo naung-Ku ma'oman sara i Ya'u mul᷊ete. Napawe sarangkanambone udde nariaddite, i'o sarun mangimanna atonna manungku i Ya'u, Mawu, buatte nabbisara si'o, ana waugu i Ya'u massa'u su ola'u lal᷊awangngu.

DANIEL 6:24

Tawe hampa al᷊al᷊uassu naungngu ratu wuṛṛu i tou namarenta tadea'u Daniel iapasabbangnga wuassu liangnga udde. Napawe parenta udde niapaamatta, inauanna manungku tawe niasombanganna lessa saran addio'a si Daniel, ana waugu i tou mangngimanna Ruatane.

DANIEL 6:25

Wua'udde ratu namarenta taumata tadea'u iapasametta manga taumata apan buatte mangalaen Daniel. Wua'udde i mangitou suadio'a ringannu manga anangnge wuṛṛu manga awingngi mangitou nitaṛṛo sulal᷊ummu liangngu singa udde. Taambe lai i mangitou na'oma su lal᷊ummu liangnga udde, manga singa udde buatte tinumambo si mangitou wuṛṛu naṛṛimunsa'a manga duṛṛin mangitou.

ZAKARIA 6:8

Wua'udde mala'ekatta udde nabbisara si ya'u, “Awal᷊o apan inai watukku Babel udde buatte napa'ompo'u asasa'u Mawu.”

MAL᷊AṚṚUUNGNGA 15:7

Ana see i Simson nabbisara su manga taumatan Filistin udde, “Oh, aroddi olangnge i yamiu makkuumanna? I ya'u massalu, tawe mallannaba amungkangu i ya'u taambe naawal᷊issa olangnge indi si yamiu!”