ESTER 6:6 - WUKE SUSI WATTI'U AL᷊AL᷊USASSA

⁶ Napawe Haman sinumutta, ratu nabbisara si tou, “Pia taumata apan ta'u onggol᷊annu aaddatta wahewalla. Apa apan sarun ta'u olaanna si tou?” Haman naṛṛingidda, “Isai lai apan sarun onggol᷊annu ratu aaddatta aroddi ahewalle? Tumba'u i ya'u!”

ESTER 6:6 Iomraidhean Croise

ESTER 1:15

Unnu ratu su siri pitu taumata udde, “I ya'u buatte nandolokku manga mangangimbe'u inai ringanni Wo'i Wasti wuṛṛu mandoloki tou iaparanta ringangku. Arawe i tou maddiri. Tumuṛṛuttu tita, ṛuumanna apa apan ṛinone ionggolli ite si tou?”

ESTER 5:11

Ana see i Haman mammahiate si mangitou wuṛṛu mammungaten paa'alane, pangkanne wahewalla apan nionggollu ratu, wuṛṛu pangkanne apan marau mattangngaṛṛanne wuassu manga mamanara waine.

ESTER 6:11

Ana see Haman nanganu laubba wuṛṛu awal᷊o udde see niluṛṛe si Mordekhai. Napawe Mordekhai uasa'ete awal᷊o udde, Haman nangapiddi tou namal᷊iwutta niumamattu lapangannu soa, lapiddu mangngintul᷊i, “Pa'ellege, etearendi ratu mangngonggollu awawantuga su taumata apan aaddatanne!”

ESTER 6:5

Manga mangangimbe udde sinumibakka ratu, “Haman udde su wal᷊en araratuanna wuṛṛu i tou pia pandumma sumaruanna si Tuangnga.” “Doloṛṛa'a pasutta'a i tou,” unnu ratu.

ESTER 6:7

Ana waugu udde i tou sinumibakka, “Rinone taumata udde luṛṛeannu laubbu awawantuga apan inanaramanna ilalluṛṛen Tuangnga sassane. Ana see awal᷊on Tuangnga logaṛṛannu manga hamabarannu araratuanna.

ESTER 6:9

Sangkatou tembonannu araratuanna wuassu ṛuangannu papunna ṛinone malluṛṛen laubba udde su taumata apan sarun addatanni Tuangnga udde, ana see mangapiddu taumata udde mammal᷊iwutta soa ringannu uasa'e awal᷊on Tuangnga umamattu lapangannu soa. Tembonanne udde sarun uamamatta su saruanne lapiddu mabbisara, ‘Etearendi ratu mangonggollu aaddatta su taumata apan aaddatanne!’ ”

DARALO 35:27

Antimanna taumata apan maapulu ma'ellega si ya'u iapaṛṛino lullala'a wuṛṛu lulluassa. Antimanna i mangitou masokka mabbisara, “Mangke atonna Mawu mawantuga! I Tou maapulun asasal᷊amattu allang-Nge!”

AMSAL 1:32

Taumata apan tawe asingkatta su ola'u pabbiaṛṛanna sarun mate ana waugu tawe mangarega'u, wuṛṛu taumata longonna sarun maṛṛimunsa'a ana waugu tawe maddaringikka si ya'u.

AMSAL 16:18

Warabbunga pangillul᷊eanne awawinasa; atatanggakka pangillul᷊eanne ananawo.

AMSAL 18:12

Taumata mawunga sarun manawo, taumata masaṛṛionto'a sarun addatanna.

AMSAL 30:13

Pia taumata apan massunna watanganne mapia atonna – tawe hampa apapiane!

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

YEREMIA 32:41

I Ya'u sarun mal᷊uassa ma'ola'a apapia si mangitou, wuṛṛu ma'ola'a si mangitou matatana'a su wanua indi saran mal᷊annu-l᷊annu.

OBAJA 1:3

I'o niaawusuannu naungngu apan mawunga. Inangngu soanu uddewe wowon batu apan matohassa; tampa tatanaannu su puiddu wowone apan matanggakka. Ana waugu udde i yamiu maṛṛingidda, ‘Isai apan wotongnge mangema'u?’

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

LUKAS 14:9

na'oman sara tatahuannu wal᷊e apan suete nabal᷊o siraddua udde, ringannu ipabbawata'a rumanta ringanni yamiu wuṛṛu mabbisara, ‘Madorongnga ampungnga, tampa indi suete nisaddia su raho udde.’ Ne ringannu massili i'o nangingkatta su tampa apan su liudde.

YOHANES 5:23

Iamangnga na'ola'a udde tadea'u anambon taumata mangngaddatta Ana'a ere lai i mangitou mangngaddatta Iamangnga. Taumata apan maddiri mangngaddatta Ana'a maddiri lai mangngaddatta Iamangnga apan nandolokku Ana'a.