ESTER 6:13 - WUKE SUSI WATTI'U AL᷊AL᷊USASSA

¹³ Su awingnge wuṛṛu manga hawene i tou nabbatti'a apa apan buatte niapendamanne. Wua'udde awingnge wuṛṛu manga hawene apan pande udde nabbisara si tou, “I'o mannattakke iawaddon Mordekhai. I tou taumatan Yahudi wuṛṛu i'o tawe maaro'appa si tou. I tou atonna sarun mamaddonu.”

ESTER 6:13 Iomraidhean Croise

PANDARIADDI 24:66

Wua'udde allangnga udde nabbatti'a si Ishak al᷊awo'a apan buatte nimanarane.

PANDARIADDI 40:19

Sulal᷊ummu tallu allo indi ratu sarun mandolokku taumata iapaponggo'a puanu ana see iele winal᷊unannu su sambau riṛṛi, wuṛṛu manga manu'u winalanganna sarun uminassa ṛemessa wuassu winal᷊unannu.”

PANDARIADDI 41:8

Marua allone ratu sussinggawangke, ana waugu udde i tou nandolokka niapawago anambon taṛṛa pani'atta wuṛṛu taumata pia asingkanne su Mesir. Ana see nabbati'u wal᷊iawane si mangitou, arawe tawe saran sangkatou apan botongnge manal᷊a'an atappasanne.

AYUB 15:24

Silaka naal᷊ihidda ratu apan baṛṛani, nasaddiate tumambo si tou.

DARALO 105:15

“Imbaṛṛangnga manal᷊awa'u manga taumata nipile-U, imbaṛṛangnga ma'ola'a al᷊al᷊eo su manga nabi-U!”

AMSAL 28:18

Taumata apan mabbiakka ringannu tawe sangkulle sarun masal᷊amatta. Taumata apan u'al᷊iwu wiakke, sarun manawo.

DANIEL 2:12

Naaringikka udde ratu nabal᷊i nasa'u atonna wuṛṛu nangonggollu parenta tadea'u iapapate anambon mapapande apan uatana'a su Babel.

HOSEA 14:9

Taumatan Israel sarun mandammen manga paal᷊uanna apan sassubbanne; i mangitou Ta'u paddul᷊iananna wuṛṛu Ta'u daringiṛṛanna aal᷊iomanne. Naal᷊ihidda aaluanna apan uasaṛṛihalo rongngane, i Ya'u sarun manirungnga si mangitou. Ete i Ya'u punnu al᷊awo'u al᷊amatti mangitou. I Ya'u, Mawu, buatte nabbisara.”

ZAKARIA 2:12

Paassa lai Yehuda sarun maola'a pussa'a Mawu apan apianne su letang-Ne apan susi, wuṛṛu Yerusalem sarun maola'a soa apan lembon arangnguan-Ne.

REENGANNA 24:9

Walahanna udde naal᷊ihidda singa esakka wuṛṛu singa wawine, apan uarammangnga wuṛṛu uatattere. Isai waṛṛani mamu'o si tou? Doronganna taumata apan mangal᷊amatta si'o sarun al᷊amatanna, wuṛṛu taumata apan mamontoga si'o sarun wontohanna.”

TAHIUL᷊E 32:10

I Tou naaratingnga si mangitou tantal᷊anna lullalele su tampa apan mal᷊annaba su wadda'a mal᷊alangnga. Ana see i Tou nallu'adda wuṛṛu nappadul᷊i si mangitou wuṛṛu nandiaga si mangitou naal᷊ihidda pussaa-Ne.