ESTER 4:3 - WUKE SUSI WATTI'U AL᷊AL᷊USASSA

³ See lai su al᷊awo'u propinsi, manga taumatan Yahudi nilumallu napawe parentan datu udde nial᷊iata. I mangitou ual᷊uṛṛen laubba karongnga wuṛṛu ual᷊allowangnga su awu.

ESTER 4:3 Iomraidhean Croise

ESTER 1:1

Su Susan, inangngu soan Persia, Ahasyweros namarenta naola'a ratu. Araratuanne eteudde wuassu 127 propinsi, nanattakka wuassu India naddatingngu Sudan.

ESTER 3:12

Ne su allo appul᷊one tallu wul᷊anna paarorone, Haman namaggo manga mamamoṛṛettu ratu. I mangitou nirolokki tou niapawoṛṛettu suratta uasul᷊ungngu al᷊awo'u apa apan niparentane, ana see suratta udde nitappassa sulal᷊ummu anambon sasinaukka wuṛṛu nisal᷊inna su anambon woṛṛetta apan ipappaatta su araratuanna udde. Suratta udde niwoṛṛetta ringannu aranni Ratu Ahasyweros wuṛṛu nicappannu sinsingnge, ana see niiringnga ringannu mal᷊ihakka su manga tembonanne, gubernure wuṛṛu ahewal᷊anne su anambon propinsi. Lal᷊oṛṛone eteudde, gubernure wuṛṛu ahewal᷊anne su anambon propinsi. Lal᷊oṛṛone eteudde parenta manungku su allo appul᷊one tallu wul᷊anna Adar, anambon walahannu Yahudi, mawae timmadde aroddi lai dario'a, mawae wawine ara'e lai al᷊aṛṛana'a, ṛinane pateanna tawe ampungnge, wuṛṛu darotongngi mangitou aṛṛoanna.

ESTER 4:16

“Ammul᷊a'e anambon taumatan Yahudi apan uatana'a su Susan tadea'u umal᷊iomangku. Imbaṛṛangnga umanna wuṛṛu ma'inumma al᷊annune tallu allo tallu ṛabbi. I ya'u sassane wuṛṛu manga maṛṛuala mangangimbe'u sarun mappuasa lai. Wua'udde i ya'u sumaruante ratu, salaiwe udde lumawangnga atoranna. Amungkangngu i ya'u ṛinone mate ana waugu udde, wala'e i ya'u mate!”

ESTER 4:2

Su saruannu ngara wahewallu araratuanna i tou nattaalla, ana waugu taumata apan ual᷊uṛṛen laubba karongnga imbaṛṛangnga sumutta.

ESTER 4:4

Sutempo manga maṛṛuala wuṛṛu manga mamanara apianne apan mangngimbe si Wo'i Ester namasingkatta si tou apa apan tantal᷊anna a'olanni Mordekhai, Ester mangke nasusa atonna. I tou nangirimmu laubba si Mordekhai, Ester mangke nasusa. I tou nangirimmu laubba si Mordekhai ipangganti laubba karongnga udde, arawe Mordekhai maddiri manengkamma.

ESTER 9:31

Suratta udde mangngaṛṛa'a lai tadea'u i mangitou wuṛṛu papapulunni mangitou mallaghun manga allon Purim sutempo apan naṛṛino, su ereapa i mangitou mallaghun tempon puasa wuṛṛu tempon lullal᷊o. Eteudde lal᷊oṛṛon suratti Mordekhai wuṛṛu Wo'i Ester.

AYUB 2:8

See i Ayub niuma'ianna maranin undu'u sapadda wuṛṛu nanganu pesangngu saṛṛuminanna ipaaṛṛo wadangnge.

YESAYA 22:12

Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

YESAYA 22:4

Imbaṛṛangnga ma'innunu si ya'u; wala'e i ya'u lumuai manga taumata wuassu pabbawala'u apan natete. Arie maannamma maminalatta si ya'u.

YESAYA 58:5

Napawe i yamiu mappuasa, i yamiu mannansara watangannu, i yamiu uaru'uttu puanu ere rongngan wal᷊abbuka. I yamiu mammilattu kaingnga karongnga wuṛṛu mannal᷊iawukku awu, see natiilla rosone. Eteudde apan isassaggon kami mappuasa? Sunannu i Ya'u mal᷊uassa su inolaanni yamiu udde?

YEHEZKIEL 27:30

I mangitou lulluain ola'u pabbiaṛṛannu, sassal᷊iomanna wuṛṛu lulluai ringannu massusa. I mangitou nanal᷊iawukku awu su pua wuṛṛu tinumal᷊inggi sulal᷊ummu awu tatiala massusa.

DANIEL 9:3

Wua'udde i ya'u inumal᷊iomante ringannu atonna-tonna su Mawu Ruata, wuṛṛu sinumal᷊ande aakkan-Ne. I ya'u lai nappuasa wuṛṛu nalluṛṛen laubba karongnga see niuma'ianna su awu.

YUNUS 3:6

Sutempo ratun Niniwe naaringikka watti'a udde, i tou nasasaṛṛawutta sinumossokka wuassu adderan araratuanne. I tou nalluatta juban araratuanne wuṛṛu nalluṛṛe nasa karongnga, see niuma'ianna su wowon awu.

MATIUS 13:42

I mangitou sarangkanambone sarun iramme sulal᷊ummu sunggilla pia putungnge apan luṛṛenggamma, isudde i mangitou sarun lumuai wuṛṛu matataṛṛangnga.

MATIUS 22:13

See ratu udde nabbisara su manga ralol᷊oṛṛanne, ‘Ṛapussa leddane wuṛṛu liman taumata indi, wuṛṛu rammea'a i tou su liudde su tampa apan marandumma. Poiaroddi pia lal᷊uai wuṛṛu asasusa.’ ”

MATIUS 25:30

Wuṛṛu mangangimbe apan tawe gunane udde, rammea'e sulal᷊ummu ararandumma su liudde. Poiaroddi i tou sarun lumuai wuṛṛu matataṛṛangnga asasusa!’ ”

YOSUA 7:6

I Yosua wuṛṛu manga piaṛṛa'u ṛuangannu Israel mangke massusa na'oman sara i mangitou nanggesa'a laubbi mangitou, wuṛṛu su al᷊o'engngu allo maddatingu ṛabbi i mangitou u'al᷊intudda su saruannu Wantalu Pa'aire Mawu ringannu nangaddon awu su pua mangitou maola'a sambau tatiala massusa.

1 SAMUEL 11:4

Etearoddi manga daroloṛṛanna udde na'omate su Gibea, sutampa atatanaanni Saul. Sutempo i mangitou namasingkattu watti'a udde, tumanange nilumuaite ana waugu sussassilla.